Esai 10:7 - Maktub gə́ To gə Kəmee

⁷ Nɛ deḛ d’wɔji meḛ dee’g togə́bè el ləm, Yee gə́ bèe ɓa gə́ takə̰ji lə dee el ləm tɔ, Deḛ d’wɔji meḛ dee’g mba tuji loo ləm, Gə mba kar ginkoji dəwje gə raŋg gə́ bula lé D’udu guduru ləm tɔ.

Esai 10:7 ပူးပေါင်းရင်းမြစ်များ

Gḭ-Néje 50:20

Seḭ lé seḭ wɔjije-kwɔji raje səm majel. Nɛ Ala telee gə́ né gə́ maji mba karee to gin kaji lə dəwje bula to gə́ seḭ síje ne ɓogənè ya.

Esai 10:8

Mbata deḛ pana: See ɓé-njérɔje lə neḛje lé D’as gə mbaije el wa.

Esai 23:13

Aaje loo ooje njéɓeeje gə́ Kalde, Deḛ gə́ to koso-dəwje kédé el lé Deḛ to dəwje gə́ d’isi dɔdilaloo’g Ɓa njé gə́ Asiri tum ne gin ɓee d’ar dee, Deḛ d’unda kəije gə́ duu dɔ loo keneŋ ləm, Deḛ təd kəi-mbaije gə́ Tir ləma, Deḛ tuji dee pugudu-pugudu ləm tɔ.

Esai 37:19

d’ɔm magəje lə dee dan pər’g ya ləm tɔ, nɛ dee to Ala el, to néje gə́ ji dəwje ɓa ra dee gə kag əsé mbal, yee ɓa deḛ tuji dee ne ya.

Ejekel 29:20

Neḛ n’aree ɓee gə́ Ejiptə gə́ nékoga-dɔ-jia mbata rɔ gə́ yeḛ rɔ gə ɓee gə́ Tir, mbata deḛ ra kula d’am-ma. Mbaidɔmbaije gə́ Njesigənea̰ ɓa pa bèe.

Loo gə́ killa rea kəm Daniel’g 11:12

Koso-njérɔje neelé d’a ti rɔ dee ndá mbai lé a kəsta ti ne rəa tɔ. Yeḛ a kar koso-dəwje gə́ dum tura lé d’wəi ne ya nɛ yeḛ a kun baŋga el.

Nahum 1:11

Yeḛ gə́ la̰ji tor né gə́ majel Mba kɔs ne Njesigənea̰ rəw ləm, Yeḛ gə́ wɔji némeeyèrje mée’g gə mba ra ləm tɔ lé Ḭ rɔi’g ya.

Néra Njékaḭkulaje 2:23

Dəw neelé seḭ uláje ji njémeeyèrje’g, ɗareeje ne kaar kag’d, gə goo rəw gə́ Ala nja wɔji mée’g kédé gə́ dɔtar.

Néra Njékaḭkulaje 2:24

Nɛ Ala nja aree unda loo teḛ dan njé gə́ d’wəi’g, aree ti kúla lə yoo rəa’g mbata yoo lé askəm kwá ga̰-ga̰ gə dɔrea el.