Esai 14:16 - Maktub gə́ To gə Kəmee

¹⁶ Deḛ lai gə́ d’ooi lé D’orè kəm dee sḭ dɔi’g Deḛ d’isi gèŋ d’ə̰ji ta dɔi’g pana: See dəw nee to njekar naŋg nee ndəb pəd-pəd ləm, Gə njekar ɓeeko̰je yə ləm,

Esai 14:16 ပူးပေါင်းရင်းမြစ်များ

Pakɔsje 52:7

Gelee gə́ nee ɓa Ala a kari udu bo̰, Yeḛ a kwai kɔri mee kəi-kubu’g ləi ya, Yeḛ a kɔri gə ŋgirai naŋg ɓugudu Mbuna dəwje gə́ d’aw kəmba’g lé ya tɔ.

Pakɔsje 64:9

Ndo̰ dee lé to gin koso lə dee, Deḛ lai gə́ d’oo dee lé d’unda ne dɔ dee widi-widi.

Esai 14:15

Nɛ d’ɔsi piriŋ d’ilai Ɓee lə njé gə́ d’wəi’g Mee bwa gə́ uru ŋgudu-ŋgudu’g.

Esai 14:17

Gə njekar dɔ naŋg tel to gə́ dɔ nduba ləm, Gə njetuji ɓee-booje ləma, Gə njekɔr dəwje gə́ yeḛ wa dee gə́ ɓər lé Kɔm dee tar el ləm tɔ lé el wa.

Jeremi 50:23

Deḛ guree rug-rug ləm, D’iree njigi-njigi ləm tɔ! Babilɔn lé tuji pugudu Mbuna ginkoji dəwje gə raŋg’g!

Ejekel 32:23

Dɔɓar dee to godə loo’g naŋg kɔrɔg ndá koso-njérɔje ləa gə́ bula digi-digi lé kara dɔɓar dee aḭ dəa sub tɔ. Deḛ lai d’wəi yoo-kiambas ya. Deḛ gə́ to njékɔm ɓəl-boo mee ɓee’g lə njé gə́ d’isi kəmba lé.

Ejekel 32:27

Njé gə́ tɔl dee mbuna njépole-magəje’g lé to na̰’d gə bao-rɔje el, deḛ d’aw loo-si njé gə́ d’wəi’g gə nérɔje lə dee na̰’d ləm, deḛ gəd dɔ dee gə kiambasje lə dee ləma, ta néra kori-korije lə dee wa dɔ sḭgarɔ deeje. Mbata deḛ to néɓəl-boo gə́ njeboo-néje mee ɓee’g lə njé gə́ d’isi kəmba lé.

Nahum 3:6

N’a kɔm néje gə́ mina̰ dɔ sí’g Mba kar sí tel toje ne né gə́ to kḛji ləm, N’a kar sí tel toje némbo̰ kəm sɔmɔmo̰ dɔ’g ləm tɔ.

Habakuk 1:10

Deḛ d’ula sul dɔ mbaije’g ləm, D’oo dəwje gə́ boo lé gə́ nékogo ləm tɔ, Deḛ kogo dɔ kəi-kaar-kɔgərɔje’g lai lé D’oo gə́ né el ləm, Deḛ d’uba dɔndalje taa dee ne ləm tɔ,

Habakuk 1:17

See d’a tɔr néje mee bura’g lə dee gə́ kédé-kédé wa. See d’a tḭja gwɔs ginkoji dəwje gə raŋg gə́ kédé-kédé lal koo ne kəmtondoo lə dee wa.