Esai 11:4 - Maktub gə́ To gə Kəmee

⁴ Nɛ yeḛ a gaŋg rəwta lə njéndooje lé gə goo rəw gə́ danasur ləm, Yeḛ a kɔr kəmta lə njénékəmndooje gə́ naŋg nee gə goo rəbee ləm, Tapea gə́ to asəna gə kag-tɔs lé Yeḛ a kunda ne naŋg nee ləma, Lel təa gə́ a tó pu lé a kar njemeeyèr wəi ne ləm tɔ.

Esai 11:4 ပူးပေါင်းရင်းမြစ်များ

2 Samel 8:15

Dabid o̰ ɓee dɔ Israɛlje’g lai ndá yeḛ ra né danasur ləm, ɔr ne kəmta lə dəwje ləa lai gə goo rəbee ləm tɔ.

Maktub gə́ wɔji dɔ Jɔb 15:30

Yeḛ a lal kar loondul dəb dəa’g el ləm, Ndo̰ pər a roo barkəmeeje dula-dula ləm tɔ Ndá lel ta Ala a tujee pugudu.

Maktub gə́ wɔji dɔ Jɔb 4:9

Kəmə gə́ Ala ila pugudu dɔ dee’g lé deḛ tuji ne ləm, Lel oŋg ləa roo dee dula-dula ləm tɔ.

Pakɔsje 110:2

Njesigənea̰ a kar kag-mbai siŋgamoŋ ləi Ḭ ɓee gə́ Sio̰ aw əw! Maji kari dum ne dɔ njéba̰je ləi gə́ gugu dɔi sub ya.

Pakɔsje 18:8

Naŋg yə bura ɓugu-ɓugu Ar gin mbalje kara ɓar bura ɗigi-ɗigi tɔ. Néje neelé yə mbata mee Ala gə́ ḭ səa pu lé.

Pakɔsje 2:9

M’a təd dee rém-rém gə kag-lar ləm, M’a tɔ dee pɔs-pɔs to gə́ tɔ ne jo lə njékubajoje bèe ləm tɔ.

Pakɔsje 76:10

Loo gə́ Ala ḭ mba gaŋgta Gə mba kaji ne njénékəmndooje lai gə́ dɔ naŋg nee.

Esai 1:17

Ndooje loo ra né gə́ maji ləm, Ndolèje goo néra gə́ gə dɔ najee ləm, Aaje dɔ yeḛ gə́ d’ula kəmee ndòo ləm, Ɔrje kəmta lə ŋgonal gə goo rəbee ləma, Aḭje bada dɔ njekəisiŋga’g ləm tɔ.

Esai 13:11

N’a kar bo̰ néra majel lə njé gə́ naŋg nee ɔs ta dee’g ləm, N’a kar bo̰ néra yèr lə njémeeyèrje ɔs ta dee’g ləm tɔ, N’a kar ti rɔ lə njébeeleje godo ləm, Dəwje gə́ to njékṵda rɔ dee gə́ dəwje gə́ boi lé N’a tuji ta beeléje lə dee ləm tɔ.

Esai 14:30

Togə́bè ɓa deḛ gə́ to gə́ njéndooje d’unda mar deeje lé D’a kiŋga nésɔ dee ləm, Deḛ gə́ njénékəmndooje lé kara D’a si lɔm ləm tɔ, Nɛ n’a tɔl ŋgirai gə ɓoo-boo ləm, Ges dəwje ləi gə́ nai lé D’a tɔl dee ləm tɔ.

Esai 16:5

Meemaji ɓa a kar kalimbai to ne njaŋg, Yeḛ gə́ to ŋgonkoji gə́ a ree si dɔ’g lé A kḭ mbuna ŋgaka Dabidje’g lé ya. Yeḛ a to njegaŋ-rəwta Gə́ néra gə́ danasur wa mée ləm, Néra gə́ gə dɔ najee ɓa malee a rəa ŋgwɔd-ŋgwɔd ləm tɔ.

Esai 2:4

Yeḛ a to njegaŋ-rəwta dɔ ginkoji dəwje gə raŋg’g ləm, Yeḛ a to njekaar-dana mbuna koso-dəwje’g bula ləm, Kiambasje lə dee ɓa d’a tel kila gə́ kwɔs-paŋgmje ləma, Niŋga-ndəije lə dee ɓa d’a tel ra gə́ marmje ləm tɔ. Ginkoji dəwje gə́ gel kára d’a kun kiambas Rɔ ne gə ginkoji dəwje gə́ raŋg el ləm, D’a ndoo loo-rɔ el ləm tɔ.

Esai 26:6

Deḛ gə́ to njéndooje Gə deḛ gə́ siŋga dee godo lé D’a tuba ɓee-boo lé naŋg gə gɔl dee.

