Esai 12:6 - Maktub gə́ To gə Kəmee

⁶ Seḭ dəwje gə́ Sio̰, Raje né wəl gə rɔlel gə boo-rɔkal! Mbata Njerɔkunda lə Israɛlje Gə́ to gə́ boo lé aar mbuna sí’g ya.

Esai 12:6 ပူးပေါင်းရင်းမြစ်များ

Pakɔsje 132:14

To loo-kwa-rɔ lə neḛ gə́ a to saar-saar gə no̰ ləm, N’a si keneŋ ləm tɔ Mbata neḛ nja neḛ ndigi togə́bè.

Pakɔsje 135:21

Maji kar njé gə́ Sio̰ Gə deḛ gə́ d’isi Jerusalem lé D’unda no̰ dɔkaisəgərə lə Njesigənea̰. Pidije Njesigənea̰ ya.

Pakɔsje 46:5

Baa-boo to keneŋ, manee gə́ ula ar rɔlel to mee ɓee’g lə Ala, Yee ɓa gə́ kəi gə́ to gə kəmee mbuna kəije’g lə Njekurdɔloo’g.

Pakɔsje 68:16

Mbalje lə Ala, mbalje gə́ mee ɓee gə́ Basan lé Mbalje gə́ sém deeje bula, Mbalje gə́ mee ɓee gə́ Basan lé

Pakɔsje 71:22

Ma lé m’a kɔs gajii gə ndu pa kṵdu-ko̰dè ləm, M’a kɔs pa meenda londoŋ ləi-i Ala ləm lé ya ləma, M’a pidii gə ndu pa kṵdu-kag lé ləm tɔ, I gə́ to Njerɔkunda lə Israɛlje lé ya.

Pakɔsje 89:18

I nja to rɔnduba lə siŋgamoŋ lə dee ləm, Mbɔl dɔ meemaji ləi ɓa ar siŋga sí tel ḭ ne dɔ maree’g ləm tɔ.

Pakɔsje 9:11

Deḛ gə́ gər rii lé d’ɔm meḛ dee dɔi’g jəb-jəb Mbata i Njesigənea̰ lé deḛ gə́ sa̰gi lé I uba dee ya̰ dee el.

Pakɔsje 99:2

Njesigənea̰ lé to gə́ boo mee ɓee gə́ Sio̰’g lé Yeḛ lé ur dɔ koso-dəwje’g lai-lai ya.

Esai 1:24

Gelee gə́ nee ɓa, aa ooje, Ta gə́ Mbaidɔmbaije Ala gə́ njeboo-néje Gə́ to Njesiŋgamoŋ lə Israɛl pa lé ɓa nee: N’a tel tɔl ta oŋg lə neḛ dɔ njékoma̰ sə neḛje’g Ndá n’a dal ba̰ lə neḛ dɔ njéba̰je’g lə neḛ tɔ.

Esai 10:24

Nɛ lé togə́bè kara Mbaidɔmbaije gə́ to Njesigənea̰ gə́ njeboo-néje pa togə́bè pana: Ǝi dəwje ləm gə́ síje Sio̰, maji kar sí ɓəlje Asirije el! Deḛ kunda sí gə ndəi ləm, deḛ d’un kag-tɔs lə dee kunda sí ne to gə́ Ejiptəje ra ne kédé bèe lé ləm tɔ.

Esai 24:14

Deḛ d’ɔr ndu dee gə́ tar wəl gə rɔkal, Deḛ gə́ d’ḭ dɔ-gó lé d’ɔs pa D’ula ne rɔnduba dɔ Njesigənea̰’g.

Esai 24:23

Naḭ a tel ndul njudu-njudu ləm, Kàr a kɔs el ləm tɔ, Mbata Njesigənea̰ gə́ njeboo-néje a ko̰ɓee Mee ɓee gə́ Jerusalem gə́ to dɔ mbal gə́ Sio̰ Kar rɔnduba ləa ndogó kəm ŋgatɔgje’g ləa ya.

Esai 30:19

Oiyo, seḭ koso-dəwje gə́ Sio̰ gə́ síje Jerusalem lé Seḭ a no̰je gə mán-no̰ kəm sí’g el ŋga! Yeḛ a koo ndu no̰ lə sí ndá Yeḛ a ra sə sí meemaji ləm, Léegəneeya gə́ yeḛ oo ndu sí ndá Yeḛ a tel kila sí keneŋ ləm tɔ.

