Esai 11:3 - Maktub gə́ To gə Kəmee

³ Rɔlel ɓəl Njesigənea̰ a taa mée pəl-pəl, Yeḛ a gaŋg rəwta gə goo maji lə dəw gə́ raga ba el ləm, Yeḛ a kɔr kəmta gə goo ta gə́ oso mbia’g ba el ləm tɔ.

Esai 11:3 ပူးပေါင်းရင်းမြစ်များ

2 Samel 14:17

Kura ləi gə́ dené pa pana: Maji kar tapa mbai ləm lé am loo-kwa-rɔm ya. Mbata mbai ləm tɔ asəna gə kura lə Ala gə́ dara bèe gə́ njegər loo kɔr kəm né gə́ maji gə né gə́ majel lé. Bèe ɓa maji kar Njesigənea̰, Ala ləi nai səi ya!

2 Samel 14:8

Mbai ula dené lé pana: Ɔd aw mee kəi’g ləi. M’a kun ndum kwɔji ne dɔi ɓəi.

1 Mbaije 3:28

Dəwje gə́ Israɛl lai, loo gə́ d’oo ta gə́ mbai gaŋg lé ndá deḛ ɓəl mbai lé mbata deḛ d’oo ne kəmkàr gə́ Ala aree gə mba gaŋg ne rəw-taje ya.

1 Mbaije 3:9

Bèe ndá maji kari ula gosonégər mee kura’g ləi gə mba karee gaŋg ne rəwta lə koso-dəwje ləi ləm, gə mba gər kɔr ne kəm né gə́ maji gə né gə́ majel ləm tɔ. Mbata see na̰ ɓa a kaskəm gaŋg rəwta lə koso-dəwje ləi gə́ to dəwje gə́ bula digi-digi neelé gə dɔrea wa.

Maktub gə́ wɔji dɔ Jɔb 12:11

See mbi dəw unda ta gə kəmee-kəmee To gə́ ndəa̰ naa ne lel lə nésɔje el wa.

Maktub gə́ wɔji dɔ Jɔb 34:3

Mbata mbi dəw unda taje gə lée-lée To gə́ ndəa̰ kara naa ne lel lə nésɔje togə́bè tɔ.

Gosota-Kəmkàrje 2:5

Yen ɓa i a gər loo ɓəl Njesigənea̰ ləm, Kəmi a kinja dɔ gər ndaa Ala’g lé ləm tɔ.

Gosota-Kəmkàrje 2:9

Bèe ɓa i a gər ne néra gə́ gə dɔ najee ləm Gə goo rəbee ləm, gə néra gə́ danasur ləma Gə goo rəw gə́ rara kara gə́ maji ləm tɔ.

Esai 33:6

Ndɔje lə sí lai lé Seḭ a síje ne gə́ majee, Kəmkàr gə gosonégər lé To gin si dan maji’g, Ɓəl Njesigənea̰ lé To nébao lə Sio̰.

Ejekel 45:8

Yee ɓa a to dɔ naŋg ləa, a to kea̰-yeḛ mee ɓee gə́ Israɛl, togə́bè ɓa mbaije lə neḛ gə́ njéɓeeje d’a kula kəm koso-dəwje lə neḛ ndòo el ŋga nɛ d’a kya̰ ɓee kar gel-bɔje lə Israɛl gə goo ginkoji lə dee lə dee.

Misee 4:3

Yeḛ a to njegaŋ-rəwta dɔ ginkoji dəwje gə raŋg’g ləm, Yeḛ a to nje gaŋg-rəwta mbuna ginkoji dəwje gə raŋg’d Gə́ to njésiŋgamoŋje gə́ d’isi əw ləm tɔ. Kiambasje lə dee lé ɓa d’a tel kila gə́ kwɔs-paŋgmje ləm, Niŋga-ndəije lə dee ɓa d’a tel ra gə́ marmje ləm tɔ. Ginkoji dəwje gə́ gel kára d’a kun kiambas Rɔ ne gə ginkoji gə́ raŋg el ŋga ləm, D’a ndoo loo-rɔ gə na̰ el ŋga ləm tɔ.

Lugu 2:52

Jeju lé ra tɔg ar kəmee àr raŋg raŋg ləm, ra tɔg gə́ darɔ’g ləma, yeḛ taa kəm Ala gə kəm dəwje ləm tɔ.

Tagə́maji gə́ Ja̰ ndang 2:25

Yeḛ aw ndòo njekɔrgoota lə dəw kára kara el, mbata yeḛ nja gər né gə́ to meḛ dəwje’g gao.

Tagə́maji gə́ Ja̰ ndang 7:24

Né gə́ ooje puduru ba lé maji kar sí gaŋgje rəwta dɔ’g el nɛ gaŋgje rəwta gə dɔ najee ɓa.

Ǝbrəje 5:14

Muru lé wɔji dɔ njé gə́ tɔg gə́ takə̰ji lə dee inja pao gə́ d’askəm kɔr kəmta gə́ wɔji dɔ né gə́ maji gə né gə́ majel lé.

1 Samel 16:7

Nɛ Njesigənea̰ ula Samel pana: Maji kari oo rəa gə́ raga el ləm, əsé kagrea gə́ ŋgal el ləm tɔ mbata ma mbəree el. Mbata Njesigənea̰ lé oo né to gə́ dəw oo né bèe el. Dəw lé né gə́ oo gə kəmee ɓa yeḛ oo gə́ né, nɛ Njesigənea̰ lé mee dəw ɓa yeḛ oo ya.