Esai 13:8 - Maktub gə́ To gə Kəmee

⁸ Siŋgasa wa dee ləm, Rɔko̰ gə́ ndaŋg dəw paḭ gə rɔtoo ra dee ləm, Deḛ tuma̰ rɔ dee To gə́ dené gə́ ndóo rəa bèe ləm, Deḛ d’aa kəm na̰ kɔbərɔ-kɔbərɔ ləma, Kəm dee ti bo̰-bo̰ ləm tɔ.

Esai 13:8 ပူးပေါင်းရင်းမြစ်များ

2 Mbaije 19:26

Dəwje lə dee gə́ d’isi keneŋ lé Siŋga dee godo ləm, Ɓəl unda dee badə gaŋg dee ləma, Rɔkul ra dee ləm tɔ, Deḛ to d’asəna gə ləm mu gə́ mee ndɔ’g ləm, Gə kamje gə́ idi lururu ləm, To d’asəna gə ləm mu gə́ dɔ kəi’g ləma, To d’asəna gə kó gə́ tudu gə́ lal kunda kuree bèe ləm tɔ.

Pakɔsje 48:7

Nékunda bala tigi-tigi teḛ dɔ dee’g wai Asəna gə ndóo gə́ ra dené ndɔ koji ŋgon’g lé.

Esai 26:17

To gə́ dené gə́ aw gə kèm gə́ nai lam bèe karee oji ŋgon lé Tur rəa ləm, no̰ mbata ndóo gə́ tée ləm tɔ lé Ǝi Njesigənea̰, jeḛ gə́ j’isi ŋgərəŋ səi kara Jeḛ n’toje togə́bè tɔ.

Jeremi 13:21

See ta ɗi ɓa i a pa Loo gə́ yeḛ a kwɔjii kəmkàr lé wa. To i ya ɓa ndoo dee Ar dee ra səi né asəna gə mbai dɔ dee. See néurtije d’a teḛ dɔi’g Asəna gə dené gə́ ndóo tée bèe el wa.

Jeremi 30:6

Dəjije na̰ ooje See diŋgam a koji ŋgon wa! Ŋga see gelee ban ɓa M’oo diŋgamje lai d’orè ji dee dun dee’g To gə́ dené gə́ ndóo tée bèe wa! See gelee ban ɓa Kəm deḛ lai tel ndá mbam wa.

Jeremi 4:31

Mbata ma m’oo nduje gə́ ɓar Asəna gə ndu dené gə́ ndóo rəa, Ndu nékəmndoo neelé Asəna gə ndóo koji ŋgondər bèe. Yee ɓa to ndu no̰ lə ŋgoma̰də gə́ Sio̰, Yeḛ tuma̰ ŋgururu-ŋgururu Jəŋ ne jia pana: Jeḛ gə́ n’to njénékəmndooje lé J’wəije ji njétɔl dəwje’g ŋga!

Jeremi 46:5

See ɗi ɓa m’oo nee wa! Deḛ ɓəl, deḛ rəm gogo, Njéba̰je lə dee dum dɔ dəwje lə dee Gə́ njésiŋgamoŋje lé, Deḛ d’aḭ lal kɔm rəd ... Ɓəl-boo taa looje pəl-pəl. Njesigənea̰ ɓa pa bèe.

Jeremi 48:41

Ɓee-boo gə́ Kerijot lé dum dəa mba̰, Kəi-kaar-kɔgərɔje lé taa tɔ, Ndəa neelé mee bao-rɔje gə́ Moab to asəna gə mee dené gə́ ndóo tée bèe.

Jeremi 49:22

Aa ooje, yeḛ ḭ nar bag to gə́ niŋgatə̰də bèe aw gə́ nee, yeḛ naji bagee dɔ Bosra’g ndá mee ndəa’g neelé meḛ bao-rɔje gə́ Edɔm gaŋg mán asəna gə dené gə́ si gə ndóo bèe.

Jeremi 49:24

Njé gə́ Damas lé siŋga dee godo, Deḛ tel kəm dee gə mba kaḭ Ndá ɓəl unda dee badə gaŋg dee, Némeekaarkərm gə némeekonje Mbo̰ na̰ dɔ dee’g Asəna gə dené gə́ ndóo rəa bèe.

Jeremi 50:43

Mbai gə́ Babilɔn oo soree Ndá jia unda ndolè ləm, Yeḛ si gə meekaarkərm To gə́ dené gə́ ndóo rəa bèe ləm tɔ.

Jeremi 51:30

Bao-rɔje gə́ Babilɔn d’əw rɔ dee rɔ ləm, Deḛ d’isi mee kəi-kaar-kɔgərɔje’g ləma, Siŋga dee godo Ar dee to d’asəna gə denéje bèe ləm tɔ. Deḛ tula pər dɔ kəije’g lə ɓee lé biriri-biriri ləm, Deḛ təd pəgərə tarəwje ləa kərm-kərm ləm tɔ.

Ojee 13:13

Meeko̰ a ra dee asəna gə ndóo Gə́ teḛ dɔ dené’g wai bèe, To ŋgon gə́ dum Gə́ ndɔ kojee as ya Nɛ yeḛ unda loo mee kea̰je’g teḛ el bèe.

Joɛl 2:6

Koso-dəwje ɓəl d’unda bala tigi-tigi no̰ dee’g. Dəwje lai lé kəm dee tel wagəsa gə kəm ɓəl.

Nahum 2:10

Maji kar sí undaje larnda gə larlɔr gə́ nébanrɔ! Mbata nébaoje gə́ ɔs dɔ maree-maree to keneŋ ləm, Nébaoje gə́ ra gə néje gə́ gad dee to yaa̰ Gə gel dee gel dee lé to keneŋ ləm tɔ.

Tagə́maji gə́ Ja̰ ndang 16:21

Loo gə́ ndóo to dené lé yeḛ si dan némeeko̰’g mbata kàree teḛ dəa’g, nɛ loo gə́ yeḛ oji ŋgon mba̰ ndá rəa lelee ar mée wəi dɔ ndóo’g sel mbata ŋgon gə́ yeḛ ojee ilá naŋg lé.

1 Njé gə́ Tesalonikə 5:3

Loo gə́ dəwje d’a si pana: Kari ba, loo to maji lɔm ɓəi! ... Ndá léegəneeya tuji a kuba dee naŋg bus asəna gə ndóo gə́ ɔs dené ɓɔḭ ɓa loo kaḭ a godo.