Esai 12:1 - Maktub gə́ To gə Kəmee

¹ Mee ndəa’g neelé i a pa pana: Ǝi Njesigənea̰, ma m’pidii Mbata kédé oŋg ləi ḭ səi pu dɔm’g, Nɛ oŋg ləi lé tel wəi bèm Ndá i tel gɔl məəm.

Esai 12:1 ပူးပေါင်းရင်းမြစ်များ

Nehemi 8:10

Deḛ d’ula dee tɔɓəi pana: Aw sɔje da gə́ to ubu ləm, aw aije nékai gə́ lel ləma, ulaje gə gesee arje deḛ gə́ d’wa dɔ gɔl ka̰ dee el ləm tɔ mbata ɓogənè to ndɔ gə́ to gə kəmee mbata lə Mbaidɔmbaije lə sí. Arje kəm sí to ndòo el mbata rɔlel lə Njesigənea̰ ɓa a to siŋga sí ya.

Maktub gə́ wɔji dɔ Jɔb 11:16

Mbata məəi a kwəi dɔ némeekonje’g ləi, Məəi a kolé dɔ’g asəna gə manje gə́ ula dəs bèe.

Maktub gə́ wɔji dɔ Jɔb 13:16

Yee nee ɓa a to gə́ kaji ləm, Mbata njéhulaije d’a kaskəm kaar nea̰’g bèe el.

Pakɔsje 30:5

Maji kar sí ɔsje pa arje Njesigənea̰, Seḭ gə́ ṵdáje dan kəm sí’g lé Maji kar sí ɔsje pa pidije ne meenda londoŋ ləa tɔ.

Pakɔsje 71:21

Maji kari ar boo ləm tel ḭ dɔ maree’g Ɓó gə gɔl ne məəm gogo ya ɓəi tɔ.

Pakɔsje 85:4

I lé rəm gə boo-oŋg ləi ləm, Oŋg-boo ləi gə́ ḭ səi jugugu lé kara I aree wəi bèm ləm tɔ.

Pakɔsje 86:17

Maji kari am m’oo nétɔji gə́ wɔji dɔ meemaji gə́ i a gə ra səm lé Maji kar njéba̰je ləm d’oo ləm, Ar kəm sɔḭ wa kəm dee ləm tɔ. Ǝi Njesigənea̰, i lé to njela səm gə njegɔl məəm ya.

Pakɔsje 9:1

Pa lə Dabid gə́ ar bao-pa mba karee ɔs sə dee lé. Taree wɔji dɔ Kwəi mbata lə ŋgon gə́ diŋgam.

Esai 10:25

Nɛ kuree a kəw waga ba ɓəi ndá bo̰ néra lé a godo tɔɓəi oŋg ləm a tel koso dɔ dee-deḛ’g gə mba tuji dee ne pugudu-pugudu.

Esai 10:4

Njé gə́ na̰je d’a kwa koŋgoŋ Mbuna ɓərje’g ləm, Njé gə́ raŋg d’a toso naŋg Mbuna njé gə́ d’wəi’g ləm tɔ. Nɛ lé bèe kara oŋg ləa wəi bèm el ləm, Jia wɔi dɔ dee’g ndiŋ-ndiŋ ya ɓəi ləm tɔ.

Esai 11:16

Bèe ɓa rəw a to keneŋ mbata ges koso-dəwje ləa gə́ nai Gə́ teḛ ji Asirije’g To gə́ rəw to keneŋ kédé gə́ ləw mbata lə Israɛlje Mee ndəa gə́ deḛ d’unda ne loo mee ɓee gə́ Ejiptə teḛ lé tɔ.

Esai 14:3

Seḭ Israɛlje lé, loo gə́ Njesigənea̰ a kar sí loo-kwa-rɔ lə sí gə goo néje gə́ d’ar sí dao ləm, gə d’ar meḛ sí to kəgəgə ləma, gə goo kula ɓər gə́ kədərə gə́ d’ɔm dɔ sí’g ləm tɔ lé

Esai 2:11

Dəw gə́ njekəsta lé d’a karee ula dəa ləm, Njebeelé kara d’a karee oso kul ləm tɔ, Mee ndəa’g neelé dɔ Njesigənea̰ ya kára ba a to tar.

Esai 25:1

Njesigənea̰, i lé to Ala ləm, M’a kɔs gajii kula ne rɔnduba dɔ rii’g Mbata i ra néje gə́ maji dum, Néje gə́ i wɔji-kwɔji ra kédé lé D’aw lée’g béréré ya.

