Esai 12:4 - Maktub gə́ To gə Kəmee

⁴ Mee ndəa’g neelé seḭ a pajena: Pidije Njesigənea̰ ɓarje ne ria ləm, Ilaje mbər néreaje mbuna koso-dəwje’g Arje meḛ dee olé ne dɔ riɓar’g ləa ləm tɔ!

Esai 12:4 ပူးပေါင်းရင်းမြစ်များ

1 Sôrta Gḭka-Israɛlje 16:8

Maji kar sí pidije Njesigənea̰ Ɓarje ne ria ləm, Arje koso-dəwje gər néreaje Gə́ al dɔ loo sula lé ləm tɔ.

1 Sôrta Gḭka-Israɛlje 29:11

I Njesigənea̰ lé boo-riɓar, gə siŋgamoŋ, gə néra gə́ maji dum, gə si gə ləb-ləb, gə rɔnduba to kaḭ ya, mbata néje lai gə́ dara gə dɔ naŋg nee to kaḭ ya, ko̰ɓee to kaḭ-i Njesigənea̰ ya mbata i to mbai gə́ ur dɔ néje’g lai tɔ.

Nehemi 9:5

Juje gə Kadmiel gə Bani gə Hasabnia gə Serebia gə Hodija gə Sebania gə Petaja, gə́ to Ləbije neelé pana: Ḭje tar ɔsje gaji Njesigənea̰, Ala lə sí gə́ njesi gə ləbee-ləbee gə no̰ lé! Maji kar dee d’ɔs gaji rɔnduba lə ri Gə́ ur dɔ ndutɔrje lai ləm, Gə dɔ ta pidije lai ləm tɔ lé.

Pakɔsje 105:1

Maji kar sí pidije Njesigənea̰ Ɓarje ne ria ləm, Arje koso-dəwje gər néreaje gə́ al dɔ loo sula lé ləm tɔ.

Pakɔsje 107:22

Maji kar dee d’inja nékinjanéməsje Gə́ ka̰ kɔm na̰’d sad ləm, Maji kar dee d’ila mber kula reaje lé Gə ndu rɔlel ləm tɔ.

Pakɔsje 113:5

See na̰ ɓa tana gə Njesigənea̰, Ala lə sí lé wa. Yeḛ lé loo-siée to tar sab.

Pakɔsje 148:13

Maji kar sí-seḭ lai pidije ri Njesigənea̰ ya Mbata ria-yeḛ ya kára ba to ri gə́ maji dum ləm, Boo-ronduba ləa ur dɔ naŋg nee gə dara ləm tɔ.

Pakɔsje 18:46

Deḛ gə́ d’ḭ ɓee gə́ raŋg’d lé Siŋga dee godo ləm, Deḛ d’unda loo mee kəi-kaar-kɔgərɔ’g lə dee teḛ D’unda ne bala tigi-tigi ləm tɔ.

Pakɔsje 21:13

Mbata i a kar dee tel gir dee d’aḭ ləm, I a rɔ dee gə ɓandaŋg ləi ləm tɔ.

Pakɔsje 22:31

Ŋgaka deeje d’a ra né karee, D’a pata gə́ wɔji dɔ Mbaidɔmbaije kar njéboakojije lə na̰ gə́ goo dee’g.

Pakɔsje 34:3

Maji kar Njesigənea̰ ɓa m’nduba ne rɔm ká ləm, Maji kar njénékəmndooje d’oo ndá ra ne rɔlel ləm tɔ!

Pakɔsje 40:5

Rɔlel nai gə dəw gə́ ɔm mee jəb-jəb dɔ Njesigənea̰’g ləm, Yeḛ gə́ njaa gə njébeeleje gə njépa taŋgɔmje el ləm tɔ.

