Esai 13:20 - Maktub gə́ To gə Kəmee

²⁰ Dəwje d’a si keneŋ gogo el ŋga ləm, D’a ra ɓee keneŋ gogo el ŋga ləm, Njékawtarje d’a la kəi-kubuje lə dee keneŋ gogo el ŋga ləma, Njékulbadje d’a kar koso-nékulje lə dee d’aar keneŋ gogo el ŋga ləm tɔ.

Esai 13:20 ပူးပေါင်းရင်းမြစ်များ

2 Sôrta Gḭka Israɛlje 17:11

Pilistije ree gə nékarje d’aar Josapat ləm gə nékoga dɔ rɔ gə́ to gə́ larnda ləm tɔ, tɔɓəi Arabə kara ree gə́ bàl badje tɔl-dɔg-loo-siri gə dɔ dee tɔl-siri (7.700) ləm, gə bàl bya̰je tɔl-dɔg-loo-siri gə dɔ dee tɔl-siri (7.700) ləm tɔ d’aree ya.

Maktub gə́ wɔji dɔ Jɔb 3:7

Oiyo, maji kar mee tilee’g neelé to mee til gə́ kəm keskèm keneŋ el ləm, Maji kar ndu rɔlel ɓar keneŋ el ləm tɔ.

Pa gə́ ur dɔ paje 1:7

Ǝi, i gə́ m’ndigii dɔɓəŋgərəm’g, Ulam loo gə́ i ar badje ləi D’aw d’o̰ mu keneŋ ləm, Gə loo gə́ i aw ar dee d’wa rɔ dee keneŋ Loo gə́ kàr aar daŋdɔ lé ləm tɔ. See gelee ban ɓa m’ila ne mbir-mbir Mbɔr koso-nékulje’g lə marije bèe wa.

Esai 14:23

N’a karee to kugu to nduruje ləm, gə daŋg-mán ləm tɔ, n’a kwa rəw-rəw gə ŋgisa gə́ ka̰ tujee, Njesigənea̰ gə́ njeboo-néje ɓa pa bèe.

Esai 21:1

Ndərta gə́ wɔji dɔ dɔdilaloo gə́ mbɔr baa-boo-kad’g. To gə́ lel-mal ḭ dɔ jikɔl ree ɓir bèe Ndá njeba̰ ḭ dɔdilaloo’d Gə́ to ɓee gə́ to ɓəl kədm-kədm.

Esai 25:2

Mbata i ar ɓee-boo tel to To gə́ kɔr mbalje gə́ to dɔ na̰’d bèe ləm, Ɓee-boo gə́ siŋgá to lé I aree tel to loo-tuji ləm tɔ, Kəi-kaar-kɔgərɔ lə dəw-dɔ-ɓeeje kara tuji pugudu Askəm kar dee tel gɔlee gogo el ŋga.

Esai 34:17

Yeḛ ra nékwɔji-loo kaiyee mbata lə dee Ndá jia-yeḛ nja ɓa a kai dee dɔ naŋg neelé gə kúla, D’a taa gə́ né ka̰ dee-deḛ saar gə no̰ ləm, D’a si keneŋ gə ləb dee ləb dee gə no̰ ləm tɔ.

Jeremi 49:33

Ɓee-boo gə́ Asɔr A to loo-to tàlje ləm, A to dɔ nduba ya saar gə no̰ ləm tɔ, Dəw kára kara a ra ɓee keneŋ el ləm, Dəw a si keneŋ el ləm tɔ.

Jeremi 50:13

Dəw kára kara a si keneŋ el Mbata oŋg lə Njesigənea̰, Yee a to dɔ nduba. Nana kara gə́ a dəs mbɔr Babilɔn’g Ndá kaaree a kwá paḭ karee ra wah! Dɔ nékəmndooje’g lai gə́ teḛ dəa’g lé.

Jeremi 50:21

Awje aw rɔje Gə ɓee gə́ Meratayiyim ləm, Gə deḛ gə́ d’isi Pekod ləm tɔ. Maji kar sí korə deeje tɔl deeje, Tuji deeje pugudu-pugudu. Njesigənea̰ ɓa pa bèe. Arje ndukunje ləm aw lée’g béréré ya!

Jeremi 50:3

Mbata ginkoji dəwje d’ḭ dɔgel D’aw gə mba rɔ səa, D’a kar ɓee ləa tel to dɔdilaloo ləm, Dəwje d’a si keneŋ el ŋga ləm tɔ. Dəwje gə daje d’aḭ d’aw.

Jeremi 50:39

Gelee gə́ nee ɓa Daje gə́ dɔdilaloo’g gə tàlje D’a si keneŋ na̰’d ləm, Miruje d’a ra loo-kaar dee keneŋ ləm tɔ, Dəw a si keneŋ el ŋga saar gə no̰ ləm, Dəw a ra ɓee keneŋ nda̰ el ləm tɔ.

Jeremi 50:45

Gelee gə́ nee ɓa maji kar sí ooje Né gə́ Njesigənea̰ wɔji mba ra Gə ɓee gə́ Babilɔn ləm, Gə néje gə́ yeḛ wɔji mée’g Gə mba ra gə ɓee lə Kaldeje ləm tɔ. Tɔgərɔ d’a ndɔr dee to gə́ ŋgan badje Gə́ siŋga dee godo bèe ləm, Tɔgərɔ d’a tuji loo-si dee Pugudu-pugudu ləm tɔ.

Jeremi 51:25

Njesigənea̰ ɓa pa togə́bè, Aa ooje, m’aw səi gə ta, I to mbal gə́ ka̰ tuji loo ləm, I gə́ tuji naŋg nee lai lé ləm tɔ. M’a kula jim ndiŋ gə́ dɔi’g ləm, M’a kɔri dɔ mbalje’g Kilai kari nduburi oso naŋg ləma, M’a kari to mbal gə́ taa pər gəgəgə ləm tɔ.

Jeremi 51:29

Dɔ naŋg yə ɓugu-ɓugu ləm, Unda bala ləm tɔ, Mbata né gə́ Njesigənea̰ wɔji gə mba ra Gə Babilɔn lé aw lée’g béréré. Yeḛ a kar ɓee gə́ Babilɔn Tel to dɔdilaloo Gə́ dəw kára kara godo keneŋ.

Jeremi 51:37

Babilɔn a to kugu néje gə́ tuji ləm, Gə loo-to tàlje ləm tɔ. Yee a to nékwa dɔ jiim ləm, Gə nékula sul dɔ’g ləm tɔ, Dəw kára kara a si keneŋ el ŋga.

Jeremi 51:43

Ɓee-booje ləa tuji pugudu-pugudu ləm, Naŋg tudu kurum-kurum to dɔdilaloo ləm tɔ. To ɓee gə́ dəw kára kara si keneŋ el ləm, Dəw kára kara dəs keneŋ el ləm tɔ.