Esai 13:16 - Maktub gə́ To gə Kəmee

¹⁶ D’a kunda ŋgan deeje kəm dee’g ya vaga-vaga tɔl dee ləm, D’a buu mee kəije lə dee buu-buu ləma, D’a kur dɔ denéje’g lə dee ləm tɔ.

Esai 13:16 ပူးပေါင်းရင်းမြစ်များ

Esai 13:18

D’a tɔl basaje gə ɓandaŋgje lə dee ləm, D’a koo kəmtondoo lə ŋganje el ləma, D’a kun kəm dee dɔ ŋganje’g kya̰ dee el ləm tɔ.

Esai 14:21

Waje dɔ gɔl loo-tɔl-ŋganje Mbata néra gə́ yèr lə bɔ deeje lé! Maji kar dee d’ḭ gə mba dum dɔ naŋg nee el ləm, Gə mba kar njéba̰je taa dɔ naŋg nee pəl-pəl el ləm tɔ!

Esai 47:9

Néje joo neelé d’a teḛ dɔ sí’g wai Gə́ mee ndəa gə́ kára ba ya Kar ŋganje lal sí ləm, Kar sí síje gə́ njékəisiŋgaje ləm tɔ. Lée némbeḛje lə sí gə́ bula əsé Nésukəmlooje lə sí gə́ bula yaa̰ kara Néje joo neelé d’a teḛ dɔ sí’g Mee ndɔ gə́ kára ba ya.

Jeremi 51:22

I ɓa m’uni m’tuji ne diŋgam gə dené ləm, I ɓa m’uni m’tuji ne ɓuga gə ŋgon ləm, I ɓa m’uni m’tuji ne basa gə ŋgoma̰də ləm tɔ.

Nɔ̰-ndôo gə́ wɔji dɔ Jerusalem 5:11

Deḛ d’ula sul dɔ denéje gə́ Sio̰ ləm, Gə dɔ ŋgama̰dje gə́ mee ɓee-booje gə́ Juda ləm tɔ.

Ojee 10:14

Koso-dəwje lə sí d’a kaw dɔ na̰’d pum-pum, Tɔɓəi kəi-kaar-kɔgərɔje lə sí lai d’a tuji To gə́ tuji ne Salman-Bet-Arbel ndɔ rɔ’g Loo gə́ deḛ kunda ne ko̰ ŋganje Gə ŋgan deeje vaga-vaga tɔl dee ne bèe.

Nahum 3:10

Lée togə́bè kara dəw-mee-ɓeeje gə́ keneŋ d’aw sə dee ɓee-ɓər’g ləm, Ŋganeeje kara kunda dee vaga-vaga tɔl dee tɔ-rəwje’g lai ləm, Deḛ ra né asəna gə téḛ dɔ dəwje gə́ boo’d ge keneŋ ləma, Mbaije lə dee kara deḛ tɔ dee gə kúla larje ləm tɔ.

Jakari 14:2

Ma mbo̰ ginkoji dəwje gə raŋg lai Gə mba kar dee rɔ gə Jerusalem, D’a taa ɓee-boo ləm, d’a buu mee kəije buu-buu ləm, D’a kur dɔ denéje’g ləm tɔ, Ges dəwje gə́ mee ɓee-boo’g lé D’a kaw ɓər, Nɛ ges koso-dəwje gə́ nai lé D’a tuji deḛ lai mee ɓee-boo’g el.