Esai 13:3 - Maktub gə́ To gə Kəmee

³ Ma m’un ndum m’ar koso-dəwje ləm Gə́ m’unda dee gə kəmee, Ma m’ɓar bao-rɔje, Deḛ gə́ d’al rɔ dee dɔ riɓar’g ləm Gə mba kar dee riba dɔ oŋg ləm pərəg lé.

Esai 13:3 ပူးပေါင်းရင်းမြစ်များ

Pakɔsje 149:2

Maji kar Israɛlje nda meḛ dee kaḭ Dɔ yeḛ gə́ to njekunda dee’g ləm, Ŋganje gə́ Sio̰ kara maji kar dee d’isi dan boo-rɔlel’g Mbata yeḛ to mbai lə dee ləm tɔ.

Esai 23:11

Njesigənea̰ ula jia ndiŋ dɔ baa-boo-kad’g, Yeḛ ar ɓeeko̰je yə, Yeḛ un ndia mba kar kəi-kaar-kɔgərɔje gə́ Kana̰ tuji.

Esai 5:26

Yeḛ un nétɔji gə́ tar Ɓar ne ginkoji dəwje gə raŋg gə́ d’isi əw ləm, Yeḛ ɓar ginkoji dəwje gə́ kára Gə kól gwɔi naŋg ləm tɔ Ndá aa ooje, deḛ d’ɔs rɔ dee ɓad gə rɔkwɔilɔ ree.

Jeremi 25:9

aa ooje, n’a gə kula kula ɓar koso-dəwje lai gə́ d’isi dɔgel ləm, n’a kula kula kar kura lə neḛ Nebukadnesar, mbai gə́ Babilɔn ləm tɔ. N’a karee ree rɔ gə ɓee nee gə dəw-mee-ɓeeje gə́ keneŋ ləm, gə ginkoji dəwje gə raŋg gə́ nee lai gə́ gugu dəa ləm tɔ mba tuji dee pugudu ləm, mba kar dee tel gə́ néno̰ ləm, gə nékula sul dɔ’g ləma, gə nétuji gə́ to gə no̰ ləm tɔ. Njesigənea̰ ɓa pa bèe.

Jeremi 51:46

Maji kar meḛ sí pélé wəs-wəs el ləm, ɓəlje gə mba kaa néje gə́ seḭ ooje mee ɓee’g el ləm tɔ, mbata ləb neelé to ləb koo sor ta néje ləm, ləb gə́ njekorè gée lé sorta gə́ raŋg a ɓar ləm, néra kərm-kərm a taa loo mee ɓee’g pəl-pəl ləma, njedumdɔloo a kḭ rɔ gə maree gə́ njedumdɔloo lé ləm tɔ.

Jeremi 51:53

Lée Babilɔn aw saar teḛ dará ləm, Lée kəi-kaar-kɔgərɔje ləa to tar sab ləm tɔ kara M’a kar njétujilooje ree rɔ səa. Njesigənea̰ ɓa pa bèe.

Soponi 1:7

Maji kar sí sije gə ta sí gə́ mundu no̰ Mbaidɔmbaije gə́ Njesigənea̰’g! Mbata ndɔ lə Njesigənea̰ nai dəb ba ŋga ləm, Mbata Njesigənea̰ wa dɔ gɔl nékinjaməs ləma, Yeḛ mbər njé gə́ yeḛ a gə ɓar dee lé ləm tɔ.

Loo gə́ killa rea kəm Ja̰’g 18:20

Seḭ gə́ dara lé raje rɔlel dəa’g! Seḭ gə́ njémeendaje gə njékaḭkulaje gə njéteggintaje lé alje rɔ sí to! Mbata Ala ila ta dəa’g ra ne ta lə sí gə goo rəbee mba̰.