Esai 11:12 - Maktub gə́ To gə Kəmee

¹² Yeḛ a kun nétɔji gə́ tar kar ginkoji dəwje gə raŋg neelé d’oo To gə́ yeḛ a gə mbo̰ Israɛlje gə́ d’wa dee gə́ ɓər lé ləm, Yeḛ a mbo̰ Judaje gə́ sanéna̰ ləm tɔ Kar dee d’ḭ dɔ kum naŋg gə́ sɔ lé tel ree.

Esai 11:12 ပူးပေါင်းရင်းမြစ်များ

Pakɔsje 107:3

Deḛ gə́ yeḛ ḭ sə dee mee ɓeeje lai Gə́ to par gə́ bər gə dɔ-gó ləm, Gə par gə́ dɔgel gə par gə́ loo gə́ baa-boo-kad to keneŋ ləm tɔ lé Maji kar dee pa togə́bè ya.

Pakɔsje 147:2

Njesigənea̰ lé tel gɔl Jerusalem aree to lée’g gogo ləm, Israɛlje gə́ sané kad-kad lé Yeḛ tel mbo̰ dee dɔ na̰’d keneŋ ya ləm tɔ.

Pakɔsje 60:4

I nja ar naŋg yə ləm, I riba naŋg neelé dana ŋgərərə-ŋgərərə ləm tɔ, Maji kari tel gɔl kəmeeje gə́ ta̰ lé Mbata yee aw déréré-dèrèrè.

Pakɔsje 68:22

Tɔgərɔ ya, Ala a tɔ ka dɔ njéba̰je ləa lé, Yeḛ a tɔ daŋg dɔ dee gə́ d’isi dan kaiya’g.

Esai 11:10

Mee ndəa’g neelé barkəmrɔ Isai A kaar keneŋ asəna gə nétɔji mbata lə koso-dəwje, Ginkoji dəwje gə raŋg d’a tel kəm dee gə́ rəa’g Ndá rɔnduba ɓa a taa loo-siée pəl-pəl ya.

Esai 18:3

Seḭ dəwje lai gə́ dɔ naŋg nee Gə́ síje dɔ naŋg nee lé Ooje nétɔji gə́ d’unda tar dɔ mbalje’g, Ooje ndu to̰to̰ gə́ ɓar lé.

Esai 24:16

Jeḛ j’ooje ndu pa gwɔi naŋg’d pana: Rɔnduba nai gə njera né gə́ gə dɔ najee! Nɛ ma ndá m’pana: Siŋgam godo, siŋgam godo! Meeko̰ oso dɔm’g ya! Njékun dɔ looje ra né Gə goo kun dɔ loo lə dee ləm, D’aar njaŋg dɔ kun dɔ loo’g lə dee ləm tɔ.

Esai 27:13

Mee ndəa’g neelé d’a kim to̰to̰ gə́ boo, Bèe ɓa deḛ gə́ d’wa dee gə́ ɓər d’aw sə dee Asiri lé D’a tel ree ɓée ləm, Deḛ gə́ d’aḭ d’aw ɓee gə́ Ejiptə kara D’a tel ree ləm tɔ, Ndá deḛ d’a kunda barmba no̰ Njesigənea̰’g Dɔ mbal gə́ to gə kəmee gə́ to Jerusalem.

Esai 43:6

M’a kula loo gə́ par gə́ dɔgel lé pana: Am dee! M’a kula loo gə́ par gə́ dɔkɔl lé pana: Ɔgm dee el! Arje ŋganəmje gə́ diŋgam d’ḭ ɓee gə́ əw ree ləm, Arje ŋganəmje gə́ dené kara d’ḭ gwɔi naŋg’d ree ləm tɔ.

Esai 49:22

Mbaidɔmbaije gə́ Njesigənea̰ pa togə́bè pana: Aa ooje, m’a kun jim gə́ rɔ ginkoji dəwje gə raŋg’g Ndá m’a kunda nétɔji ləm gə́ rɔ koso-dəwje’g tɔ, D’a kodo ŋgan síje gə́ diŋgam gə kag ji dee ləm, D’a kodo njé gə́ dené dɔ tam dee’g ləm tɔ Tel ree sə dee ya.

