Esai 14:24 - Maktub gə́ To gə Kəmee

²⁴ Njesigənea̰ gə́ njeboo-néje man rəa pa ne pana: Tɔgərɔ ya, né gə́ m’wɔji lé a teḛ ya, Né gə́ m’wɔji njaŋg lé a kaw lée’g béréré ya tɔ.

Esai 14:24 ပူးပေါင်းရင်းမြစ်များ

Gḭ-Néje 41:32

Gelee gə́ nee ɓa Parao̰ oo ne ni neelé gɔl joo gə mbəa mbata to né gə́ Ala wɔji njaŋg mba ra ləm, nai lam ba Ala a gə ra ləm tɔ.

Maktub gə́ wɔji dɔ Jɔb 23:13

Nɛ yeḛ lé wɔji né njaŋg gə́ mba ra ndá see na̰ ɓa askəm kɔgee wa. Né gə́ yeḛ ndigi gə mba ra ndá yeḛ ra ya.

Pakɔsje 110:4

Njesigənea̰ man rəa dɔ’g ndá Yeḛ a tel gə ndia dɔ’g el, Yeḛ pana: I lé to njekinjanéməs gə no̰ Gə goo ka̰ Melkisedek lé ya.

Pakɔsje 33:10

Néje gə́ ginkoji dəwje gə raŋg d’wɔji meḛ dee’g gə mba ra lé Njesigənea̰ wá telee wagəsa ləm, Néje gə́ koso-dəwje d’wɔji-kwɔji ra lé Yeḛ aree udu bo̰ ləm tɔ.

Pakɔsje 92:5

Ǝi Njesigənea̰, néraije lé ar rɔm lelm yaa̰, Nérai gə́ i ra gə jii lé kara M’ɔs ne pa m’al ne rɔm ya.

Teḛ-Raga 17:16

Yeḛ pana: Gə mbata kula gə́ Amalek ula jia ndiŋ oma̰ ne gə kalimbai lə Njesigənea̰ lé, bèe ɓa Njesigənea̰ a rɔ ne gə Amalek gə ŋgakeaje gə́ d’a korè gée gə́ kédé-kédé lé ya.

Gosota-Kəmkàrje 19:21

Mee dəw lé wɔji-kwɔji ra néje bula, Nɛ né gə́ Njesigənea̰ wɔji ɓa aw lée’g béréré.

Gosota-Kəmkàrje 21:30

Kəmkàr əsé gosonégər əsé takwɔji-kəmkàr gə́ askəm kaar no̰ Njesigənea̰’g lé godo.

Esai 10:5

Njesigənea̰ pana: Meeko̰ a koso dɔ Asirije’d Gə́ to ndəi gə́ wɔji dɔ oŋg ləm Ndəi gə́ to ji dee’g lé ɓa To nékula gə́ wɔji dɔ boo-oŋg ləm tɔ.

Esai 19:12

See njékɔjita-kəmkàrje ləi lé ɓa ra wa. Maji kar dee riba dɔ tareeje d’ari oo Gə mba kar né gə́ Njesigənea̰ gə́ njeboo-néje wɔji-kwɔji ra gə Ejiptə lé d’a gər tɔ.

Esai 19:17

Ɓee gə́ Juda a tel to né gə́ to ɓəl kədm-kədm mbata lə Ejiptəje. Loo gə́ d’a pa taree kar dee ndá léegəneeya ɓəl a kunda dee badə gaŋg dee mbata né gə́ Njesigənea̰ gə́ njeboo-néje wɔji-kwɔji ra sə dee lé.

Esai 55:8

Mbata takə̰jije ləm-ma lé D’asəna gə takə̰jije lə sí-seḭ el ləm, Rəw néraje lə sí-seḭ kara To d’asəna gə rəw néraje ləm-ma el ləm tɔ, Njesigənea̰ ɓa pa bèe.

Esai 55:9

To gə́ dara to ne əw gə naŋg bèe lé Togə́bè ɓa rəw néraje ləm-ma to ne əw Gə rəw néraje lə sí ləm, Takə̰jije ləm-ma kara D’ur dɔ ka̰ sí-seḭ’g bèe ləm tɔ.

Jeremi 23:20

Oŋg lə Njesigənea̰ a kwəi bèm el saar Karee tɔl ne ta néje Gə́ yeḛ wɔji mée’g gə mba ra lé. Ndɔje gə́ gogo ɓa seḭ a gərje ɓəi.

Jeremi 29:11

Ma m’gər né gə́ m’wa dɔ gɔlee m’wɔji ne dɔ sí gao, to né gə́ wɔji dɔ meelɔm ɓó némeeko̰ el mba kar sí né gə́ nai no̰ sí’g ləm, kar sí undaje ne meḛ sí yel ləm tɔ. Njesigənea̰ ɓa pa bèe.

