Esai 14:18 - Maktub gə́ To gə Kəmee

¹⁸ Mbaije lə ginkoji dəwje gə raŋg lai lé deḛ lai ya Dubu dee dan rɔnduba’g lə dee Ar nana kara d’ilá mee bwa-dubee’g tɔ.

Esai 14:18 ပူးပေါင်းရင်းမြစ်များ

2 Mbaije 9:35

Loo gə́ deḛ d’aw gə mba dubee ndá, ka dəa ləm, gə gɔleeje ləma, gə dabla jiaje ləm tɔ ɓa d’iŋga ya.

2 Sôrta Gḭka Israɛlje 24:16

Deḛ dubee mee ɓee-boo’g lə Dabid, mee dɔɓar’g lə mbaije mbata yeḛ ra némaji mee ɓee gə́ Israɛl gə́ wɔji dɔ Ala ləm, gə wɔji dɔ kəi ləa ləm tɔ.

2 Sôrta Gḭka Israɛlje 24:25

Loo gə́ Aramje d’ubá d’yá̰ dan boo-nékəmndoo’g gə kuree waga ndá kuraje ləa d’ula njuma̰ mee na̰’d dəa’g gə mbata ta məs ŋgalə Jeojoda, njekinjanéməs lé wa dəa. Ndá deḛ tɔlee dɔ tira tée’g. Deḛ dubee mee ɓee-boo’g lə Dabid nɛ deḛ dubee mee dɔɓar’g lə mbaije el.

Maktub gə́ wɔji dɔ Jɔb 3:14

Gə mbaije gə dəwje gə́ boo gə́ dɔ naŋg nee Gə́ to njékṵda dɔɓarje gə́ nékolé-mee dɔ’gje lé ləm,

Maktub gə́ wɔji dɔ Jɔb 30:23

Mbata ma m’gər gao i unm aw səm loo-yoo’g Loo-kiŋga-na̰ gə́ wɔji dɔ deḛ lai gə́ d’isi kəmba!

Njekillamber 12:5

Tɔɓəi dəwje d’a ɓəl dɔ loo gə́ ḭta’g ləm, d’a ndəb pəd-pəd rəw kaw dee’g ləm, yiŋga dɔ dəw a ndá to gə́ pudu kag-dḭ bèe ləm, loo gə́ rɔ beedéje tel wɔi ndiŋ-ndiŋ ləma, mal nésɔ godo meḛ dəwje’g ləm tɔ. Mbata dəw lé si aw gə́ loo-siée’d gə́ to gə no̰ ndá njéno̰je d’aw gə mba̰-rəwje yéŋgé-yéŋgé.

Njekillamber 6:3

Ɓó lé dəw oji ŋganje tɔl (100) ləm, Si kəmba ləbee bula ləma, Ar ndɔje gə́ wɔji dɔ ləbje d’ḭ dɔ maree’g gə́ kédé-kédé ləm tɔ Nɛ ɓó lé yeḛ si dan maji’g el ləm, Ɓó lé dɔɓaree kara godo ləm tɔ ndá Ma m’pana: Ŋgon gə́ d’ɔree gə́ kɔr ya kara maji undá.

Esai 14:17

Gə njekar dɔ naŋg tel to gə́ dɔ nduba ləm, Gə njetuji ɓee-booje ləma, Gə njekɔr dəwje gə́ yeḛ wa dee gə́ ɓər lé Kɔm dee tar el ləm tɔ lé el wa.

Esai 14:19

Nɛ i lé d’ilai əw Ɓó mee bwa-dubi’g el Asəna gə barkəmkag gə́ d’ə̰jee bəḭ-bəḭ bèe ləm, Asəna gə dəwje gə́ tɔs dee gə kiambas tɔl dee tɔr né rɔ dee’g Ɓa tɔs dee tila dee dɔ kɔri-ərje gə́ mee bwa’g ləma, Asəna gə nin gə́ tubá naŋg gə gɔl dee bèe ləm tɔ.

Esai 22:16

See ɗi ləi to loo gə́ nee’g wa. See dəw ləi to loo gə́ nee’g Ɓa i uru bwa-dɔɓar loo gə́ nee’g gə mbəa wa. Yeḛ uru bwa-dɔɓar dɔ loo gə́ tar ləm, Yeḛ sɔi loo-siée kaar mbal’g ləm tɔ.