Esai 29:19

Njénékəmndooje d’a kal rɔ dee gə́ kédé-kédé gə mbata lə Njesigənea̰ ləm, Njéndooje d’a kar Njerɔkunda lə Israɛlje to gin boo-rɔkal lə dee ləm tɔ.

Esai 3:14

Njesigənea̰ ɔr ta ila dɔ ŋgatɔgje’g lə koso-dəwje ləa ləm, Gə dɔ mbaije’g lə dee ləm tɔ pana: Seḭ lé seḭ rumje loo-ndɔ-nduú! Néje gə́ seḭ tɔrje rɔ njéndooje’g lé To mee kəi’g lə sí to!

Esai 30:28

Kəmə gə́ yeḛ ila pugudu lé To asəna gə mán baa gə́ ḭ aw saar wa gwɔs dəw mbiriri bèe Mba yə ne ginkoji dəwje gə raŋg gə néje gə́ ka̰ tuji loo ləm, Asəna gə aljem goso Gə́ to biri ŋgaŋ koso-dəwje’g bèe ləm tɔ.

Esai 30:31

Loo gə́ ndu Njesigənea̰ a ɓar lé ndá Asirije d’a kunda bala tigi-tigi, Njesigənea̰ a kunda dee gə kag-kɔbə ləa.

Esai 30:33

Un kudee ləw ba lé Deḛ gɔl loo-roo-dəwje, Deḛ gɔlee d’wɔji ne dɔ mbai gə́ Asiri, D’aree ur ləm, gə tad ləm tɔ, Loo-roo-dəwje neelé pər gə kagje taa loo keneŋ pəl-pəl, Kila kəmə pugudu lə Njesigənea̰ mbudu pər o̰ To gə́ kṵji pər gə́ kas gə́ teḛ bilim-bilim bèe.

Esai 32:1

Togə́bè mbai a ko̰ɓee gə néra gə́ gə dɔ najee ləm, Mbaije kara d’a ko̰ɓee gə goo rəbee ləm tɔ.

Esai 32:7

Nékadje lə kəm-kəjim’g lé to néje gə́ yèr, Yeḛ wɔji rəw néraje gə́ majel mée’g Mba tuji ne njénékəmndooje gə taŋgɔmje ləm, Lée ta lə njendoo lé to gə dɔ najee ya kara ra bèe ya ləm tɔ.

Esai 33:22

Mbata Njesigənea̰ lé to njégaŋ-rəwtaje lə sí ləm, Njesigənea̰ lé to njekar sí godndu ləm, Njesigənea̰ to mbai lə sí ləma, Yeḛ nja ɓa gə́ njekaji sí ləm tɔ.

Esai 40:7

Mu ndòlé ləm, pudu gəḭ ləm tɔ Loo gə́ Njesigənea̰ ila kəmə pugudu dɔ dee’g ya. Tɔgərɔ koso-dəwje lé to d’asəna gə mu bèe ya.

Esai 49:2

Yeḛ ar tam adə to gə́ kiambas bèe ləm, Yeḛ o̰ dɔm gə jia ləm tɔ, Yeḛ telm gə́ ndo̰ ɓandaŋg gə́ adə njel-njel ləm, Yeḛ iyam kɔrɔg mee ku ɓandaŋg’g ləa ləm tɔ.

Esai 61:1

Ndil Mbaidɔmbaije gə́ Njesigənea̰ dəb dɔm’g, Mbata Njesigənea̰ wa dɔm gə ubu Mba kam m’ila mber tagə́maji m’ar njénékəmndooje, Yeḛ ulam mba kam m’aji deḛ gə́ ɓəŋgərə dee ti dus ləm, Gə mba kam m’ila mber ta kɔr ɓər dɔ deḛ gə́ d’wa dee ɓər ləma, Gə ta kɔm deḛ gə́ d’udu dee duu-loo’g lé tar ləm tɔ ,

Esai 9:7

Mbaidɔmbaije ula gə ta ar Jakob, Ta neelé oso dɔ ŋgaka Israɛlje’g.

Jeremi 33:15

Mee ndɔje’g neelé gə mee kàree’g neelé m’a kar barkəm Dabid gə́ to njemeekarabasur lé nduba rəa. Yeḛ a gaŋg rəwta gə dɔ najee ləm, a ra né gə goo rəbee ləm tɔ mee ɓee’g.

Jeremi 5:28

Deḛ d’ər ndɔl-ndɔl D’ar rɔ dee àr wəd-wəd Nɛ néra majel lə dee al dɔ loo sula. Deḛ d’isi dan nékiŋgaje’g bèdèg Nɛ d’ɔr kəmta lə ŋgonal el ləm, Deḛ d’ya̰ né gə́ wɔji dɔ njéndooje D’ar dee d’iŋga el ləm tɔ.

