Esai 13:22 - Maktub gə́ To gə Kəmee

²² Rigəmje d’a no̰ mee kəi-mbaije’g lə dee ləm, Tálje d’a no̰ mee kəije’g lə deḛ gə́ maji péd-péd ləm tɔ. Ndɔ lə dee nai dəb ba ŋga Ndá d’a kila ndɔje lə dee dɔ maree’g kar dee el ŋga.

Esai 13:22 ပူးပေါင်းရင်းမြစ်များ

Pakɔsje 44:19

Meḛ sí ɔs səi ŋgwɔḭ el ləm, Gɔl sí kara uba rəw ləi ya̰ gə goo ŋgalee el ləm tɔ

Esai 14:23

N’a karee to kugu to nduruje ləm, gə daŋg-mán ləm tɔ, n’a kwa rəw-rəw gə ŋgisa gə́ ka̰ tujee, Njesigənea̰ gə́ njeboo-néje ɓa pa bèe.

Esai 25:2

Mbata i ar ɓee-boo tel to To gə́ kɔr mbalje gə́ to dɔ na̰’d bèe ləm, Ɓee-boo gə́ siŋgá to lé I aree tel to loo-tuji ləm tɔ, Kəi-kaar-kɔgərɔ lə dəw-dɔ-ɓeeje kara tuji pugudu Askəm kar dee tel gɔlee gogo el ŋga.

Esai 32:14

Kəi-mbai lé d’uba d’ya̰ ləm, Ɓee-boo kunda bula lé tel to dɔ nduba ləm tɔ, Dɔdərloo gə kəi-kaar-kɔgərɔ gə́ duu dɔ loo lé Tel to duu-loo si gayim-dəwje saar gə no̰, Loo neelé a tel to gə́ loo-ndam lə mulayḛ̀je-je gə́ wala ləm, Gə loo-ko̰-mu lə koso-nékulje ləm tɔ.

Esai 34:13

Kunje d’a kuba dan mee kəi-mbaije’g ləa ləm, Kun-pɔrɔrɔje gə ŋgarje d’a kuba kəi-kaar-kɔgərɔ’g ləa ləm tɔ. Ndá a tel to loo-to tàlje ləm, Gə loo-kaar miruje ləm tɔ.

Esai 34:14

Daje gə́ dɔdilaloo’g dee gə jagmjərje d’a kiŋga na̰ keneŋ ləm, Bàl bya̰je d’a naa ndu na̰ keneŋ ləm tɔ, Lée neelé ndil gə́ majel gə́ ka̰ loondul a kiŋga loo-siée keneŋ Karee tel to loo-kwa-rɔ ləa.

Esai 35:7

Naŋgəra gə́ nuŋga kəd-kəd a tel to duu-mán Kar naŋg gə́ tudu kurum-kurum tel to ŋgira manje tɔ, Mee loo-si-kiya-rɔ lə tàlje lé Ko-ab gə ŋgawlal d’a kuba keneŋ.

Esai 43:20

Daje gə́ mee wala’g ləm, Gə tàlje ləma, gə miruje ləm tɔ lé D’a kula rɔnduba dɔm’g Mbata m’ar manje to dɔdilaloo’g ləm, M’ar baa to ndag-mbo’g ləm tɔ Gə mba kar dəwje ləm gə́ m’ɔr dee m’unda dee gə kəmee lé d’ai.

Jeremi 48:16

Tuji-boo lə Moab lé sai dəb ba karee teḛ dəa’g, Némeeko̰ ləa aw ree gə tɔgee gə́ nee.

Jeremi 51:33

Mbata Njesigənea̰ gə́ njeboo-néje, Ala lə Israɛlje pa togə́bè pana: Babilɔn gə́ to asəna gə ŋgoma̰də lé To asəna gə loo-kunda-kó Gə́ d’aw tuba mba karee asəna rai-rai bèe: Nai lam ba bèe ndá kàr kinja kó a teḛ dəa’g.

Jeremi 9:11

See dəw gə́ ra ɓa gə́ njekəmkàr Gə́ gər gin néje neelé wa. Yeḛ gə́ Njesigənea̰ ulá ta lé maji karee pa! See gelee ban ɓa ɓee tuji ləm, Pər roo to gə́ dɔdilaloo gə́ dəw kára kara Dəs keneŋ el ləm tɔ wa.

Nɔ̰-ndôo gə́ wɔji dɔ Jerusalem 4:3

Tálje kara d’ar ŋgan deeje d’il mbà dee Nɛ dəwje gə́ ɓee ləm lé Yeḛ tel to njemeeiyèr To gə́ miruje gə́ d’aw dɔdilaloo’g bèe.

Misee 1:8

Gelee gə́ nee ɓa ma Mise M’a no̰ ne gə mán-no̰ kəm’g ləm, M’a sii ne mbigi-mbigi ləm, M’a njaa ne gɔlm kari ba ləm, M’a kɔr ne ndum wəl no̰ ne to gə́ tàl bèe ləma, M’a tuma̰ ne ŋgururu-ŋgururu to gə́ yel miru bèe ləm tɔ.

Habakuk 2:3

Mbata ndərta neelé ta gə́ wɔji ndəa to njaŋg mba̰. Ta neelé aw gə́ loo tɔl ŋgaŋgee’g ya ndá Taŋgɔm a godo keneŋ, Ɓó lé yee tila gə́ tila ɓəi kara maji kam ŋgina ya Mbata yee a kaw lée’g ya, A kaw lée’g béréré tɔgərɔ ya.

Soponi 2:14

Koso-nékulje d’a to keneŋ gə daje lai gə́ gə gel dee gel dee, Dogoro dee gə nduru d’a si mbuna mburṵ gaji kagje gə́ tar, Ndu no̰ lə dee a ɓar kəmbolèje’g, Nétujiloo a to loo-kandə-kəi’g Mbata kag-Sɛdrə gə́ d’o̰ ne kaar kəije lə dee lé D’a tusu ŋgəw-ŋgəw.

Tel tura Godndu 32:35

Dalba̰ gə bo̰ néra lé wɔji dɔm ma nja, Loo gə́ gɔl dee a gə kunda ndolé, Mbata ndɔ nékəmndooje lə dee nai dəb ləm, Né gə́ to ŋgina dee lé kara A tila gə́ tila el ləm tɔ.

2 Piɛrə 2:3

Meeyèr gə́ meḛ dee’g lé ndam godo, yee ɓa, d’a sɔ sí ne gə taŋgɔmje lə dee ya. Deḛ lé gaŋg rəwta dɔ dee’g ləw ba lé to dɔ dee’g keg ɓəi ar tuji ya̰ dee ne gə goo ŋgalee el nja saar.