Pakɔsje 46:10

Yeḛ nja ɓa ar dee təd rɔ saar d’ɔr rudu naŋg nee njal ləm, Yeḛ guru ga̰dè ɓandaŋgje rug-rug ləm, Yeḛ təd niŋga-ndəije kərm-kərm ləma, Yeḛ roo pusu-rɔje dula-dula ləm tɔ.

Pakɔsje 57:5

Ma m’to mbuna dəwje gə́ to d’asəna gə toboḭje bèe, Mbuna deḛ gə́ gaŋg dəwje mbidi-mbidi’g, Ŋgaŋ dee adə njel-njel to gə́ ndo̰ niŋga-ndəi əsé ndo̰ ɓandaŋg bèe ləm, Ndo̰ dee to asəna gə kiambas gə́ adə làm-làm bèe ləm tɔ.

Pakɔsje 68:5

Ɔsje pa arje Ala, arje ria ɓar ne! Woḭje kəm rəw arje yeḛ gə́ njaa dɔdilaloo’g lé. Njesigənea̰ ɓa to gə́ ria ya, Bèe ndá alje rɔ sí nea̰’g!

Pakɔsje 73:28

Nɛ ma lé kam m’ŋgəs pər gə́ rɔ Ala’g lé Yee ɓa m’oo gə́ némaji ləm, M’oo Mbaidɔmbaije gə́ Njesigənea̰ gə́ njo̰loo-kula-dɔ ləm Gə mba kɔr ne sor kwɔji ne dɔ néraije’g lai ləm tɔ.

Pakɔsje 9:11

Deḛ gə́ gər rii lé d’ɔm meḛ dee dɔi’g jəb-jəb Mbata i Njesigənea̰ lé deḛ gə́ sa̰gi lé I uba dee ya̰ dee el.

Pakɔsje 96:3

Ɔrje sor rɔnduba ləa mbuna ginkoji dəwje gə raŋg’g lé Ɔrje sor némajije ləa gə́ maji dum mbuna koso-dəwje’g lai,

Pakɔsje 97:9

Mbata i Njesigənea̰ to Njekurdɔloo gə́ dɔ naŋg nee lai ya, I lé boo ur dɔ magə-poleje gə́ dɔ naŋg nee lai.

Teḛ-Raga 15:2

Njesigənea̰ to siŋgam ləm, Yeḛ to njegin pakɔsje ləm Gə́ m’ula ne rɔnduba dəa’g ləm tɔ, Yeḛ nja ɓa ajim. Yeḛ to Ala ləm, m’a pidee ya, Yeḛ to Ala lə bɔmje, m’a kila riɓar dəa’g tɔ.

Teḛ-Raga 33:19

Njesigənea̰ ilá keneŋ pana: M’a kar némeemajije ləm lai dəs nɔḭ’g ləm, m’a kila mber ri Njesigənea̰ nɔḭ’g ləm tɔ, yeḛ gə́ ma m’ndigi kwa səa noji lé m’a kwa səa noji ya ləm, yeḛ gə́ ma m’ndigi koo kəmtondoo ləa kara m’a koo kəmtondoo ləa ya ləm tɔ.

Esai 12:1

Mee ndəa’g neelé i a pa pana: Ǝi Njesigənea̰, ma m’pidii Mbata kédé oŋg ləi ḭ səi pu dɔm’g, Nɛ oŋg ləi lé tel wəi bèm Ndá i tel gɔl məəm.

Esai 2:11

Dəw gə́ njekəsta lé d’a karee ula dəa ləm, Njebeelé kara d’a karee oso kul ləm tɔ, Mee ndəa’g neelé dɔ Njesigənea̰ ya kára ba a to tar.

Esai 2:17

Dəw gə́ njebeelé lé d’a karee oso kul ləm, Yeḛ gə́ njeti rəa kara d’a karee ula dəa ləm tɔ. Mee ndəa’g neelé dɔ Njesigənea̰ ya kára ba a to tar.

