Esai 10:4 - Maktub gə́ To gə Kəmee

⁴ Njé gə́ na̰je d’a kwa koŋgoŋ Mbuna ɓərje’g ləm, Njé gə́ raŋg d’a toso naŋg Mbuna njé gə́ d’wəi’g ləm tɔ. Nɛ lé bèe kara oŋg ləa wəi bèm el ləm, Jia wɔi dɔ dee’g ndiŋ-ndiŋ ya ɓəi ləm tɔ.

Esai 10:4 ပူးပေါင်းရင်းမြစ်များ

Esai 22:2

Ɓee-boo kunda bula ləm, Dəwje d’aw dɔ na̰’d gə́ wur-wur ləma, To loo-rɔlel ləm tɔ! Dəwje ləi gə́ d’wəi lé D’a kwəi yoo-kiambas el ləm, D’a kwəi yoo-rɔ el ləm tɔ.

Esai 24:22

D’a mbo̰ dee dɔ na̰’d to gə́ daŋgaije gə́ d’wa dee d’ɔm dee kəi-daŋgai’g bèe ləm, d’a kudu dee mee bwa gə́ ɔr duu’g ləm tɔ, ndá loo gə́ ndɔ bula dəs ndá bo̰ néra dee a kɔs ta dee’g ya.

Esai 34:3

D’odo yoo dee d’ɔm dɔ na̰’d rib-rib ləm, Nin dee ə̰də mbo̰ ləma, Məs dee kara ula dɔ mbal’g ləm tɔ.

Esai 5:25

Gelee gə́ nee ɓa oŋg lə Njesigənea̰ ḭ ne səa pu dɔ dəwje’g ləa Ndá yeḛ ula jia ndiŋ gə́ dɔ dee’g unda dee ne, Mbalje yə ləm, Nin dee to naŋg rib-rib dan rəwje’g ləm tɔ. Lé bèe kara oŋg ləa wəi bèm el Ndá jia wɔi dɔ dee’g ndiŋ-ndiŋ ɓəi.

Esai 66:16

Pər ɓa Njesigənea̰ gaŋg ne rəw-taje ləa ləm, Kiambas ləa ɓa yeḛ ar bo̰ néra dəwje ɔs ne ta dee’g ləm tɔ. Deḛ gə́ Njesigənea̰ a tɔl dee lé D’a bula digi-digi.

Esai 9:11

Deḛ Aramje gə́ par gə́ bər ləm, Gə Pilistije gə́ par gə́ dɔ-gó ləm tɔ, D’a teḛ ta dee hagaga Gaŋ ne Israɛlje mbidi-mbidi. Nɛ lé bèe kara oŋg ləa wəi bèm el ləm, Jia wɔi dɔ dee’g ndiŋ-ndiŋ ɓəi ləm tɔ.

Esai 9:12

Nɛ Koso-dəwje neelé Tel ree rɔ yeḛ gə́ unda dee’g lé el ləm, Deḛ tel ndolè goo Njesigənea̰ Gə́ to Ala gə́ njeboo-néje lé el ləm tɔ.

Esai 9:16

Gelee gə́ nee ɓa Mbaidɔmbaije a koo loo kal ne rəa rɔ basaje’g lə dee el ləm, Yeḛ a koo ne kəmtondoo lə ŋganalje gə njékəisiŋgaje lə dee el ləm tɔ, Mbata deḛ lai to njéhulaije ləm, Gə njémeeyèrje ləm tɔ, Ta dəwje lai pata nérɔkulje. Nɛ lé bèe kara oŋg ləa wəi ne bèm el ləm, Jia wɔi dɔ dee’g ndiŋ-ndiŋ ɓəi ləm tɔ.

Esai 9:17

Mbata némeeyèrje lé o̰ loo to gə́ pər Gə́ roo kun-pɔrɔrɔje gə kunje bèe, Yee taa mee kag-kɔr gə́ ndər lé Ar sa pər uba keneŋ ŋgɔg-ŋgɔg.

Esai 9:20

Manasə d’oma̰ gə Eprayimje ləm, Eprayimje d’oma̰ gə Manasə ləm tɔ, Tɔɓəi deḛ joo bɔr d’oma̰ gə Judaje. Nɛ lé bèe kara oŋg ləa wəi bèm el ləm, Jia wɔi dɔ dee’g ndiŋ ya ɓəi ləm tɔ.

Jeremi 15:2

Ɓó lé deḛ dəjim pana: See j’a kawje ra wa, Ndá m’a kila dee keneŋ pana: Njesigənea̰ pa togə́bè pana: Deḛ gə́ yoo-koso ɓa wɔji dɔ dee Ndá d’a kwəi yoo yoo-koso ya ləm, Deḛ gə́ kiambas ɓa wɔji dɔ dee Ndá d’a tɔl dee gə kiambas ya ləm, Deḛ gə́ yoo ɓoo-boo ɓa wɔji dɔ dee Ndá d’a kwəi yoo ɓoo-boo ya ləma, Deḛ gə́ ɓər ɓa wɔji dɔ dee Ndá d’a kwa dee ɓər ya ləm tɔ.

Jeremi 37:10

Lée seḭ dumje dɔ njérɔje gə́ Kalde gə́ d’aw rɔ sə sí lé lai arje dəwje gə́ d’iŋga doo ya ɓa nai kara deḛ lai lé nana kara a kunda loo mee kəi-surum’g ləa teḛ roo ɓee-boo neelé dula-dula ya.

Jeremi 4:8

Gelee gə́ nee ɓa maji kar sí ulaje kubu-kwa-ndòo rɔ sí’g No̰je ne ləm, gə tuma̰je ne ŋgururu-ŋgururu ləm tɔ, Mbata oŋg lə Njesigənea̰ gə́ to asəna gə pər bèe lé a lal sí el.

Ojee 9:12

Ɓó lé d’odo ŋgan deeje kara M’a taa dee ji dee’g kédé ɓó d’a tɔg el, Meeko̰ a koso dɔ dee’g loo gə́ m’a kuba dee kya̰ dee lé.

Ləbije 26:17

M’a tel girm kar sí ndá njéba̰je lə sí d’a dum dɔ sí, deḛ gə́ d’wa sí gə meḛ dee d’a ko̰ɓee dɔ sí’g ləm, lé tuba sí el kara seḭ a kaḭje gə́ kaḭ ləm tɔ.

Tel tura Godndu 32:30

Ɓó lé yeḛ gə́ to mbal lə dee Uba dee ya̰ dee el ləm, Ɓó lé Njesigənea̰ ya̰ dee ji dee’g el ləm tɔ ndá, See dəw kára ba a tuba goo dəwje gə́ tɔl-dɔg (1.000) to gə́ ban wa, Esé see dəwje joo ba d’a kar dəwje gə́ tɔl-dɔg-loo-dɔg (10.000) d’aḭ to gə́ ban wa.