Esai 14:15 - Maktub gə́ To gə Kəmee

¹⁵ Nɛ d’ɔsi piriŋ d’ilai Ɓee lə njé gə́ d’wəi’g Mee bwa gə́ uru ŋgudu-ŋgudu’g.

Esai 14:15 ပူးပေါင်းရင်းမြစ်များ

Esai 14:16

Deḛ lai gə́ d’ooi lé D’orè kəm dee sḭ dɔi’g Deḛ d’isi gèŋ d’ə̰ji ta dɔi’g pana: See dəw nee to njekar naŋg nee ndəb pəd-pəd ləm, Gə njekar ɓeeko̰je yə ləm,

Esai 2:11

Dəw gə́ njekəsta lé d’a karee ula dəa ləm, Njebeelé kara d’a karee oso kul ləm tɔ, Mee ndəa’g neelé dɔ Njesigənea̰ ya kára ba a to tar.

Esai 2:12

Mbata ndɔ lə Njesigənea̰ lə bao-rɔje to keneŋ Gə mba karee gaŋg ne ta dɔ dəw gə́ rara’g Gə́ to njebeelé gə njeti rəa ləm, Mba karee gaŋg ne ta dɔ dəw gə́ rara’d Gə́ unda dəa tar lé karee ula dəa ləm tɔ,

Ejekel 31:14

mba kar kagje lai gə́ d’aar ta manje’g lé d’a kar dee ŋgal pur-pur el ŋga ləm, mba kar sém dee teḛ tar dan barkəm deeje gə́ ndər siŋ-siŋ’d lé el ŋga ləma, mba kar kag-sɛnəje lai gə́ d’ai mán yaa̰ lé ŋgal dee a to to gə́ kédé el ŋga ləm tɔ. Mbata deḛ lai lé yoo ɓa wɔji dɔ dee kar dee d’aw gin naŋg’d bər mbuna dəwje lai gə́ dubu dee bwa-dɔɓar’g na̰’d.

Ejekel 31:16

Kaa tuji ləa gə́ ɓar lé neḛ n’ar ginkoji dəwje gə raŋg d’unda ne bala loo gə́ n’ɔsee n’ilá loo-si njé gə́ d’wəi’g gə njé gə́ dubu dee bwa-dɔɓar’g na̰’d lé, kagje lai gə́ Edḛ gə kura kagje lə Liba̰ gə́ maji d’unda mar deeje gə́ d’ai mán yaa̰ lé meḛ dee to lɔm gin naŋg’d bər.

Ejekel 32:23

Dɔɓar dee to godə loo’g naŋg kɔrɔg ndá koso-njérɔje ləa gə́ bula digi-digi lé kara dɔɓar dee aḭ dəa sub tɔ. Deḛ lai d’wəi yoo-kiambas ya. Deḛ gə́ to njékɔm ɓəl-boo mee ɓee’g lə njé gə́ d’isi kəmba lé.

Abdias 1:3

Ti gə́ i ti rɔi lé ɓa ari rəm ne ya, I gə́ ra ɓee mee bolè mbalje’g, I gə́ loo-sii to dɔ looje gə́ tar, I gə́ ula rɔi pana: See na̰ ɓa a kɔsi kalaŋ kilai naŋg wa lé,

Matiyo 11:23

I ɓee gə́ Kapernawum, see d’a kuni kundai tar dara wa. Wah! D’a rəm səi yəm saar gə́ ɓee lə yoo. Némɔrije gə́ deḛ ra mbuna sí’g, ɓó lé deḛ ra Sɔdɔm ndá saar ɓogənè kara Sɔdɔm a nai keneŋ ɓəi.

Lugu 10:15

I ɓee gə́ Kapernawum gə́ d’uni gə́ tar saar gə́ dara lé d’a rəm səi gə́ naŋg saar gə́ ɓee lə yoo ya.

Loo gə́ killa rea kəm Ja̰’g 19:20

Deḛ d’wa da lé gə njéteggintaje gə́ ŋgɔm lé na̰’d, deḛ gə́ ra nékɔbje nea̰’g su ne kəm dəwje gə́ deḛ tɔs nétorji lə da lé ŋgo no̰ dee’g ləm, deḛ pole ne néndajirea lé ləm tɔ. Deḛ joo bɔr lé d’ɔm dee dan pər gə́ tad rəg-rəg gə́ o̰ bilim-bilim gə́ kṵjee teḛ kas njir-njir.