Jeremi 44:26

ndá maji kar sí ooje ta lə Njesigənea̰, seḭ dəwje lai gə́ Juda gə́ síje mee ɓee gə́ Ejiptə lé. Aa ooje, Njesigənea̰ pana: Ma man rɔm gə rim gə́ ur dɔ loo lé, ta dəw gə́ Juda kára kara a teḛ ɓar rim el ŋga ləm, mee ɓee gə́ Ejiptə lai lé dəw kára kara a pa keneŋ pana: Mbai gə́ Njesigənea̰ to njesikəmba lé a pa bèe el ŋga ləm tɔ.

Jeremi 49:20

Gelee gə́ nee ɓa maji kar sí ooje Né gə́ Njesigənea̰ wɔji Mba ra gə Edɔm ləm, Gə néje gə́ yeḛ wɔji gə mba ra Gə njéɓeeje gə́ Teman ləm tɔ! Tɔgərɔ, d’a ndɔr dee to gə́ ŋgan badje Gə́ siŋga dee godo bèe ləm, Tɔgərɔ, d’a tuji loo-si dee Pugudu-pugudu ləm tɔ.

Jeremi 50:45

Gelee gə́ nee ɓa maji kar sí ooje Né gə́ Njesigənea̰ wɔji mba ra Gə ɓee gə́ Babilɔn ləm, Gə néje gə́ yeḛ wɔji mée’g Gə mba ra gə ɓee lə Kaldeje ləm tɔ. Tɔgərɔ d’a ndɔr dee to gə́ ŋgan badje Gə́ siŋga dee godo bèe ləm, Tɔgərɔ d’a tuji loo-si dee Pugudu-pugudu ləm tɔ.

Nɔ̰-ndôo gə́ wɔji dɔ Jerusalem 3:37

See na̰ ɓa a pata kar né teḛ Lal kar Njesigənea̰ un ndia dɔ’g wa.

Ejekel 12:25

Mbata neḛ Njesigənea̰ n’a pata ndá ta gə́ neḛ m’pa lé a kaw lée’g béréré ɓó kuree a kəw el. Tɔgərɔ ya mee ndɔje lə sí-seḭ gel-bɔje gə́ toje njékɔsta-rəwje lé n’a pata ndá n’a karee aw lée’g béréré ya, Mbaidɔmbaije gə́ Njesigənea̰ ɓa pa bèe.

Ejekel 39:4

I a kwəi dɔ mbalje gə́ Israɛl, i gə kudu-njérɔje ləi lai ləm, gə koso-dəwje gə́ d’a kaw səi lé ləm tɔ, n’a kari to nésɔ lə yelje gə́ njésɔ mar deeje ləm, gə néje lai gə́ gə bag dee ləma, gə daje gə́ wala ləm tɔ.

Amɔs 3:6

See d’a kim to̰to̰ karee ɓar mee ɓee-boo’g Lal kar dəwje d’unda bala wa. See nékəmndoo a teḛ dɔ ɓee-boo’g Lal kar Njesigənea̰ to njegelee wa.

Amɔs 8:7

Njesigənea̰ man rəa gə goo rɔnduba lə Jakob pana: Tɔgərɔ ya, n’a kar mee neḛ wəi dɔ néra deeje gə́ kára kara el.

Matiyo 11:25

Ndəa neelé Jeju un ta pa pana: Bɔm, ma m’pidii, i gə́ to Mbai dɔ dara ləm, gə Mbai dɔ naŋg nee ləm tɔ mbata néje neelé i iya ne njékəmkàrje gə njégosonégərje kág nɛ i tegginee ar deḛ gə́ nai gə́ ŋganje ba ɓa d’oo.

Néra Njékaḭkulaje 4:28

mba kar néje lai gə́ i wɔji gə jii gə tai kédé par-par lé deḛ ra nja.

Njé gə́ Epesə 1:9

Yeḛ ar sí n’gər ne né gə́ mée wɔji gə́ to loo-kiya’g gə goo némeemaji gə́ yeḛ nja wɔji-kwɔji mba ra lé ɓa

Ǝbrəje 4:3

Jeḛ gə́ j’ɔm meḛ sí dɔ Jeju’g lé jeḛ j’a kaw loo-kwa-rɔ’g lé. To gə́ yeḛ pa lé pana: Mee neḛ ḭ sə neḛ jugugu ar neḛ n’un ne ndu neḛ njaŋg gə rɔkubu pana: D’a kaw loo-kwa-rɔ’g lə neḛ nda̰ el. Yeḛ pa bèe ya nɛ kula rəa lé yeḛ tɔlee bém un kudee mee ndəa gə́ yeḛ tum ne gin naŋg neelé.

Jujé 11:20

Mbata Njesigənea̰ ar meḛ koso-dəwje gə́ neelé ndər siŋ-siŋ mba kar dee rɔ ne gə Israɛlje mba kar Israɛlje tuji dee pugudu-pugudu ɓó d’a koo kəmtondoo lə dee el, to gə́ Njesigənea̰ un ne ndia ar Moyis lé tɔ.