Esai 13:11 - Maktub gə́ To gə Kəmee

¹¹ N’a kar bo̰ néra majel lə njé gə́ naŋg nee ɔs ta dee’g ləm, N’a kar bo̰ néra yèr lə njémeeyèrje ɔs ta dee’g ləm tɔ, N’a kar ti rɔ lə njébeeleje godo ləm, Dəwje gə́ to njékṵda rɔ dee gə́ dəwje gə́ boi lé N’a tuji ta beeléje lə dee ləm tɔ.

Esai 13:11 ပူးပေါင်းရင်းမြစ်များ

Maktub gə́ wɔji dɔ Jɔb 40:12

Maji kari aa njédɔkədərəje ar dee d’ula dɔ dee ləm, Tal njémeeyèrje naŋg ras-ras loo-kaar dee’g ləm tɔ.

Gosota-Kəmkàrje 11:31

Aa oo, njemeekarabasur lé Iŋga nékoga-dɔ-jia dɔ naŋg nee ya, Njemeeyèr gə njekaiya lé kara D’a kiŋga ka̰ dee-deḛ gə́ wɔji dɔ dee ya tɔ.

Gosota-Kəmkàrje 8:13

Ɓəl Njesigənea̰ lé To gə́ kḛji néra gə́ majel bəḭ-bəḭ. Kesta gə beelé gə rəw néra gə́ majel, Gə ta gə́ pata gə́ kori-kori lé Néje neelé ma m’ə̰ji dee bəḭ-bəḭ ya.

Esai 11:4

Nɛ yeḛ a gaŋg rəwta lə njéndooje lé gə goo rəw gə́ danasur ləm, Yeḛ a kɔr kəmta lə njénékəmndooje gə́ naŋg nee gə goo rəbee ləm, Tapea gə́ to asəna gə kag-tɔs lé Yeḛ a kunda ne naŋg nee ləma, Lel təa gə́ a tó pu lé a kar njemeeyèr wəi ne ləm tɔ.

Esai 14:21

Waje dɔ gɔl loo-tɔl-ŋganje Mbata néra gə́ yèr lə bɔ deeje lé! Maji kar dee d’ḭ gə mba dum dɔ naŋg nee el ləm, Gə mba kar njéba̰je taa dɔ naŋg nee pəl-pəl el ləm tɔ!

Esai 14:5

Njesigənea̰ təd kag-tɔs lə njémeeyèrje ləm, Gə kag-mbai lə njéko̰ dɔ looje ləm tɔ.

Esai 2:11

Dəw gə́ njekəsta lé d’a karee ula dəa ləm, Njebeelé kara d’a karee oso kul ləm tɔ, Mee ndəa’g neelé dɔ Njesigənea̰ ya kára ba a to tar.

Esai 2:12

Mbata ndɔ lə Njesigənea̰ lə bao-rɔje to keneŋ Gə mba karee gaŋg ne ta dɔ dəw gə́ rara’g Gə́ to njebeelé gə njeti rəa ləm, Mba karee gaŋg ne ta dɔ dəw gə́ rara’d Gə́ unda dəa tar lé karee ula dəa ləm tɔ,

Esai 2:17

Dəw gə́ njebeelé lé d’a karee oso kul ləm, Yeḛ gə́ njeti rəa kara d’a karee ula dəa ləm tɔ. Mee ndəa’g neelé dɔ Njesigənea̰ ya kára ba a to tar.

Esai 22:14

Njesigənea̰ gə́ njeboo-néje riba dɔ ta nee Am m’oo pana: Tɔgərɔ ya, néra majel lə sí neelé Mee neḛ a koso lemsé dɔ’g el Saar a kwəije ne! Njesigənea̰ gə́ njeboo-néje ɓa pa bèe.

Esai 23:9

Njesigənea̰ gə́ njeboo-néje wɔji mée’g togə́bè Mba tuji ne rɔnduba lə njékəstaje ləm, Mba kila rɔkul dɔ dəwje gə́ boo’g Deḛje lai gə́ dɔ naŋg nee ləm tɔ.