Esai 33:21

Tɔgərɔ ya, lé neelé Njesigənea̰ a riba dɔ boo-ronduba ləa kar sí, Lée neelé yeḛ a kar baaje gə kəm-rəw-manje gə́ tad rəg-rəg to keneŋ ləm, To kaw-rɔje a dəs keneŋ el ləma, Bato kára kara a dəs keneŋ el ləm tɔ.

Esai 33:24

Dəw-mee-ɓee kára kara a pa pana: Rɔ neḛ to neḛ a pa bèe el! Koso-dəwje gə́ Jerusalem D’a kiŋga meekoso lemsé dɔ néra kori-korije’g lə dee tɔ.

Esai 40:9

Seḭ gə́ síje Sio̰ lé Ubaje dɔ mbal gə́ ŋgal léŋgé-léŋgé Gə mba kila mber ta gə́ maji, Seḭ gə́ síje Jerusalem lé Ɔrje ndu sí gə́ tar wəl Gə mba kila mber ta gə́ maji, Ɔrje ndu gə́ tar ɓó ɓəlje el, Ulaje ɓee-booje gə́ Juda pajena: Aa ooje Ala lə sí lé,

Esai 41:14

Seḭ njé’g lə Jakob gə́ d’oo sí gə́ ŋgan kuruje lé, Seḭ ges Israɛlje gə́ siŋga sí godo lé Ɓəlje el Njesigənea̰ pana: M’a ree la sə sí, Njemeenda lə Israɛlje to njekaji sí ya.

Esai 41:16

Seḭ a tó deeje séréré-séréré Ndá lel a kɔr dee kaw sə dee əw ləm, Lel-mal a sané dee kad-kad ləm tɔ. Nɛ seḭje lé seḭ a kalje rɔ sí gə mbata lə Njesigənea̰ ləm, Seḭ a kɔsje gaji rɔ sí wɔji ne dɔ Njerɔkunda lə Israɛlje lé ləm tɔ.

Esai 49:26

Njékula kəm sí ndooje lé M’a kar dee d’usɔ dakasrɔ dee-deḛ ya ləm, M’a kar dee d’ai məs dee karee oso kəm dee’g To gə́ mán-nduú gə́ sigi bèe ləm tɔ. Dəwje lai d’a koo to gə́ ma m’to Njesigənea̰ Gə́ njekaji sí ləm, M’to njekoga dɔ sí Gə́ to njesiŋgamoŋ lə Jakob ləm tɔ.

Esai 54:1

I ɓee gə́ Jerusalem gə́ to asəna gə kawkad gə́ oji ŋgon el bèe lé Maji kari al rɔi! I gə́ to asəna gə dené gə́ ndóo ulá ndubu gɔl kára el ɓəi lé Ɔr ndui gə́ tar wəl, i gə́ ndòo ulai ndubu kəm kára el ɓəi lé! Mbata dené gə́ deḛ d’ubá d’yá̰ lé Ŋganeeje d’a bula kunda ka̰ dené gə́ njeŋgao ya. Njesigənea̰ ɓa pa bèe.

Esai 60:16

I a taa némajije lə ginkoji dəwje gə raŋg To gə́ ŋgon il ne mbà kea̰je bèe ləm, I a taa ka̰ mbaije kara togə́bè ləm tɔ. Bèe ɓa i a gər ne to gə́ ma m’to Njesigənea̰ Gə́ to njekajii ləm, gə njekoga dɔi Gə́ to njesiŋgamoŋ lə Jakob ləm tɔ.

Esai 8:18

Aa ooje, ma jeḛ gə ŋganəmje gə́ Njesigənea̰ am dee lé jeḛ n’toje gə́ nétɔji gə né gə́ teḛ kédé ar dee d’oo mee ɓee gə́ Israɛl, gə́ to né gə́ ḭ rɔ Njesigənea̰ gə́ njeboo-néje’d gə́ si dɔ mbal gə́ Sio̰ lé.

Jeremi 10:6

Ǝi Njesigənea̰! Dəw kára bèe Gə́ to tana səi pai godo. I to gə́ boo ləm, riɓar ləi to gə́ boo Gə goo siŋgamoŋ ləi ləm tɔ.

Ejekel 35:10

Mbata i pana: Ginkoji dəwje gə raŋg loo joo ləm, ɓeeje gə́ joo ləm tɔ lé d’a to gə́ ka̰ síjeḛ. Lée Njesigənea̰ si lée’g neelé kara jeḛ j’a kar dee to ka̰ síjeḛ ya.