Esai 49:5

Njesigənea̰ pana: Neḛ nja n’gɔlm gə́ kura lə neḛ Un kudee ndɔ kojim’g Gə mba kam m’tel gə njé’g lə Jakob Gə́ to Israɛlje gə́ sanéna̰ lé gə́ rəa’g, Mbata d’ila riɓar dɔm’g kəm Njesigənea̰’g ləm, Ala ləm tɔ siŋgam ləm tɔ.

Esai 54:7

Ma m’uba sí m’ya̰ sí, waga ba ya Nɛ gə goo boo-meenoji ləm lé M’a tel kwa sí gə́ rɔm’g.

Esai 56:8

Mbaidɔmbaije gə́ Njesigənea̰ gə́ mbo̰ Israɛlje Gə́ sanéna̰ lé pa pana: M’a gə mbo̰ dəwje gə́ raŋg rəa’g, Rɔ njé’g ləa gə́ mbo̰ dɔ na̰ mba̰ lé.

Esai 59:19

Un kudee dɔ-gó lé D’a ɓəl ri Njesigənea̰ keneŋ ləm, Un kudee loo gə́ kàr uba’g lé D’a ɓəl rɔnduba ləa keneŋ ləm tɔ. Loo gə́ njeba̰ lé a ree to gə́ mán baa bèe Ndá Ndil Njesigənea̰ a rəa karee aḭ.

Esai 60:4

Un kəmi aa ne looje gə́ gugu dɔi sub oo, Deḛ lai mbo̰ na̰ ree gə́ rɔi’g, Ŋganije gə́ diŋgam d’ḭ loo gə́ əw’g ree ləm, Ŋganije gə́ dené kara d’odo dee kag ji dee’g ləm tɔ.

Esai 62:10

Teḛje, teḛje tarəwkɔgje’d gə́ raga ləm, Gɔlje rəw mbata koso-dəwje ləm ləm, Wɔije, wɔije rəw, tɔrje kɔr mbalje ləma, Unje nétɔji lə sí gə́ tar gə́ rɔ koso-dəwje’g ləm tɔ!

Esai 66:19

m’a kar nétɔji to mbuna dee’g ndá m’a kula njé’g lə dee gə́ nai lé rɔ ginkoji dəwje gə raŋg’g: deḛ gə́ to njérɔ-ɓandaŋgje lé d’a kaw Tarsis, gə Pul, gə Lud ləm, deḛ gə́ ta ləm oso mbi dee’g el saar ar dee d’oo rɔnduba ləm el ləm tɔ lé ndá d’a kaw Tubal, gə Jaban gə dɔgoré-looje gə́ to əw ləm tɔ, d’a kila mber rɔnduba ləm mbuna ginkoji dəwje gə raŋg’g.

Jeremi 23:3

M’a mbo̰ ges badje ləm dɔ na̰’d mee ɓeeje lai gə́ m’unda dee m’ɔm dee keneŋ lé ndá m’a tel ree sə dee loo-ko̰-mu’g lə dee gogo. Deḛ d’a koji na̰ bula digi-digi.

Jeremi 30:17

Nɛ Njesigənea̰ pana: M’a kajii ləm, M’a tɔ ta dooje ləi ləm tɔ. Mbata deḛ lé d’unda rii lə Dəw gə́ d’ɔsee rəw ləm, Gə Sio̰ nee gə́ dəw kára kara Ǝ̰ji dəa’g el ləm tɔ.

Jeremi 50:4

Njesigənea̰ pana: Mee ndəaje’g nee gə mee kàree’g nee lé Israɛlje gə Judaje d’a tel ree na̰’d, D’a njaa gə mán-no̰ kəm dee’g ləm, D’a saŋg Njesigənea̰, Ala lə dee ləm tɔ.

Jeremi 51:12

Undaje nétɔji lə sí Wɔjije ne dɔ ndògo-bɔrɔ Gə́ Babilɔn njoroŋ. Ŋgəmje loo pèrèrè ləm, Undaje njéŋgəmlooje keneŋ ləma, Gɔlje loo-kumje ləm tɔ. Mbata né gə́ Njesigənea̰ wɔji njaŋg Gə mba ra lé ndá, Yeḛ aree aw lée’g béréré mba̰. To né gə́ yeḛ pa wɔji ne dɔ Deḛ gə́ d’isi Babilɔn lé.