Esai 24:21

Mee ndəa’g neelé Njesigənea̰ a gaŋgta dɔ boo-néje gə́ dara’g ləm, gə dɔ mbaije gə́ dɔ naŋg nee ləm tɔ.

Esai 25:3

Gelee gə́ bèe ɓa koso-dəwje gə́ to njésiŋgamoŋje D’ula ne rɔnduba dɔi’g ləm, Ɓee-booje lə ginkoji dəwje gə raŋg gə́ to njésiŋgamoŋje Ɓəli ne ləm tɔ.

Esai 25:5

To gə́ i dum ne dɔ loo gə́ nuŋga kəd-kəd Dɔ naŋg gə́ taa pər làm-làm’g bèe lé I dum dɔ ndu dəw-dɔ-ɓeeje gə́ ɓar u-u-u ləm tɔ, To gə́ ndil kil-lə-ndi ar loo nuŋga godo ne bèe lé I ar pa kun baŋgaje lə njékorè dɔ dəwje naŋgje lé kara to togə́bè tɔ.

Esai 26:21

Mbata aa ooje, Njesigənea̰ ḭ loo-siée’g unda loo teḛ Mba gaŋgta dɔ dəwje gə́ dɔ naŋg nee Gə́ to njéra né kori-korije. Bèe ɓa naŋg a kinja gə məs gə́ ɔm dəa’g gə́ raga Ɓó yee a lɔm dɔ deḛ gə́ tɔl dee lé el ŋga.

Esai 29:20

Mbata njéra né kərm-kərmje gə njékula sul dɔ loo’gje lé D’a godo ləm, Deḛ gə́ d’isi kəmba dɔ néra gə́ majel’g lé kara D’a kar dee d’udu guduru ləm tɔ.

Esai 29:5

Njéba̰je ləi gə́ bula digi-digi lé D’a to kasəna gə nduji naŋg ləm, Njérɔje nee gə́ bula digi-digi lé kara D’a to tana gə tisa kó gə́ lel ula ne bèe ləm tɔ. Ndá léegəneeya! asəna gə né gə́ teḛ wai bèe,

Esai 3:11

Nɛ meeko̰ a koso dɔ njémeeyèrje’g. D’a si dan majel’g Mbata d’a kiŋga né gə goo kandə néraje Gə́ ji dee ra lé tɔ.

Esai 5:15

Dəwje gə́ kari d’a kula dɔ dee ləm, Njé gə́ boo-boo d’a koso kul ləma, Njékəstarje d’a kula dɔ dee ləm tɔ.

Esai 65:7

Njesigənea̰ pana: Gə goo néra majelje lə sí ləm, Gə ka̰ bɔ síje-je ləm tɔ lé Deḛ gə́ roo néje gə́ ə̰də sululu dɔ mbalje’g ləm, D’ula sul dɔm’g dɔdərlooje’g ləm tɔ lé M’a kwɔji nékoga-dɔ-ji kula ra dee gə́ deḛ ra kédé lé kar dee.

Jeremi 48:29

Jeḛ n’gərje beelé lə Moab Gə́ majidum lé gao, Gə beelé ləa gə́ dum dɔ loo ləm, Gə ti-rɔ ləa ləm, Gə kəsta ləa ləma, Gə takə̰ji ti-rɔ ləm tɔ.

Loo gə́ killa rea kəm Daniel’g 4:34

Ɓasinè, ma Nebukadnesar, m’pidii, m’ɔs gajii, m’ula rɔnduba dɔ mbai dɔ dara’g. Kula reaje lai to gə goo rəbee ya ləm, rəwje ləa to danasur ləma, deḛ gə́ njaa ti ne rɔ dee lé kara yeḛ askəm ɓugu dee naŋg ləm tɔ.

Habakuk 2:4

Aa ooje, dəw neelé ti rəa Ar ta néra gə́ danasur godo mée’g, Nɛ njemeekarabasur lé meekun ləa ɓa yeḛ a si ne kəmba.