Esai 13:4 - Maktub gə́ To gə Kəmee

⁴ Ooje kaa né gə́ ɓar dɔ mbalje’g Asəna gə koso-dəwje gə́ bula digi-digi bèe, Ooje ndu koso-dəwje mee ɓeeko̰je Gə́ d’aw dɔ na̰’d pum-pum To gə́ ginkoji dəwje gə́ mbo̰ dɔ na̰, Njesigənea̰ gə́ njeboo-néje tən njérɔje ləa Gə́ d’a gə kaw loo-rɔ’g lé.

Esai 13:4 ပူးပေါင်းရင်းမြစ်များ

Esai 17:12

Ǝi! kaa ndu koso-dəwje gə́ ɓar! Kaa ndu dee ɓar asəna Gə kaa baa-boo-kad gə́ ɓar bèe. Kaw dɔ na̰ pum-pum lə ginkoji dəwje gə raŋg lé Ɓar asəna gə manje gə́ d’ula gə siŋga dee bèe tɔ.

Esai 48:14

Seḭ lai lé mbo̰je dɔ na̰ ooje ta! See na̰ ɓa mbuna dee’g ɓa To gə́ njepa ta néje neelé wa. Yeḛ gə́ Njesigənea̰ undá dan kəmee’g ɓa A ra né gə́ yeḛ wɔji mée’g Mba ra gə Babilɔnje ləm, Jia a kwɔi ndiŋ-ndiŋ dɔ Kaldeje’g ləm tɔ.

Esai 5:26

Yeḛ un nétɔji gə́ tar Ɓar ne ginkoji dəwje gə raŋg gə́ d’isi əw ləm, Yeḛ ɓar ginkoji dəwje gə́ kára Gə kól gwɔi naŋg ləm tɔ Ndá aa ooje, deḛ d’ɔs rɔ dee ɓad gə rɔkwɔilɔ ree.

Esai 5:30

Mee ndəa’g neelé ndu a ɓar mbɔree’g koma̰ ne səa To gə́ ndi gə́ ree gə lel-boo dan baa-boo’g bèe, Loo gə́ dəw aa dɔ naŋg ndá A koo loo lai ndul njudu-njudu Kar néurti gə némeekundayel ɓa D’a taa tor na̰ Ndá mum gə́ ndul njudu-njudu ɓa A taa loo mee dara’g pəl-pəl ya.

Jeremi 21:4

Njesigənea̰, Ala lə Israɛlje pa togə́bè pana: Aa ooje, nérɔje gə́ to ji sí’d gə́ seḭ aw rɔje ne gə mbai gə́ Babilɔn gir ndògo-bɔrɔje’g ləm, gə Kaldeje gə́ d’aḭ dɔ sí sub gə rɔ ləm tɔ lé n’a tel ta dee gə́ dɔ sí-seḭ’g ndá n’a mbo̰ dee dan mee ɓee-boo’g neelé tɔ.

Jeremi 25:14

Mbata ginkoji dəwje gə raŋg gə́ to njésiŋgamoŋje ləm, gə mbaije gə́ boo-boo ləm tɔ lé d’a tel kwa dee-deḛ nja ɓər ndá n’a kuga dee gə goo néra dee ləm, gə goo kula gə́ ji dee ɓa ra ləm tɔ.

Joɛl 2:25

Tɔgərɔ ya, néje gə́ beedéje Gə baigo̰je gə lámje gə ma̰daŋje Gə́ to bao-rɔje ləm tuji mee ləbje gə́ kédé lé M’a tel ne kar sí gogo.

Loo gə́ killa rea kəm Ja̰’g 18:8

Gelee gə́ nee ɓa tuji-booje d’a koso ne dəa’g mee ndɔ gə́ kára ba’g ya as bèe: yoo ləm, gə kəmndooyoo ləma, gə yoo-ɓoo ləm tɔ ndá pər ɓa d’a rée ne. Mbata Mbaidɔmbaije Ala gə́ njesiŋgamoŋ lé gaŋg rəwta dəa’g ya.