Esai 14:5 - Maktub gə́ To gə Kəmee

⁵ Njesigənea̰ təd kag-tɔs lə njémeeyèrje ləm, Gə kag-mbai lə njéko̰ dɔ looje ləm tɔ.

Esai 14:5 ပူးပေါင်းရင်းမြစ်များ

Pakɔsje 125:3

Mbata kag-mbai gə́ ka̰ meeyèr lé A ko̰ɓee dɔ njémeekarabasurje’g el Gə mba kar njémeekarabasurje lé D’ula ji dee par gə́ néra gə́ kori-kori’g lé el.

Gosota-Kəmkàrje 28:15

Njemeeyèr gə́ o̰ ɓee dɔ dəwje’d gə́ to njéndooje lé To asəna gə toboḭ gə́ inja miḭ ləm, gə da-urs gə́ ɓó tɔlee bèe ləm tɔ.

Esai 10:5

Njesigənea̰ pana: Meeko̰ a koso dɔ Asirije’d Gə́ to ndəi gə́ wɔji dɔ oŋg ləm Ndəi gə́ to ji dee’g lé ɓa To nékula gə́ wɔji dɔ boo-oŋg ləm tɔ.

Esai 13:11

N’a kar bo̰ néra majel lə njé gə́ naŋg nee ɔs ta dee’g ləm, N’a kar bo̰ néra yèr lə njémeeyèrje ɔs ta dee’g ləm tɔ, N’a kar ti rɔ lə njébeeleje godo ləm, Dəwje gə́ to njékṵda rɔ dee gə́ dəwje gə́ boi lé N’a tuji ta beeléje lə dee ləm tɔ.

Esai 14:29

I ɓee lə Pilistije lé Kag-tɔs gə́ kundai ne gə́ təd lé Maji kari ra rɔlel gə mbəa el! Mbata ginka li lé ɓa Li-ŋgɔrŋgɔnd a kḭ keneŋ Ndá da-kɔb gə́ nar bag lé a kḭ ginee ya tɔ.

Esai 14:4

ndá seḭ a kunje pa neelé kɔm ne ta dɔ mbai gə́ Babilɔn’g pana: Ɗi ɓa bèe wa! Njekunda rəa gə́ dəw gə́ boo lé godo! Gel kula kəm loo ndòo lé gaŋg ŋga!

Esai 14:6

Yeḛ gə́ oŋg ḭ səa jugugu Aree kunda ginkoji dəwje gə raŋg Gə́ kédé-kédé lal kəw rəa ləm, Yeḛ gə́ oŋg ḭ səa Aree dum dɔ ginkoji dəwje gə raŋg ləm tɔ lé D’ula kəmee ndòo lal kunda ŋgaŋgee.

Esai 9:3

Mbata néməməna̰ gə́ wɔi gwɔs dee’g ləm, Gə kag-tɔs gə́ d’unda ne bargir dee ləma, Gə ndəi gə́ d’ula ne kəm dee ndòo ləm tɔ lé I təd dee ne rém-rém to gə́ mee ndəa’g lə Madianje bèe.

Esai 9:4

Mbata markob-rɔje lai gə́ d’aw ne loo-rɔ’g ləm, Gə kubu-rɔje lai gə́ rogo dan məs’g ləm tɔ lé D’a kɔm dee pər’d Kar dee roo dula-dula ya.

Nɔ̰-ndôo gə́ wɔji dɔ Jerusalem 1:21

Deḛ d’oo ndum Loo gə́ m’tuma̰ ŋgururu-ŋgururu lé Nɛ dəw kára kara ree rɔm’g mba gɔl məəm el, Loo gə́ njéba̰je ləm d’oo ta némeeko̰ gə́ teḛ dɔm’g lé ndá Deḛ d’al rɔ dee Mbata né gə́ i aree teḛ dɔm’g lé, Ndɔ gə́ i wɔji mba kar dee To to gə́ ma bèe lé I a kar ndəa neelé teḛ ləm, I a kila mberee ləm tɔ.

Habakuk 1:17

See d’a tɔr néje mee bura’g lə dee gə́ kédé-kédé wa. See d’a tḭja gwɔs ginkoji dəwje gə raŋg gə́ kédé-kédé lal koo ne kəmtondoo lə dee wa.