Esai 12:2 - Maktub gə́ To gə Kəmee

² Aa oo, Ala gə́ to njeginkajim, M’a kɔm məəm dəa’g jəb-jəb Ndá m’a ɓəl né kára el, Mbata Njesigənea̰, Njesigənea̰ to siŋgam ləm, Gə gin pa pidije ləm ləm tɔ, Yeḛ nja tel to njekajim.

Esai 12:2 ပူးပေါင်းရင်းမြစ်များ

2 Samel 7:24

I wɔji məəi’g njaŋg gə mba kar Israɛlje to koso-dəwje ləi ya saar-saar gə no̰ ləm, mba kari-i Njesigənea̰ tel to ne Ala lə dee ləm tɔ.

Maktub gə́ wɔji dɔ Jɔb 13:16

Yee nee ɓa a to gə́ kaji ləm, Mbata njéhulaije d’a kaskəm kaar nea̰’g bèe el.

Pakɔsje 112:8

Yeḛ wa mée kɔgərɔ ya ɓó ɓəl né kára kara bèe el Saar yeḛ a koo koso lə njékoma̰ səaje kar mée lelee ne.

Pakɔsje 118:14

Njesigənea̰ lé to roŋgəŋ ləm ləm, Gə gin pa pidije ləm ləm tɔ. Yeḛ nja ɓa ajim ya.

Pakɔsje 118:21

M’ɔs gajii mbata i am né gə́ m’dəjii ləm, Mbata i ajim ləm tɔ.

Pakɔsje 27:1

Pakɔs lə Dabid Njesigənea̰ lé to lookàr ləm ləm, gə kaji ləm ləm tɔ, Ŋga see na̰ ɓa m’a ɓəlee tɔɓəi wa. Njesigənea̰ lé to gə́ négəd rɔ dɔ’g ləm, Ŋga see na̰ ɓa m’a ndəb pəd-pəd nea̰’g wa.

Pakɔsje 65:6

Néraije gə́ dum koo lé I ila sí ne keneŋ gə goo meemaji ləi, I Ala gə́ njekaji sí lé Dəwje lai gə́ d’isi əw rudu naŋg’d ləm, Gə deḛ gə́ d’isi dɔgoré-looje’g dan baa-boo-kad’g lé ləm tɔ D’unda meḛ dee yel gə́ dɔi’g ya.

Pakɔsje 68:20

Maji kar dɔkaisəgərə nai gə Mbaidɔmbaije gə ndɔje kára-kára lai ya! Loo gə́ d’ula kəm sí ndòo ndá Ala nja aji sí.

Pakɔsje 68:21

Ala to Ala gə́ njekaji sí, Njesigənea̰, Mbaidɔmbaije lé askəm kɔr sí ta yoo’g.

Pakɔsje 83:18

Maji kar kaar dee to kərm, kar dee ndəb pəd-pəd saar gə no̰ ya ləm, Maji kar dee nai gə rɔkul ɓó gə d’udu ne guduru ya ləm tɔ.

Teḛ-Raga 15:2

Njesigənea̰ to siŋgam ləm, Yeḛ to njegin pakɔsje ləm Gə́ m’ula ne rɔnduba dəa’g ləm tɔ, Yeḛ nja ɓa ajim. Yeḛ to Ala ləm, m’a pidee ya, Yeḛ to Ala lə bɔmje, m’a kila riɓar dəa’g tɔ.

Esai 10:24

Nɛ lé togə́bè kara Mbaidɔmbaije gə́ to Njesigənea̰ gə́ njeboo-néje pa togə́bè pana: Ǝi dəwje ləm gə́ síje Sio̰, maji kar sí ɓəlje Asirije el! Deḛ kunda sí gə ndəi ləm, deḛ d’un kag-tɔs lə dee kunda sí ne to gə́ Ejiptəje ra ne kédé bèe lé ləm tɔ.

Esai 17:10

Mbata seḭ Israɛlje, seḭ arje meḛ sí wəi Dɔ Ala gə́ njekaji sí’g ləm, Seḭ arje meḛ sí olé Dɔ kɔr mbal gə́ to njo̰loo-kula-dɔ sí’g el ləm tɔ. Togə́bè seḭ dubuje né Gə́ to rɔlel lə sí ləm, Seḭ ma̰aje kag-nduúje Gə́ d’ḭ ne dɔ ɓee’g ləm tɔ.