Ejekel 39:7

N’a kar dee gər ri neḛ gə́ to gə kəmee mbuna koso-dəwje’g lə neḛ gə́ Israɛl ndá n’a kya̰ loo kar dee d’ila ndɔl dɔ ri neḛ gə́ to gə kəmee lé el ŋga. Bèe ɓa ginkoji dəwje gə raŋg d’a gər ne to gə́ neḛ n’to Njesigənea̰, Njerɔkunda gə́ mee ɓee gə́ Israɛl.

Ejekel 43:7

Yeḛ ulam pana: Ma ŋgon-dəw lé loo gə́ neelé to loo kunda kalimbai lə neḛ keneŋ ləm, lée neelé n’a kila dabla gɔl neḛ keneŋ ləm tɔ, n’a si keneŋ mbuna Israɛlje’g saar-saar gə no̰. Gel-bɔje lə Israɛl gə mbaije lə dee d’a kula sul dɔ ri neḛ gə́ to gə kəmee gə néra dee gə́ mina̰ gə nin mbaije lə dee gə́ dubu dee dɔ looje gə́ ndəw’g el ŋga.

Ejekel 48:35

Loo gə́ gugu dəa as kəmkil dəw tɔl-dɔg-loo dɔg giree-jinaijoo (18000). Bèe ɓa un kudee mee ndəa’g neelé, ɓee-boo neelé d’a ɓaree pana: Njesigənea̰ si loo gə́ nee ya.

Ejekel 48:8

Mbɔr rəw-nim’g lə Judaje un kudee bər saar teḛ dɔ-gó lé a to loo gə́ seḭ a kya̰je kar tadee as kəmkil dəw tɔl-dɔg-loo rɔ joo giree-mi (25.000) ləm, ŋgalee a kasəna gə dəb loo gə́ kára un kudee bər saar teḛ dɔ-gó ləm tɔ, ndá loo gə́ to gə kəmee a to dana bab.

Ojee 11:9

M’a ra né gə goo oŋg ləm gə ḭ səm pu lé el, M’a kya̰ goo tuji gə́ m’wɔji mba tuji ne Eprayimje lé. Mbata ma m’to Ala ɓó m’to dəw el, Ma m’to Njerɔkunda gə́ m’si mbuna sí’g, M’a tel ree ra né gə goo oŋg ləm el.

Joɛl 2:27

Togə́bè ɓa seḭ a gərje gao To gə́ ma m’isi mbuna Israɛlje’g ya, Ma m’to Ala lə sí gə́ Njesigənea̰, Ɓó yeḛ gə́ raŋg godo, Bèe ɓa rɔkul a dəb dɔ dəwje’g ləm nda̰ el ŋga.

Soponi 2:5

Meeko̰ a koso dɔ dəwje lai gə́ d’isi ta baa-boo-kad’g Gə́ to ginkojije gə́ Keret. Seḭ Kana̰je gə́ dɔ naŋg gə́ Pilisti lé Njesigənea̰ pata ɔs sí ne rəw! Yeḛ pana: N’a tuji sí pugudu kar dəwje godo mee ɓee’g neelé.

Jakari 2:5

M’un kəm gə́ tar m’aa loo gərərə ndá aa oo, dəw kára aar gə kúla-kwɔji-né jia’g.

Jakari 2:9

Njesigənea̰ pa pana: Ma nja m’a to asəna gə ndògo lə pər gə́ gugu dəa sub ləm, m’a riba dɔ rɔnduba ləm keneŋ ləm tɔ.

Bula lə Israɛlje 23:21

Yeḛ oo néra kori-kori rɔ Jakob’g el ləm, Yeḛ oo néra gə́ lal najee rɔ Israɛlje’g el ləm tɔ. Njesigənea̰, Ala ləa nai səa ləm, Yeḛ to mbai ləa ləma, gə gin rɔkal ləa ləm tɔ.

Tel tura Godndu 23:15

Mbata Ala lə sí gə́ Njesigənea̰ njaa mbuna sí’g dan loo-si sí’g gə mba kaa ne dɔ sí ləm, mba kya̰ ne njéba̰je lə sí ji sí’g ləm tɔ, togə́bè ɓa loo-si sí a to ne gə kəmee gə mba kar Njesigənea̰ oo ne né gə́ mina̰ rɔ sí’g el ləm, karee tel ne giree ila ar sí el ləm tɔ.