Esai 13:7 - Maktub gə́ To gə Kəmee

⁷ Gelee gə́ nee ɓa ji dəwje lai unda ne ndolè ləm, Meḛ dəwje lai ila ne kas bilim ləm tɔ.

Esai 13:7 ပူးပေါင်းရင်းမြစ်များ

Pakɔsje 58:7

Ǝi Ala, maji kari guru ŋgaŋ dee ləm, Njesigənea̰, maji kari tɔr ka ta dee Gə́ to asəna gə ka̰ ŋgan toboḭje bèe lé ɓɔgədɔ-ɓɔgədɔ ləm tɔ.

Teḛ-Raga 15:15

Mbaije gə́ Edɔm ndəb pəd-pəd, Bao-rɔje gə́ Moab d’unda bala tigi-tigi, Njé gə́ Kana̰ lai lé rɔ dee wəi sululu.

Esai 19:1

Ndərta gə́ pa wɔji dɔ ɓee gə́ Ejiptə. Aa ooje, pélé lə ndi gə́ aiŋgwɔd kalaŋ lé Yee ɓa Njesigənea̰ uba aw ne Ejiptə, Bèe ɓa magəje gə́ Ejiptə d’unda bala tigi-tigi nea̰’g ləm, Mee Ejiptəje kara təd ne mán ləm tɔ.

Esai 37:27

Dəwje gə́ d’isi keneŋ lé Siŋga dee godo ləm, Ɓəl unda dee badə gaŋg dee ləma, Rɔkul ra dee ləm tɔ, Deḛ to d’asəna gə mu gə́ wala ləm, Gə mu gə́ idi sigi ləm, To d’asəna gə mu gə́ uba dɔ kəi’g ləma, To d’asəna gə kó gə́ tudu lal kunda kuree bèe ləm tɔ.

Esai 51:20

Siŋga ŋgan síje lai godo Ar dee to gə mba̰-rəwje rib-rib Asəna gə da-kalje gə́ d’wa dee gə ba̰də bèe, Oŋg-boo lə Njesigənea̰ wa dɔ dee Gə goo tɔji ji lə Njesigənea̰, Ala lə sí.

Jeremi 50:43

Mbai gə́ Babilɔn oo soree Ndá jia unda ndolè ləm, Yeḛ si gə meekaarkərm To gə́ dené gə́ ndóo rəa bèe ləm tɔ.

Jeremi 51:30

Bao-rɔje gə́ Babilɔn d’əw rɔ dee rɔ ləm, Deḛ d’isi mee kəi-kaar-kɔgərɔje’g ləma, Siŋga dee godo Ar dee to d’asəna gə denéje bèe ləm tɔ. Deḛ tula pər dɔ kəije’g lə ɓee lé biriri-biriri ləm, Deḛ təd pəgərə tarəwje ləa kərm-kərm ləm tɔ.

Ejekel 21:12

Ɓó lé d’a dəji pana: See gelee ban ɓa i tuma̰ ne ŋgururu-ŋgururu bèe wa. Ndá a kila dee keneŋ pana: Mbata oo sorta né gə́ majel. Dɔ ɓəŋgərə dəwje lai a gaŋg mán ləm, ji dəwje lai a kunda ndolé ləm, ndil dəwje lai a kunda bala ləma, no̰ kəji dəwje lai a kunda ndolé ləm tɔ. Aa ooje, ta nee si ree, yee ree mba̰! Mbaidɔmbaije gə́ Njesigənea̰ ɓa pa bèe.

Ejekel 21:7

I ŋgon-dəw lé maji kari tel kəmi par gə́ Jerusalem pata ila dɔ looje gə́ to gə kəmee! Teg ginta ila dɔ ɓee gə́ Israɛl!

Ejekel 7:17

Ji deeje lai a kunda ndolé ləm, Kəji deeje kara a kunda bala ləm tɔ.

Nahum 1:6

See na̰ ɓa a kaar gəs no̰ oŋg’d ləa wa. See na̰ ɓa a kaar tar no̰ oŋg’d ləa gə́ nuŋga kəd-kəd’g lé wa. Oŋg ləa ɔm dɔ loo’g to gə́ pər bèe. Yee ɓa ar biri mbalje d’yiri njigi-njigi nea̰’g.

Nahum 2:10

Maji kar sí undaje larnda gə larlɔr gə́ nébanrɔ! Mbata nébaoje gə́ ɔs dɔ maree-maree to keneŋ ləm, Nébaoje gə́ ra gə néje gə́ gad dee to yaa̰ Gə gel dee gel dee lé to keneŋ ləm tɔ.

Nahum 2:11

D’unda nébanrɔ ləm, deḛ tuji néje pugudu ləma, d’wa rəw-rəw ləm tɔ. Meḛ dəwje ila kas bilim ləm, No̰ kəji dee unda ndolé ləm, Deḛ d’unda bala tig-tig ləma, Kəm dee tel wagəsa gə kəm ɓəl ləm tɔ.

Jujé 2:11

Jeḛ j’ooje taree ndá meḛ sí ila kas ləm, ndil síjeḛ lai ya teḛ kág igi mbata lə sí ləm tɔ, mbata Njesigənea̰, Ala lə sí lé to Ala gə́ njesi sém dara gə́ tar ləm, gə dɔ naŋg nee ləm tɔ.