Esai 27:5

Nɛ deḛ gə́ d’oom gə́ njo̰loo-kula-dɔ lə dee Gə́ d’ɔm səm na̰’d gə meekulɔm lé Oiyo! deḛ gə́ d’ɔm səm na̰’d gə meekulɔm lé Ndá m’a ra sə dee bèe el.

Esai 32:2

Nana kara a to kasəna gə njo̰loo-kula-dɔ gə́ lel dəs giree’g ləm, A to kasəna gə loo-kiya-rɔ gə́ taa lel-boo dɔ dəw’g ləm, A to kasəna gə kəm-rəw-mán gə́ to mee loo gə́ tudu kurum-kurum’g bèe ləma, A to kasəna gə ndil biri mbal gə́ boo gə́ to dɔ naŋg gə́ tudu kurum-kurum’g bèe ləm tɔ.

Esai 33:22

Mbata Njesigənea̰ lé to njégaŋ-rəwtaje lə sí ləm, Njesigənea̰ lé to njekar sí godndu ləm, Njesigənea̰ to mbai lə sí ləma, Yeḛ nja ɓa gə́ njekaji sí ləm tɔ.

Esai 38:20

Njesigənea̰ ajim! Ndá j’a kar ndu nékimje lə sí gə́ ra gə kúla lé ɓar Mee kəi’g lə Njesigənea̰ Ndɔje lai gə́ j’isije ne kəmba.

Esai 45:17

Mbɔl dɔ Njesigənea̰ ɓa Israɛlje d’iŋga ne kaji, To kaji gə́ to saar gə no̰, Seḭ a naije gə rɔkul əsé kəm sɔḭ el Saar-saar gə no̰.

Esai 49:5

Njesigənea̰ pana: Neḛ nja n’gɔlm gə́ kura lə neḛ Un kudee ndɔ kojim’g Gə mba kam m’tel gə njé’g lə Jakob Gə́ to Israɛlje gə́ sanéna̰ lé gə́ rəa’g, Mbata d’ila riɓar dɔm’g kəm Njesigənea̰’g ləm, Ala ləm tɔ siŋgam ləm tɔ.

Esai 50:10

Nana ɓa mbuna sí’g gə́ ɓəl Njesigənea̰ lé Maji karee oo ndu kura ləa! Nana ɓa gə́ njaa dan loondul’g lal lookàr ɓəi lé Maji karee ɔm mée dɔ ri Njesigənea̰’g ləm, Karee nduna rəa kaar Ala’g ləa ləm tɔ.

Esai 51:12

To ma, to ma ɓa gə́ njegɔl meḛ sí, See ɗi ɓa seḭ a ɓəlje ne dəw gə́ a gə kwəi ləm, Gə ŋgon dəw gə́ to asəna gə mu bèe lé wa.

Esai 61:10

Ma m’ra rɔlel gə mbata lə Njesigənea̰ ləm, M’al rɔm gə boo-rɔkal gə mbata lə Ala ləm ləm tɔ, Mbata yeḛ ula kubu-kaji rɔm’g ləm, Yeḛ ila kubu gə́ boi yul gə́ ka̰ néra gə́ gə dɔ najee dɔm’g ləm tɔ, Asəna gə njeɓar mɔr gə́ ula dɔgugu dəa’g ləm, Asəna gə njemɔr gə́ ɔm néma̰dje rəa’g bèe ləm tɔ.

Esai 62:11

Aa ooje, ta gə́ Njesigənea̰ ila mberee Aree oso gə loo mbidi-mbidi dɔ naŋg nee pana: Ulaje koso-dəwje gə́ Sio̰ pajena: Aa ooje, njekaji sí si aw gə́ rɔ sí’g nee, Aa ooje, nékoga-dɔ-ji ləa lé to meḛ jia’g ləm, Nékoga-dɔ-jia lé to nea̰’g ləm tɔ.

Esai 65:18

Nɛ maji kar sí raje rɔlel ləm, Sije dan kalrɔ’g ta-ta ləm tɔ Gə mbata lə né gə́ m’a gə kunda, Mbata m’a gə kunda Jerusalem gə́ nékalrɔ ləm, M’a gə kunda koso-dəwje ləa gə́ nérɔlel ləm tɔ.

Esai 7:14

Gelee gə́ nee ɓa Mbaidɔmbaije ya a kar sí nétɔji. Aa ooje, ŋgoma̰də a taa kèm ndá a koji ŋgon gə́ diŋgam. Tɔɓəi yeḛ a kunda ria lə Emanuɛl (kɔr gelee pana: Ala nai sə síjeḛ).