Ejekel 28:25

Mbaidɔmbaije gə́ Njesigənea̰ pa togə́bè pana: Loo gə́ n’a kḭ gə gel-bɔje lə Israɛl mbuna koso-dəwje gə́ neḛ n’sané dee keneŋ lé mbo̰ dee dɔ na̰’d ndá n’a riba dɔ meenda lə neḛ kar ginkoji dəwje gə raŋg d’oo, tɔɓəi d’a si mee ɓee’g lə dee gə́ neḛ n’ar kura lə neḛ Jakob lé.

Ojee 2:2

Yen ŋga Judaje gə Israɛlje lé D’a tel mbo̰ dɔ na̰ kɔr dəw kára kundá gə́ mbai dɔ dee’g Ndá d’a kunda loo mee ɓee’g neelé teḛ: Mbata ndɔ lə Jisreel a to ndɔ gə́ boo.

Soponi 3:10

Njékwa neḛ meḛ dee’gje Gə́ to koso-dəwje lə neḛ gə́ sanéna̰ lé D’a kḭ kel tura-baa gə́ Etiopi’g nu lé Ree gə nékarje kar neḛ.

Jakari 10:6

N’a kar siŋga Judaje ḭ dɔ maree’d gə́ kédé-kédé ləm, N’a taa dɔ njé’g lə Jisəb ləm tɔ, N’a tel ree sə dee Mbata mee neḛ aw taḭ-taḭ mbata lə dee, Ndá d’a to kasəna gə dəwje gə́ n’uba dee n’ya̰ dee kédé el lé bèe, Mbata neḛ n’to Njesigənea̰, Ala lə dee Ndá n’a koo ta lə dee ya.

Jakari 8:7

Njesigənea̰ gə́ njeboo-néje lé pa togə́bè pana: Aa ooje, neḛ n’ɔr koso-dəwje lə neḛ mee ɓee’g par gə́ bər ləm, Gə loo gə́ kàr ur naŋg keneŋ ləm tɔ n’aji dee.

Tagə́maji gə́ Ja̰ ndang 7:35

Yen ŋga Jibje d’ula na̰ ta pana: See yeḛ a gə kaw gə́ ra ɓa j’a kiŋgá el wa. See yeḛ a kɔd kaw rɔ deḛ gə́ sanéna̰ d’isi mbuna Grekje’g ɓó gə ndoo dee-deḛ ŋga ɓa ta wa.

Tel tura Godndu 32:26

M’a m’ula m’pana: M’a gə sané dee gə lel tam ləm, M’a gə kar ri dee udu Mbuna dəwje’g ləm tɔ!

Maktub gə́ Jak ula ne ar ngan-Allaje 1:1

Ma Jak, kura lə Ala ləm, gə ka̰ Mbaidɔmbaije Jeju Kristi ləm tɔ, m’ula gə maktub nee m’ar gin ɓeeje lə Israɛl dɔg-gir-dee-joo gə́ sanéna̰. M’ra sí lapia!

Loo gə́ killa rea kəm Ja̰’g 5:9

Deḛ d’ɔs pa gə́ sigi pana: I nja askəm taa maktub gə mba tɔr nérḛdə təa mbata deḛ d’ḭjai gə́ məs, i uga ne dəwje gə məsi ar Ala ɔr dee ne gə gelɓee dəwje-dəwje ləm, gə dəwje gə́ tapa dee gə ria-ria ləma, gə ginkoji dəwje gə raŋg ləm tɔ.

Loo gə́ killa rea kəm Ja̰’g 7:1

Gée gə́ gogo, m’oo kuraje lə Ala gə́ dara sɔ gə́ d’aar tar dɔ kum naŋg gə́ sɔ’g lé d’wa lel gə́ tel kəmee ula ɓəd-ɓəd loo-sɔ dɔ naŋg nee gə mba karee ula dɔ naŋg nee el ləm, əsé gə dɔ baa-boo-kad’g el ləma, əsé gə dɔ kagje gə́ rara kara el ləm tɔ.