Esai 14:25 - Maktub gə́ To gə Kəmee

²⁵ M’a təd Asirije rém-rém mee ɓee’g ləm ləm, M’a tuba dee gə gɔlm dɔ mbalje’g ləm ləm tɔ, Néməməna lə dee a godo gwɔb dee’g ləm, D’a kɔr nékodo lə dee gə́ wɔi lé dɔ tam dee’g ləm tɔ.

Esai 14:25 ပူးပေါင်းရင်းမြစ်များ

2 Sôrta Gḭka Israɛlje 32:21

Yen ŋga Njesigənea̰ ula kura ləa gə́ dara aree tuji bao-rɔje lai, gə ɓé-njérɔje, gə ŋgan-mbaije lai gə́ d’isi loo-si mbai gə́ Asiri’g. Togə́bè ɓa mbai lé tel gə rɔkul aw ne mee ɓee’g ləa. Yeḛ aw mee kəi-magə’d ləa ndá lé neelé ŋganeeje gə́ d’ḭ mée’g ya tɔlee gə kiambas tɔ.

Esai 10:12

Nɛ loo gə́ Mbaidɔmbaije a tɔl ŋgaŋ kula ləa bém dɔ mbal gə́ Sio̰ gə dɔ njé gə́ Jerusalem ndá yeḛ a kar bo̰ néra mbai gə́ Asiri ɔs təa’g mbata né beelé gə́ to dɔɓəŋgəree’g ləm, gə kəsta gə́ yeḛ ti ne rəa mugugu-mugugu ləm tɔ.

Esai 14:5

Njesigənea̰ təd kag-tɔs lə njémeeyèrje ləm, Gə kag-mbai lə njéko̰ dɔ looje ləm tɔ.

Esai 33:1

Meeko̰ a koso dɔi-i gə́ njetujilooje lai’g Nɛ deḛ tujii el ɓəi ləm, I gə́ njekun dɔ loo Nɛ deḛ d’un dɔi el ɓəi ləm tɔ! Loo gə́ i a kunda ŋgaŋ tuji looje lai ndá D’a tujii ləm, Loo gə́ i a kunda ŋgaŋ kun dɔ loo lé ndá D’a kun dɔi ləm tɔ!

Esai 52:2

Ḭje tar kundaje kor rɔ sí’g! Ḭje tar síje dɔ loo-si sí’g, Seḭ gə́ Jerusalem! Tuduje kúla gə́ to gwɔs sí’g, Seḭ ŋgalə Sio̰ gə́ toje ɓərje lé!

Esai 9:4

Mbata markob-rɔje lai gə́ d’aw ne loo-rɔ’g ləm, Gə kubu-rɔje lai gə́ rogo dan məs’g ləm tɔ lé D’a kɔm dee pər’d Kar dee roo dula-dula ya.

Ejekel 32:22

Lée nee ɓa mbai gə́ Asiri to keneŋ gə njérɔje ləa lai gə́ bula digi-digi ar dɔɓar dee aḭ dəa sub. Deḛ lai lé d’wəi yoo-kiambas ya.

Ejekel 39:4

I a kwəi dɔ mbalje gə́ Israɛl, i gə kudu-njérɔje ləi lai ləm, gə koso-dəwje gə́ d’a kaw səi lé ləm tɔ, n’a kari to nésɔ lə yelje gə́ njésɔ mar deeje ləm, gə néje lai gə́ gə bag dee ləma, gə daje gə́ wala ləm tɔ.

Misee 5:5

Deḛje neelé d’a ko̰ guburu ɓee gə́ Asiri Gə ɓee gə́ Nimrɔd gə kiambas. Togə́bè ɓa yeḛ a taa sí ne ji dəw gə́ Asiri, Loo gə́ yeḛ a ree mee ɓee’g lə sí ləm, A kila gɔlee dɔ naŋg’d lə sí ləm tɔ.

Misee 5:6

Ges Jakobje d’a nai mbuna koso-dəwje gə́ bula digi-digi’g To gə́ mán-tàl gə́ ḭ rɔ Njesigənea̰’g ləm, To gə́ mán-tàl gə́ wa dɔ muje’g bèe ləm tɔ, Gə́ gelee ḭ rɔ dəwje’g el ləm, Gə́ gəd rəa dɔ dəwje’g el ləm tɔ.

Nahum 1:13

Ɓasinè m’a tuji néməməna̰ ləa gə́ to gwɔs sí’g ləm, M’a gaŋg kulaje gə́ tɔ sí ne mbidi-mbidi ləm tɔ.

Jakari 10:11

D’a gaŋg baa-boo-kad gə́ to ka̰ néurti Ndá neḛ Njesigənea̰ n’a kunda paŋgəm mán baa-boo-kad ləm, Ɓul ma̰-booje d’a kyi tə-tə ləm tɔ, Ti-rɔ lə Asirije a tuji ləm, Kag-mbai ɓeeko̰ lə Ejiptəje kara a sané pá ləm tɔ.