Jeremi 23:6

Mee ndɔje’g ləa lé Judaje d’a kaji ləm, Israɛlje d’a si lɔm loo-si dee’g ləm tɔ, Aa ooje, ria gə́ d’a ɓaree ne ɓa nee: Njesigənea̰ to njegin meekarabasur lə sí.

Jeremi 3:23

Oiyo, ndu gə́ ɓar dɔdərlooje’g Gə dɔ mbalje’g lé to gə́ néŋgɔm, Oiyo, Njesigənea̰, Ala lə sí ɓa to kaji lə Israɛlje.

Loo gə́ killa rea kəm Daniel’g 3:28

Nebukadnesar un ta pa pana: Maji kar dɔ ri Ala lə Sadrak gə Mesak gə Abed-Nego ai səgərə. Yeḛ nja ɓa ula kura ləa gə́ dara mbuna dee’g ləm, yeḛ ɔr kuraje ləa neelé ɔm dee tar ləm tɔ. Mbata deḛ neelé d’ɔm meḛ dee dəa’g jəb-jəb ləm, d’ɔs ne ta ləm-ma gə́ m’to mbai lé rəw ləma, d’ya̰ rɔ dee yag ləm tɔ, yee ɓa d’oo gə́ nékəmra gə́ maji unda ra né kar magə gə́ raŋg gə́ rara kara əsé kwa magə gə́ raŋg meḛ dee’g korè ne dɔ Ala lə dee.

Ojee 1:7

Nɛ m’a kar məəm ti mbidi dɔ koso-dəwje gə́ Juda ya, ɓandaŋg, əsé kiambas, əsé nérɔ, əsé njérɔ gə kundaje ɓa m’a kaji dee ne el nɛ jim-ma Njesigənea̰, Ala lə dee ɓa m’a kaji dee ne ya.

Joɛl 2:23

Seḭ dəwje gə́ Sio̰ lé Maji kar sí alje rɔ sí ləm, raje rɔlel Gin Njesigənea̰, Ala’g lə sí ləm tɔ. Mbata yeḛ a gə kar sí mán ndi Gə naḭyee-naḭyee ləm, Yeḛ a kar sí ndi gə́ doŋgɔr Gə yee gə́ gogo ləm tɔ To gə́ yeḛ ra kédé gə́ ləw lé tɔ.

Junas 2:9

Deḛ gə́ d’unda rɔ dee mbo̰-mbo̰ rɔ magə-poleje’d gə́ kari ba lé D’ɔs meekoso lemsé rɔ dee’g rəw.

Habakuk 3:18

Lée togə́bè kara ma m’ndigi kal rɔm no̰ Njesigənea̰’g, Ma m’ndigi kal rɔm no̰ Ala gə́ njekajim’g ya.

Njé gə́ Rɔmə 1:16

Mbata m’ra kəmkul dɔ Tagə́maji’g lé el: yee to siŋgamoŋ lə Ala gə mba kaji nana ɓa gə́ ɔm mée dɔ’g lé Jibje kédé ɓa Grekje keneŋ ɓəi.

1 Timote 3:16

Rəw kwa Ala mée’g gə́ gəd lé to ndərta gə́ dumkoo ɓó loo-maḭyee godo. Yeḛ neelé darəa to raga ndəgəsə ləm, Ndil ɓa ɔr gelee ləm, Kuraje gə́ dara d’ée ləm, Deḛ d’ɔr goo ta ləa d’ar njépole-magəje ləm, Nje gə́ dɔ naŋg nee d’ɔm meḛ dee dəa’g ləm d’unee d’unda loo ronduba’g ləa ləm tɔ.

Loo gə́ killa rea kəm Ja̰’g 7:10

Deḛ pata gə ndu dee gə́ boi wəl pana: Kaji lé to ka̰ Ala lə sí gə́ si kalimbai’g lé ləm, to ka̰ Ŋgonbad lé ləm tɔ.

1 Samel 2:1

An ra tamaji pana: Meem gə́ kəi ra rɔlel dɔ Njesigənea̰’g. Mbɔl dɔ Njesigənea̰ ɓa Siŋgam ḭ ne dɔ maree’g. M’teḛ tam m’oma̰ ne gə njéba̰je ləm Mbata ma m’al rɔm gə mba la gə́ i la səm lé.