Esai 11:8 - Maktub gə́ To gə Kəmee

⁸ Ŋgon gə́ ta mbà’g a ndam ta bwa li-meewai’g ləm, Ŋgon gə́ mbad mbà a kula jia mee bwa li-ŋgɔrŋgo̰d’g ləm tɔ.

Esai 11:8 ပူးပေါင်းရင်းမြစ်များ

Maktub gə́ wɔji dɔ Jɔb 5:23

Mbata mbalje gə́ loo-ndɔ’g ləi d’a kɔgi loo el ləm, Daje gə́ wala kara seḭ sə deeje a síje lɔm ləm tɔ.

Pakɔsje 140:3

Deḛ la̰ji tor néra gə́ majel meḛ dee’g ləm, D’isi ne dɔ gɔl dee’g kəgəgə gə mba kḭ rɔ ne ləm tɔ.

Gosota-Kəmkàrje 23:32

Rudee ndá a tɔḭ to gə́ li bèe ləm, A tugai to gə́ li-ŋgɔrŋgo̰d ləm tɔ.

Esai 11:7

Ko̰ maŋg dee gə ko̰ da-urs d’a kaar loo-sɔ-né’g na̰’d ləm, Ŋgan deeje kara d’a to na̰’d loo kára ba ləm tɔ Ndá toboḭ a ko̰ mu to gə́ bɔ maŋg bèe.

Esai 11:9

Dɔ mbal’g ləm gə́ to gə kəmee bura lé Dəwje d’a ra né gə́ majel əsé d’a tuji né keneŋ el Mbata gər Njesigənea̰ a taa dɔ naŋg nee pəl-pəl Asəna gə mán gə́ ɔn dɔ ŋguru baa-boo-kad gə́ bər lé bèe.

Esai 14:29

I ɓee lə Pilistije lé Kag-tɔs gə́ kundai ne gə́ təd lé Maji kari ra rɔlel gə mbəa el! Mbata ginka li lé ɓa Li-ŋgɔrŋgɔnd a kḭ keneŋ Ndá da-kɔb gə́ nar bag lé a kḭ ginee ya tɔ.

Esai 59:5

Deḛ d’um kaw li-ŋgɔrŋgo̰d ləm, Deḛ d’ṵji jám gamagar ləm tɔ. Yeḛ gə́ sɔ kaw dee ndá wəi, Ɓó lé dəw unda kára aree tɔ ndá Li-meewai ɓa teḛ keneŋ.