Esai 14:29 - Maktub gə́ To gə Kəmee

²⁹ I ɓee lə Pilistije lé Kag-tɔs gə́ kundai ne gə́ təd lé Maji kari ra rɔlel gə mbəa el! Mbata ginka li lé ɓa Li-ŋgɔrŋgɔnd a kḭ keneŋ Ndá da-kɔb gə́ nar bag lé a kḭ ginee ya tɔ.

Esai 14:29 ပူးပေါင်းရင်းမြစ်များ

2 Mbaije 18:8

Yeḛ rɔ gə Pilistije dum dɔ dee saar teḛ Gaja ndá yeḛ tuji dɔ naŋgje lə dee, un kudee kəije gə́ ŋgal gə́ duu dɔ loo lə njéŋgəmlooje lé saar teḛ ne ɓee-booje gə́ ndògo-bɔrɔ gugu dɔ dee sub.

2 Sôrta Gḭka Israɛlje 26:6

Yeḛ rɔ gə Pilistije ndá yeḛ təd ndògo-bɔrɔ gə́ Gat ləm, gə ndògo-bɔrɔ gə́ Jabne ləma, gə ndògo-bɔrɔ gə́ Asdod ləm tɔ, tɔɓəi yeḛ unda ɓee-booje dɔ naŋg’d gə́ Asdod ləm, gə mbuna Pilistije’g ləm tɔ.

2 Sôrta Gḭka Israɛlje 28:18

Pilistije d’ur mee ɓee-booje gə́ to mee ndag-loo gə́ wɔji dɔ dɔkɔl lə Juda ndá deḛ taa Bet-Semes, gə Ajalo̰, gə Gederot, gə Soko gə ɓee-kogoje ləa, gə Timna gə ɓee-kogoje ləa, gə Gimjo gə ɓee-kogoje ləa ndá deḛ d’isi keneŋ tɔ.

Gosota-Kəmkàrje 24:17

Maji kari ra rɔlel dɔ koso’g lə njeba̰ ləi el ləm, Maji kari al rɔi loo gə́ gɔlee unda ndolè el ləm tɔ.

Esai 11:14

D’a tel buŋga na̰ dɔ Pilistije gə́ d’isi dɔdərlooje’g ləm, D’a kunda deḛ gə́ d’isi bər banrɔ taa néje lə dee ləm, Edɔmje gə Moabje d’a to nékwa peb gə ji deeje ləma, Amo̰je kara d’a kula dɔ dee no̰ dee’g ləm tɔ.

Esai 11:8

Ŋgon gə́ ta mbà’g a ndam ta bwa li-meewai’g ləm, Ŋgon gə́ mbad mbà a kula jia mee bwa li-ŋgɔrŋgo̰d’g ləm tɔ.

Esai 14:31

Seḭ gə́ síje tarəwkəi’g lé Gə́ tuma̰je ŋgururu-ŋgururu! Seḭ gə́ síje ɓee-boo’g lé Gə́ no̰je rɔ sí! Seḭ njéɓeeje gə́ Pilisti lai lé Undaje bala! Mbata sa pər ḭ gə́ dɔgel si ree ləm, Mbuna loo-kaar njéba̰je lé udu jigi-jigi ləm tɔ.

Esai 2:6

Mbata i Njesigənea̰ uba koso-dəwje ləi gə́ to ŋgaka Jakob ya̰ dee, Mbata ndil néje gə́ d’ḭ ne bər Ɓa taa meḛ dee pəl-pəl ləm, Deḛ d’ya̰ rɔ dee yag Dɔ tən ndil néje to gə́ Pilistije bèe ləma, Mbata deḛ d’ɔm na̰’d gə dəw-dɔ-ɓeeje Dɔ néra dee’g ləm tɔ.