Esai 25:9

Mee ndəa’g neelé d’a pana: Aa ooje, yeḛ nja ɓa to Ala lə sí Gə́ jeḛ j’ɔm meḛ sí dəa’g, Yeḛ nja ɓa aji sí, Njesigənea̰ ɓa jeḛ j’ɔm meḛ sí dəa’g ya, Ar sí j’isije dan boo-rɔkal’g J’alje ne rɔ sí gin kaji’g ləa!

Esai 26:1

Mee ndəa’g neelé d’a kɔs pa nee mee ɓee gə́ Juda pana: Ɓee-boo lə sí lé siŋgá to yaa̰, Njesigənea̰ aa dɔ ndògo-bɔrɔ ləa ləm, Yee aa dɔ gadloo-kula-rɔ sí keneŋ ləm tɔ.

Esai 35:10

Deḛ gə́ Njesigənea̰ uga dɔ dee lé D’a tel ree, D’a kaw Sio̰ gə pa kun baŋga ta dee’g ləm, Rɔlel gə́ to gə no̰ a to dɔ dee’g ləm tɔ, Boo-rɔkal gə rɔlel lé d’a rəm pər ya Nɛ némeeko̰ gə tuma̰ ŋgururu-ŋgururu d’a godo tɔ.

Esai 49:13

Dara, maji kari ra rɔlel! Dɔ naŋg, maji kari si gə rɔkal! Mbata Njesigənea̰ gɔl meḛ dəwje ləa ləm, Yeḛ oo kəmtondoo lə njénékəmndooje ləa ləm tɔ.

Esai 51:3

Njesigənea̰ oo kəmtondoo lə Sio̰ bèe ləm, Yeḛ oo kəmtondoo ləa dɔ néje ləa lai gə́ tuji ləm tɔ. Yeḛ a kar dɔdilaloo ləa Tel to asəna gə loo-ndɔ gə́ Edḛ bèe ləm, Yeḛ a kar dɔ naŋg ləa gə́ tudu kurum-kurum lé Tel to asəna gə loo-ndɔ lə Njesigənea̰ bèe ləm tɔ. D’a kiŋga rɔlel gə kalrɔ keneŋ ləm, Ta ra oiyo gə ndu paje d’a ɓar keneŋ ləm tɔ.

Esai 54:7

Ma m’uba sí m’ya̰ sí, waga ba ya Nɛ gə goo boo-meenoji ləm lé M’a tel kwa sí gə́ rɔm’g.

Esai 54:8

Gə goo oŋg gə́ ram waga lé Ma m’iya sə sí kəm, Nɛ gə goo meenoji ləm gə́ to gə no̰ lé ɓa M’a koo ne kəmtondoo lə sí, Njesigənea̰ gə́ njekoga dɔ sí ɓa pa bèe.

Esai 54:9

A to kasəna gə mán gə́ mee ndəa’g ka̰ Noe lé Gə́ ma m’un ne ndum dɔ’g lé, Loo gə́ ma man rɔm gə mba kar manje Gə́ to d’asəna gə manje gə́ mee ndəa’g lə Noe lé D’a taa loo pəl-pəl dɔ naŋg nee el ŋga, Togə́bè ɓa ma man rɔm Gə mba kar məəm ḭ səm pu dɔ sí’g togə́bè el ŋga ləm, Gə mba ndaŋg sí ne el ŋga ləm tɔ.

Esai 60:10

Dəw-dɔ-ɓeeje d’a gɔl ndògo-bɔrɔ ləi gogo ləm, Mbaije lə dee d’a tel to kuraje ləi ləm tɔ, Mbata loo gə́ oŋg ram lé ɓa m’kundai ya Nɛ gə goo meekoso lemsé ləm lé M’tel m’oo ne kəmtondoo ləi.

Esai 61:10

Ma m’ra rɔlel gə mbata lə Njesigənea̰ ləm, M’al rɔm gə boo-rɔkal gə mbata lə Ala ləm ləm tɔ, Mbata yeḛ ula kubu-kaji rɔm’g ləm, Yeḛ ila kubu gə́ boi yul gə́ ka̰ néra gə́ gə dɔ najee dɔm’g ləm tɔ, Asəna gə njeɓar mɔr gə́ ula dɔgugu dəa’g ləm, Asəna gə njemɔr gə́ ɔm néma̰dje rəa’g bèe ləm tɔ.

Esai 64:5

Jeḛ lai n’toje dəwje gə́ mina̰ ləm, Néra sí gə́ gə dɔ najee kara To asəna gə kubu gə́ wa yiro gə́ mina̰ nag-nag ləm tɔ. Jeḛ lai n’toje j’asəna gə kam kag Gə́ gəḭ bèe ləm, Néra majel lə sí ɔr sí aw sə sí To gə́ lel bèe ləm tɔ.