Ojee 6:5

Gelee gə́ nee ɓa Gə ta gə́ teḛ ta njéteggintaje’g lé M’a m’kunda dee ne ləm, Gə ta gə́ teḛ tam’g lé M’a m’tɔl dee ne ləm tɔ. Rəwta gaŋgje ləm d’a nduba rɔ dee to gə́ loo gə́ àr bèe.

Soponi 2:3

Seḭ njékula dɔ síje lai gə́ dɔ naŋg neelé Maji kar sí saŋgje Njesigənea̰, Seḭ lai gə́ raje né gə́ ndukunje ləa wɔji lé! Maji kar sí ndolèje goo meekarabasur ləm, Gə saŋgje loo kula dɔ sí ləm tɔ. Banelə Njesigənea̰ a kya̰ sí ndɔ oŋg’d ləa.

Matiyo 11:5

njékəmtɔje d’oo loo ləm, njémədje njaa ləm, njéba̰jije rɔ dee ɔr ɓə̰dərə-ɓə̰dərə ləm, njégwɔskuduje d’oo ta ləm, njé gə́ d’wəi d’unda loo teḛ ləma, njéndooje kara d’oo tagə́maji lé ta njékilamberje ləm tɔ.

Matiyo 5:5

Deḛ gə́ d’aw yururu lé rɔ dee lel dee, Mbata d’a kiŋga dɔ naŋg gə́ nékwanduba lə dee ya.

Néra Njékaḭkulaje 9:1

Nɛ Sool lé rɔ gə njékwakila lə Mbaidɔmbaije lé əmə tar biriri-biriri ndəji dee kɔr.

2 Njé gə́ Kɔrḭtə 10:1

Ma Pool lé ma m’ra ndòo rɔ sí’g gə goo kaw yururu gə meemaji lə Kristi lé, ma lé loo gə́ m’isi mbuna sí’g ndá m’əḭ kəm sí’g el nɛ loo gə́ m’isi ŋgərəŋ ndá m’tɔg sí pir.

Njé gə́ Galati 5:23

godndu lé a kɔs néje neelé rəw nda̰ bèe el.

2 Njé gə́ Tesalonikə 2:8

Ndəa neelé, yeḛ gə́ njekɔs Ala rəw lé a nduba rəa gə́ raga, nɛ lel ta Mbaidɔmbaije gə́ a tó dəa’g pu lé a tujee ne ləm, rɔnduba gə́ wɔji dɔ ndɔ ree ləa lé a guree naŋg rug-rug ləm tɔ.

Titə 3:2

D’a kɔs dɔ dəw gə́ ta el ləm, d’a saŋg rəw mba kɔm dəwje na̰’d ləm, d’a kaw yururu ləma, d’a kula dɔ dee no̰ dəwje’g lai ləm tɔ.

Maktub gə́ Jak ula ne ar ngan-Allaje 3:13

See na̰ ɓa mbuna sí’g to njekəmkàr ləm, gə njegosonégər ləm tɔ wa. Maji kar panjaa ləa gə tapea gə́ kul yururu lé ɔr gin kəmkàr ləa gə́ raga ya.

Loo gə́ killa rea kəm Ja̰’g 1:16

Kéréméje siri to jikɔlee’g. Kiambas gə́ ŋgaŋgee joo gə́ adə làm-làm teḛ təa’g. Kwɔjee ndɔḭ wər-wər asəna gə kàr gə́ ɔs kəḭ-kəḭ bèe.

Loo gə́ killa rea kəm Ja̰’g 19:11

Tɔɓəi ma m’oo kəm dara teḛ ndá aa ooje, kunda-dɔmal teḛ keneŋ. Yeḛ gə́ njekubá lé ria lə Ŋgonkoji ləm, gə Kankəmta ləm tɔ ndá rəwta gə́ yeḛ gaŋg ləm, gə rɔ gə́ yeḛ rɔ ləm tɔ lé to gə dɔ najee ya.

Loo gə́ killa rea kəm Ja̰’g 19:15

Kiambas gə́ adə làm-làm teḛ təa’g mba kunda ne ginkoji dəwje gə raŋg. Yeḛ a ko̰ dee gə kag-larndul ləm, yeḛ a mbula kandə nduú, yee ɓa to gə́ boo-oŋg lə Ala gə́ Bao-siŋgamoŋ ləm tɔ.

Loo gə́ killa rea kəm Ja̰’g 2:16

Bèe ndá wa ndòo rɔi dɔ kaiya’g ləi, ɓó lé bèe el ndá waga ɓa m’a kaw rɔi’g ndá m’a rɔ sə dee gə kiambas gə́ teḛ tam’g.