Esai 30:6

Ndərta gə́ wɔji dɔ da-kulje gə́ kel dɔkɔl! Deḛ d’unda mee ɓee gə́ néurti gə nékəmndoo to keneŋ gaŋg, To loo gə́ ko̰ toboḭ gə bɔ toboḭ ree keneŋ ləm, Li-meewai gə da-kɔb gə́ ḭ gə bagee ree keneŋ ləm tɔ, Deḛ d’odo nékiŋgaje lə dee gir mulayḛ̀je-je’g lə dee ləm, D’odo nébaoje lə dee dɔ dun jambalje’g ləm tɔ D’aw ne d’ar koso-dəwje gə́ d’askəm ra né kára kara mbata lə dee el.

Jeremi 47:1

Ta gə́ Njesigənea̰ ula Jeremi, njetegginta wɔji ne dɔ Pilistije kédé ɓad ɓa Parao̰ aw rɔ gə njé gə́ Gaja ɓəi.

Nɔ̰-ndôo gə́ wɔji dɔ Jerusalem 2:17

Njesigənea̰ ra to gə́ yeḛ wɔji mée’g kédé lé ya. Taje gə́ yeḛ pa kédé gə́ ləw lé kara Yeḛ tɔl bém tɔ, Yeḛ tuji loo lal koo ne kəmtondoo ləm, Yeḛ teli gə́ nékalrɔ lə njeba̰ ləi ləma, Yeḛ ar siŋga njékula kəmi ndooje lé Ḭ dɔ maree’d gə́ kédé-kédé ləm tɔ.

Ejekel 25:15

Mbaidɔmbaije gə́ Njesigənea̰ pa togə́bè pana: Mbata Pilistije d’ula rɔ dee mbiriri loo-dalba̰’g ləm, mbata deḛ dal ba̰ d’ə̰ji ne loo bəḭ-bəḭ gə ŋgaw meḛ dee bura saŋg ne loo tuji ne néje lai pugudu-pugudu gə goo kḛji loo bəḭ-bəḭ lə deḛ gə́ to gə no̰ ləm tɔ lé

Ejekel 26:2

I ŋgon-dəw lé to gə́ Tirje pata dɔ Jerusalem’g pana: Bèe ya ɓa! Bèe ya ɓa lé, ɓee gə́ to tarəwkəi lə koso-dəwje lé təd ar dəwje tel kəm dee gə́ dɔ síjeḛ’g. Yee ɓa j’a kar néje taa rɔ síjeḛ pəl-pəl mbata yee lé to dɔ nduba!

Ejekel 35:15

Rɔlel gə́ seḭ raje loo gə́ gel-bɔje lə Israɛl tuji pugudu-pugudu lé yee ɓa n’a ra sə sí togə́bè ya tɔ, seḭ gə́ síje dɔ mbal gə́ Seir lé n’a kar sí tel toje dɔ nduba gə́ wa ŋgɔ njag-njag, seḭ gə dəwje gə́ Edɔm lai ya. Bèe ɓa d’a gər ne to gə́ neḛ n’to Njesigənea̰ ya.

Ojee 9:1

Seḭ Israɛlje lé, maji kar sí raje rɔlel əsé alje rɔ sí To gə́ ginkoji dəwje gə́ raŋg bèe el, Mbata kuba gə́ seḭ ubaje Njesigənea̰ lə sí yá̰je Asəna gə kaiya-dené bèe ləm, Mbata loo-kunda-koje lai-lai Gə́ seḭ ndigi taaje nékoga dɔ ji sí gə́ mina̰ keneŋ ləm tɔ!

Joɛl 3:4

Kàr a tel ndul njudu-njudu ləm, Naḭ a tel kas to gə́ məs bèe ləm tɔ Ɓad ɓa kar ndɔ lə Mbaidɔmbaije a teḛ ɓəi, A to ndɔ gə́ boo ləm, gə ndɔ nduba rɔ ləm tɔ.

Amɔs 1:6

Njesigənea̰ pa togə́bè pana: Gə mbata kaiya ra Gajaje gə́ aw gə́ kédé-kédé lé ndá N’a tel gə ndu neḛ nda̰ el, Mbata deḛ d’wa koso-dəwje bula Gə́ ɓərje d’ɔm dee ji Edɔmje’g.