Esai 65:18

Nɛ maji kar sí raje rɔlel ləm, Sije dan kalrɔ’g ta-ta ləm tɔ Gə mbata lə né gə́ m’a gə kunda, Mbata m’a gə kunda Jerusalem gə́ nékalrɔ ləm, M’a gə kunda koso-dəwje ləa gə́ nérɔlel ləm tɔ.

Esai 66:13

To gə́ dəw gə́ kea̰je gɔl mée bèe lé Togə́bè ɓa m’a gɔl ne meḛ sí ləm, D’a gɔl meḛ sí mee ɓee gə́ Jerusalem bèe ləm tɔ.

Jeremi 30:19

Ndu ra oiyo gə ndu kalrɔ A ɓar wəl dan dee’g, M’a kar bula lə dee Ḭ dɔ maree’d gə́ kédé-kédé Ɓó bula lə dee a rəm el. M’a kila riɓar dɔ dee’g Ndá d’a kḛji dee bəḭ-bəḭ el.

Jeremi 31:13

Yen ɓa ŋgama̰dje D’a ra rɔlel loo-ndam’g ləm, Basaje gə ɓugaje kara d’a ra rɔlel ya ləm tɔ. M’a kar kəmndooyoo lə dee tel kalrɔ ləm, M’a gɔl meḛ dee ləm tɔ, M’a kar dee rɔlel karee taa tor Mée tila ŋgaḭla-ŋgaḭla lə dee.

Ojee 11:8

See ɗi ɓa m’a ra sə sí-seḭ Eprayimje wa. Ǝi Israɛlje! See m’a kuba sí kya̰ sí ji dee’g wa. See m’a ra sə sí to gə́ m’ra ne gə deḛ gə́ d’isi mee ɓee gə́ Adma wa. See m’a kar sí toje asjena gə ɓee gə́ Seboyim wa. Meem tila ŋgaḭla-ŋgaḭla ləm, Meem aw taḭ-taḭ ləm tɔ.

Ojee 6:1

Yen ŋga seḭ pajena: Gə́ reeje ar sí n’telje gə́ rɔ Njesigənea̰’g! Mbata yeḛ nja ar sí doo, Nɛ yeḛ nja a karee ər kəmsə ɓəi. Yeḛ nja unda sí, Nɛ yeḛ nja a tɔ ta dooje lə sí ɓəi tɔ.

Jakari 1:16

Gelee gə́ nee ɓa Njesigənea̰ pa ne togə́bè pana: N’a gə tel ree Jerusalem gə meemaji Ndá d’a tel kunda kəi lə neḛ gogo ləm, D’a kwɔji Jerusalem gə kúla ləm tɔ.

Jakari 14:20

Mee ndəa’g neelé d’a ndaŋg taree dɔ ma̰dje gə́ gwɔs kundaje’g Pana: TO GƎ KƎMEE ƁƎD KAR NJESIGƎNEA̰. Tɔɓəi ŋgoroje gə́ mee kəi’g lə Njesigənea̰ lé D’a to kasəna gə baije gə́ to no̰ loo-nékinjaməs’g bèe.

Jakari 14:9

Njesigənea̰ ya kára ba a to mbai dɔ naŋg nee lai, Mee ndəa’g neelé Njesigənea̰ ya kára ba kiao a to Njesigənea̰ Ndá ria-yeḛ nja a to ri gə́ kára ba kiao tɔ.

Jakari 8:11

Nɛ ɓasinè n’a ra gə ges koso-dəwje gə́ nai neelé To gə́ neḛ n’ra ne mee ndəa gə́ kédé’g lé el, Njesigənea̰ gə́ njeboo-néje ɓa pa bèe.

Jakari 8:19

Njesigənea̰ gə́ njeboo-néje pa togə́bè pana: Kɔg mee ɓoo gə́ mee naḭ gə́ njekɔm’g sɔ ləm, gə naḭ gə́ njekɔm’g mi ləm, gə naḭ gə́ njekɔm’g siri ləma, gə naḭ gə́ njekɔm’g dɔg ləm tɔ lé a tel to ndɔ kalrɔ gə ndɔ rɔlel gə naḭ gə́ ka̰ ra rɔlel mbata lə koso-dəwje gə́ Juda. Nɛ maji kar sí undaje kankəmta gə meekulɔm ɓa dan kəm sí’g.

Njé gə́ Rɔmə 11:15

Mbata ɓó lé kɔs gə́ Ala ɔs dee ŋgərəŋ lé tel to né gə́ ɔm dəwje lai dɔ naŋg nee na̰’d gə Ala ndá see tel gə́ yeḛ a tel kwa dee gə́ rəa’g lé see a to to gə́ ban wa. See a to kunda loo teḛ mbuna njé gə́ d’wəi’g mba si kəmba lé el wa.