Esai 10:3 - Maktub gə́ To gə Kəmee

³ See ɗi ɓa seḭ a raje gə rɔ sí Ndɔ gə́ bo̰ néra sí a kɔs ta sí’g Kar tuji gə́ a kḭ əw ree dɔ sí’g lé wa. See a kḭje kawje ra ɓa Gə mba kiŋga njela sə sí wa. See loo gə́ ra ɓa seḭ a kaw kɔmje nékiŋgaje lə sí keneŋ wa.

Esai 10:3 ပူးပေါင်းရင်းမြစ်များ

Gḭ-Néje 31:1

Jakob oo ta lə ŋgalə Laba̰ gə́ diŋgam gə́ pa pana: Jakob lé odo néje lai gə́ to ka̰ bɔ síje. Mbɔl dɔ némajije lə bɔ síje ɓa yeḛ iŋga ne nébaoje yaa̰ togə́bè.

2 Mbaije 7:15

Deḛ d’un dɔ gɔl dee saar teḛ baa gə́ Jurdɛ̰ ndá aa ooje, dan rəwje lai neelé kubuje gə́ njé gə́ Siri d’ula d’ɔm naŋg loo gə́ deḛ buŋga na̰ d’aḭ lé taa loo keneŋ pəl-pəl. Njékulaje lé tel ree d’ula mbai sorta néje neelé tɔ.

Maktub gə́ wɔji dɔ Jɔb 31:14

See ɗi ɓa m’a ra loo gə́ Ala a kḭ tar lé wa. Esé loo gə́ yeḛ a ree saŋg gelee lé see ta ɗi ɓa m’a kilá’g wa.

Gosota-Kəmkàrje 11:4

Ndɔ meekḭ jugugu lé Nébao a tel to né gə́ kari ba, Nɛ néra gə́ gə dɔ najee ɓa Ɔr dəw ta yoo’g.

Esai 13:6

Maji kar sí no̰je, siije mbigi-mbigi Mbata ndɔ lə Njesigənea̰ si aw gə́ nee dəb, Yeḛ ree asəna gə nétuji Gə́ ḭ rɔ Bao-siŋgamoŋ’d bèe.

Esai 17:4

Mee ndəa’g neelé rɔnduba lə Jakob a tel keḭ el ləm, Dakasrea gə́ ər ndɔl-ndɔl lé a tel kəŋ kəŋ-kəŋ ləm tɔ.

Esai 20:6

Mee ndəa’g neelé deḛ gə́ d’isi kelee gə́ neelé d’a pa pana: Aa ooje né gə́ teḛ dɔ né gə́ j’unda meḛ sí yel dəa’g ləm, j’ɔm meḛ sí dəa’g mba karee aji sí taa sí ji mbai gə́ Asiri’g ləm tɔ lé ɓa nee. Ŋga see j’a kaḭ kaw ra ɓa mba kaji rɔ sí wa.

Esai 26:14

Deḛ gə́ d’wəi lé D’a tel si kəmba gogo el ləm, Ndil deḛ gə́ d’wəi lé D’a kḭ tar el ləm tɔ, Mbata i ar bo̰ néra dee ɔs ta dee’g ləm, I tuji dee pugudu ləma, I tuji nékolé-mee dɔ’g lə deḛ lai ləm tɔ.

Esai 26:21

Mbata aa ooje, Njesigənea̰ ḭ loo-siée’g unda loo teḛ Mba gaŋgta dɔ dəwje gə́ dɔ naŋg nee Gə́ to njéra né kori-korije. Bèe ɓa naŋg a kinja gə məs gə́ ɔm dəa’g gə́ raga Ɓó yee a lɔm dɔ deḛ gə́ tɔl dee lé el ŋga.

Esai 28:20

Tira a gwɔji ɗugusu ba as ndɔji rɔ keneŋ el ləm, Pal-kubu kila dɔ’g kara a pèrèrè ba as kə́ ne rɔ el ləm tɔ.

Esai 29:6

Ndá Njesigənea̰ gə́ njeboo-néje a ree rɔi’g Gə ndije gə́ ndaŋg ləm, Gə́ naŋg gə́ yə ɓugu-ɓugu ləm, Gə kaa né gə́ ɓar gə́ to ɓəl kədm-kədm ləm, Gə ko̰ ndi gə lel-boo ləma, Gə ndo̰ pər gə́ roo loo dula-dula ləm tɔ.

Esai 30:16

Seḭ pajena: Wah! j’a kaḭ gə kundaje ɓa! Gelee gə́ nee ɓa seḭ a kaḭje ne ya Nɛ a kaḭje ne gə́ kaḭ ɓa. Seḭ pajena: J’a kaḭ gə kunda ŋgwɔdje! Nɛ deḛ gə́ njékɔrə síje kara Rɔ dee a kwɔilɔ pélé-pélé kunda sí!

Esai 30:5

Deḛ lai rɔ dee a gaḭ gəs mbata lə ginkoji dəwje Gə́ d’askəm ra né kára kara mbata lə dee el ləm, D’askəm taa dɔ dee el ləma, D’askəm la sə dee el ləm tɔ, Nɛ d’a to gin rɔkul gə kəm sɔḭ mbata lə dee ɓa.

Esai 30:7

Mbata né gə́ Ejiptə a la ne sə dee lé To nébeelé gə́ kari ba, Gelee gə́ nee ɓa ma m’unda ri Ejiptə lé Le Rahab gə́ njera né kára kara el.