Esai 24:15

Ulaje rɔnduba dɔ Njesigənea̰’g Mee looje gə́ bər lé Arje ri Njesigənea̰, Ala lə Israɛlje ɓar dɔ dɔgoré-looje gə́ mee baa-boo-kad’g tɔ.

Esai 25:1

Njesigənea̰, i lé to Ala ləm, M’a kɔs gajii kula ne rɔnduba dɔ rii’g Mbata i ra néje gə́ maji dum, Néje gə́ i wɔji-kwɔji ra kédé lé D’aw lée’g béréré ya.

Esai 26:8

Gelee gə́ nee ɓa, əi Njesigənea̰, Jeḛ ŋginai ne dɔ rəwta-gaŋgje’g ləi, Jeḛ ndiŋgaje rɔ sí gə mba ɓar rii ləm, J’ar meḛ sí olé ne dɔi’g ləm tɔ.

Esai 33:5

Njesigənea̰ lé ur dɔ loo’g Mbata yeḛ si dɔ looje gə́ tar, Yeḛ ar néra gə́ danasur gə néra gə́ gə dɔ najee Taa loo pəl-pəl mee ɓee gə́ Sio̰.

Esai 42:12

Maji kar dee d’ula rɔnduba dɔ Njesigənea̰’g ləm, Maji kar dee d’ila mber pidee dɔgoré-looje’g ləm tɔ.

Esai 48:20

Undaje loo mee ɓee gə́ Babilɔn teḛje ləm, Ḭje dan Kaldeje’g aḭje ləm tɔ! Paje gə ndu kalrɔ, ilaje ne mberee Ar deḛje gə́ d’isi gwɔi naŋg’d d’oo taree Pajena: Njesigənea̰ uga dɔ kura ləa Jakob!

Esai 66:19

m’a kar nétɔji to mbuna dee’g ndá m’a kula njé’g lə dee gə́ nai lé rɔ ginkoji dəwje gə raŋg’g: deḛ gə́ to njérɔ-ɓandaŋgje lé d’a kaw Tarsis, gə Pul, gə Lud ləm, deḛ gə́ ta ləm oso mbi dee’g el saar ar dee d’oo rɔnduba ləm el ləm tɔ lé ndá d’a kaw Tubal, gə Jaban gə dɔgoré-looje gə́ to əw ləm tɔ, d’a kila mber rɔnduba ləm mbuna ginkoji dəwje gə raŋg’g.

Jeremi 50:2

Maji kar sí ilaje mberee Arje ginkoji dəwje gə raŋg ləm, Areeje oso mbi dee’g ləma, Undaje nétɔji tar ləm tɔ. Ilaje mberee ɓó iyaje dɔ né kára el! Pajena: Deḛ taa Babilɔn mba̰ ya! Magə-Bel nai gə rɔkul ləm, Magə-Merodak lé tədee njigi-njigi ləm tɔ! Magəje ləa nai gə rɔkul ləm, Magəje ləa təd njigi-njigi ləm tɔ.

Malasi 1:11

Un kudee loo kuba’g lə kàr saar teḛ ne loo kuru naŋg’d ləa jig ya rim ɓar mḭ mbuna ginkoji dəwje gə raŋg’g. Gə looje lai-lai lé deḛ roo né gə́ ə̰də sululu keneŋ d’unda ne no̰ rim ya ləm, deḛ d’odo nékarje gə́ àr ŋgad-ŋgad ləm tɔ, mbata rim gə́ ɓar mḭ mbuna ginkoji dəwje gə raŋg’g lé ya. Njesigənea̰ gə́ njeboo-néje lé ɓa pa bèe.

Tagə́maji gə́ Ja̰ ndang 17:26

Ma m’riba sə dee dɔ rii mba̰, nɛ m’a tel riba sə dee ya ɓəi to mba kar meenoji gə́ i undam ne dan kəmi’g lé a to meḛ dee’g ləm, ma kara m’a kɔm sə dee na̰’d téréré ya ləm tɔ.