Amɔs 1:8

N’a tuji njéɓeeje gə́ Asdod pugudu-pugudu ləm, Gə yeḛ gə́ wa kag-mbai jia’g mee ɓee gə́ Askalo̰ ləm tɔ. N’a tel gə ji neḛ kɔs ne Ekro̰je ləm, Pilistije gə́ nai lé kara d’a tuji ləm tɔ. Mbaidɔmbaije gə́ Njesigənea̰ ɓa pa bèe.

Abdias 1:12

Mee kàree gə́ némeeko̰ ra ŋgoko̰ sí lé Kəm kar sí ooje gə́ nérɔlel el ləm, Kəm kar sí alje rɔ sí dɔ ŋgaka Judaje’g ndɔ tuji’g lə dee el ləma, Ndɔ gə́ néurti teḛ lé Kəm kar sí teḛje ta sí Ulaje ne sul dɔ dee’g el ləm tɔ.

Misee 7:8

Seḭ njéba̰je lə sí lé, maji kar sí alje rɔ sí Wɔjije ne dɔ síjeḛ el Mbata jeḛ j’oso ya Nɛ j’a kḭje ta ɓəi. Ɓó lé j’isi dan loondul’g kara Njesigənea̰ a to lookàr lə sí ɓəi.

Soponi 2:4

Mbata Gajaje lé d’a kuba dee kya̰ dee ləm, Ɓee gə́ Askalo̰ a tel to dɔdilaloo ləm, Asdodje lé d’a tuba dee loo gə́ kàr aar daŋdɔ ya ləma, Ekro̰je kara d’a tɔs dee ɓɔgədɔ ɓɔgədɔ tɔr dee ləm tɔ.

Soponi 2:5

Meeko̰ a koso dɔ dəwje lai gə́ d’isi ta baa-boo-kad’g Gə́ to ginkojije gə́ Keret. Seḭ Kana̰je gə́ dɔ naŋg gə́ Pilisti lé Njesigənea̰ pata ɔs sí ne rəw! Yeḛ pana: N’a tuji sí pugudu kar dəwje godo mee ɓee’g neelé.

Soponi 3:11

Mee ndəa’g neelé seḭ a raje kəmkul dɔ néje lai gə́ seḭ raje Loo gə́ seḭ raje kaiya ɔsje ne ta lə neḛ rəw lé el, Mbata n’a tɔr njékun baŋga kunda ne dɔ dee tarje lé mbuna sí’g ləm, Seḭ a tije rɔ sí dɔ mbal’g lə neḛ gə́ to gə kəmee lé el ŋga ləm tɔ.

Jakari 9:5

Njé gə́ Askalo̰ d’a kée ndá d’a si dan ɓəl’g, Njé gə́ Gaja kara d’a ɓəl kunda bala tigi-tigi ləma, Njé gə́ Ekro̰ kara d’a ɓəl ləm tɔ, Mbata meekundayel lə dee tel to nérɔkul. Mbai gə́ Gaja a sané pá ləm, Ɓee gə́ Askalo̰ kara dəwje d’a godo keneŋ ləm tɔ.

Bula lə Israɛlje 21:8

Njesigənea̰ ula Moyis pana: Maji kari léḛ lar ndaji ne li gə́ to̰ too to gə́ pər bèe lé ndá nea̰ dɔ kag gə́ tar, nana ɓa gə́ li tea̰ ɓa un kəmee gə́ tar aa ne néndaji li neelé ndá a kaji ya.

Jujé 13:3

un kudee baa gə́ sihor gə́ tel kəmee ar ɓee gə́ Ejiptə saar teḛ ne rəw-nim-ɓee gə́ Ekro̰ par gə́ dɔgel, dɔ naŋg gə́ kəm tura gə ka̰ Kana̰je na̰’d ar mbaije gə́ boo lə Pilistije mi d’isi keneŋ lé. Mbai gə́ si Gaja ləm, yeḛ gə́ Asdod ləm, yeḛ gə́ Askalo̰ ləm, yeḛ gə́ Gat ləma, gə yeḛ gə́ Ekro̰ ləm tɔ, tɔɓəi Abije kara d’isi keneŋ tɔ,