Esai 14:14 - Maktub gə́ To gə Kəmee

¹⁴ I a kal kaw dɔ sém loo-kil-lə-ndi gə́ tar ləm, I a tana gə Njekurdɔloo’g ləm tɔ.

Esai 14:14 ပူးပေါင်းရင်းမြစ်များ

Gḭ-Néje 3:5

Nɛ Ala gər gao to gə́, mee ndɔ gə́ seḭ a sɔje ndá kəm sí a kinja ləm, seḭ a toje asəna gə Ala bèe gə mba gər ne né gə́ maji gə né gə́ majel ləm tɔ.

Maktub gə́ wɔji dɔ Jɔb 20:6

Lée ti-rɔ ləa aw njal teḛ dara Ar dəa aw saar mee mum’g kara

Esai 21:1

Ndərta gə́ wɔji dɔ dɔdilaloo gə́ mbɔr baa-boo-kad’g. To gə́ lel-mal ḭ dɔ jikɔl ree ɓir bèe Ndá njeba̰ ḭ dɔdilaloo’d Gə́ to ɓee gə́ to ɓəl kədm-kədm.

Esai 47:1

Gə́ rəm si naŋg dan babur’g I ɓee gə́ Babilɔn Gə́ kédé to asəna gə ŋgoma̰də bèe! Gə́ rəm si dɔ naŋg’d lal kalimbai, I ɓee gə́ Kalde Gə́ to asəna gə ŋgon dené lé tɔ. D’a kooi asəna gə ŋgoma̰də Gə́ ma̰də yaa̰ gə njekərkəmloo el ŋga.

Esai 47:8

Seḭ njékərkəmlooje lé Ɓasinè maji kar sí reeje ooje, Seḭ síje lɔm, Seḭ paje meḛ sí’g pajena: Seḭ nja gə kar sí Ɓó dəw gə́ raŋg kára kara godo, Seḭ nja gə́ kar sí ba ləm, Seḭ a síje gə́ njékəisiŋgaje nda̰ el ləma, A lalje ŋganje nda̰ el ləm tɔ.

Jeremi 51:1

Njesigənea̰ pa togə́bè pana: Aa ooje, ma m’ar lel gə́ njetujiloo Aw gə́ dɔ Babilɔn’g Gə dɔ dee gə́ d’isi Kalde.

Ejekel 28:2

I ŋgon-dəw lé, ula mbai gə́ njeko̰ dəb ɓeeko̰ gə́ Tir pana: Mbaidɔmbaije gə́ Njesigənea̰ pana: I beelé məəi’g pana: I to Ala. I si dɔ kalimbai’g lə Ala ŋgaw dan baa-boo-kadje’g! Nɛ i lé to dəw ɓó to Ala el. I un né gə́ məəi ndigi aree taa tor né gə́ mee Ala ndigi.

Ejekel 31:10

Gelee gə́ nee ɓa Mbaidɔmbaije gə́ Njesigənea̰ pa ne togə́bè pana: Mbata kagee ŋgal pur-pur ləm, mbata sémee teḛ tar dan barkəmeeje gə́ ndər siŋ-siŋ ləma, mbata ti gə́ yee ti rəa mbata ŋgal ləa ləm tɔ lé

Loo gə́ killa rea kəm Daniel’g 11:36

Mbai lé a ra né to gə́ mée ndigi. Yeḛ a ti rəa ləm, a kɔs gaji rəa koo ne rəa gə́ njekur dɔ magəje lai ləm tɔ ndá yeḛ a pata néje gə́ dum kəm loo kɔs ne ta lə Ala gə́ njekur dɔ magəje lé rəw. Néreaje gə́ togə́bè lé a teḛ ne kɔr saar kar oŋgee wəi bém, saar kar né gə́ d’wɔji-kwɔji ra lé a kaw ne lée’g béréré ya.

Loo gə́ killa rea kəm Daniel’g 11:37

Yeḛ a ndəb gə mbata lə magəje lə bɔbeeje-je el ləm, əsé gə mbata lə magəpole gə́ lel denéje el ləm tɔ. Yeḛ a ndəb gə mbata lə magə kára kara el mbata yeḛ a kɔs gaji rəa koo ne rəa gə́ njekur dɔ dee’g lai ya.

2 Njé gə́ Tesalonikə 2:4

Diŋgam gə́ njeyèr lé yeḛ nja ɓa gə́ njeba̰ gə́ a kuba loo kḭ naji loo gə Ala ləm, gə né gə́ rara gə́ dəwje d’wa meḛ dee’g ləma, a ra saar kuru ne mee kəi-Ala’g ɓa a tar rəa pana: Neḛ nja gə́ Ala ləm tɔ.