Esai 33:14

Njékaiyaje lé deḛ ɓəl mee ɓee gə́ Sio̰’g, Njéra né kori-korije lé d’unda bala tigi-tigi. See na̰ ɓa mbuna sí’g askəm si mbɔr pər gə́ roo loo’g wa. Esé na̰ ɓa mbuna sí’g askəm si mbɔr ndo̰ pərje gə́ to saar-saar gə no̰ lé wa.

Esai 39:3

Gée’g gogo Esai, njetegginta ree rɔ mbai Ejekias’g dəjee pana: See ta ɗi ɓa dəwje nee ree d’ulai wa. See deḛ d’ḭ ra ɓa ree rɔi’g wa. Ejekias tel ilá keneŋ pana: Deḛ d’ḭ ɓee gə́ əw gə́ Babilɔn.

Esai 5:14

Gelee gə́ nee ɓa ɓee lə yoo lé təa to tag ləm, Ta bwa dɔɓar to tag hagaga ləm tɔ. Bèe ɓa boo-némajije gə nébaoje lə Sio̰ lé ndɔm na̰ keneŋ ləm, Boo-dəwje lə dee gə́ ndu dee ɓar yi-i-i gə rɔlel lé ndɔm na̰ keneŋ ləm tɔ.

Esai 5:26

Yeḛ un nétɔji gə́ tar Ɓar ne ginkoji dəwje gə raŋg gə́ d’isi əw ləm, Yeḛ ɓar ginkoji dəwje gə́ kára Gə kól gwɔi naŋg ləm tɔ Ndá aa ooje, deḛ d’ɔs rɔ dee ɓad gə rɔkwɔilɔ ree.

Jeremi 22:7

Neḛ n’wa dɔ gɔl njétujilooje Gə mba kar dee d’oma̰ səi, Nana kara aw gə nérɔje ləa jia’g-jia’g, Deḛ d’a tuga kag-sɛdrəje ləi Gə́ maji yaa̰ kɔm dee pər’d.

Jeremi 4:30

Nɛ seḭje gə́ Jerusalem lé See ɗi ɓa a raje wa. Seḭ a kulaje kubu gə́ kas njir-njir rɔ sí’g ləm, Seḭ a ɗɔije rɔ sí gə néɗɔi-rɔje Gə́ ra gə larlɔr ləma, Seḭ a ndəmje pɔrɔ kəm sí’g ləm tɔ. Nɛ seḭ a ɗɔije rɔ sí pi. Deḛ gə́ njéndigi síje lé D’a kḛji sí bəḭ-bəḭ ləm, D’a ndigi kar sí wəije ləm tɔ.

Jeremi 5:31

Njéteggintaje tegginta gə́ ŋgɔm ləm, Njékinjanéməsje d’o̰ dəwje D’ar dee d’oso ne gel dee’g ləm tɔ. Rɔ dəwje ləm lel dee dɔ néje’g neelé. Ndɔ gə́ rudu lé See ɗi ɓa seḭ a raje gə rɔ sí wa.

Jeremi 9:9

Ma m’ndigi no̰ ndòo Tuma̰ ŋgururu-ŋgururu dɔ mbalje gə́ tar ləm, M’a kun pa no̰ ndòo ndag-loo gə́ to dɔdilaloo’g lé ləm tɔ, Mbata pər roo loo ləm, Dəw kára kara dəs keneŋ el ləma, D’oo ndu no̰ lə nékulje keneŋ el ləm tɔ, Yelje gə́ pə̰ dara’g, gə daje lai d’aḭ sané na̰ kad-kad.

Ojee 5:13

Eprayimje d’oo rɔko̰ gə́ ra dee ləm, Judaje kara d’oo to gə́ dooje to rɔ dee’g ləm tɔ, Ndá Eprayimje d’ula kula Asiri Rɔ mbai Jareb’g mba karee ree la sə dee, Nɛ mbai neelé a kaskəm kɔr rɔko̰ lə sí el ləm, A kaskəm kar ta doo lə sí ər kəmsə el ləm tɔ.

Ojee 9:5

See ɗi ɓa seḭ a raje mee ndɔje gə́ boo gə́ to gə kəmee Gə ndɔ ra naḭje lə Njesigənea̰ lé wa.

Ojee 9:7

Ndɔje gə́ ka̰ kar bo̰ néra dee ɔs ta dee’g lé Teḛ mba̰ ləm, Ndɔje gə́ ka̰ kuga dɔ ji dee lé Teḛ mba̰ ləm tɔ. Israɛlje d’a koo kea̰ gao ya! Néra kori-korije lə sí gə kaltaje lə sí gə́ al dɔ loo sula lé ɓa Ar sí ooje ne njetegginta gə́ mbə-dəw ləm, Dəw gə́ ndil Ala dəb dəa’g lé Seḭ éeje ne gə́ dəw gə́ dəa tel wagəsa ləm tɔ.

Amɔs 5:19

Seḭ a toje asəna gə dəw gə́ aḭ no̰ toboḭ’g bèe Ndá da-urs ɓa iŋgá, Esé yeḛ andə mee kəi’g ləa Ndá ila jia kaar bɔrɔ’g ar li tea̰ lé tɔ.

Misee 7:4

Dəw gə́ maji ur dɔ dee’g mbuna dee’g lé To asəna gə kun pɔrɔrɔ bèe ləm, Dəw gə́ danasur ur dɔ dee’g lé Majel ur dɔ kun’g ləm tɔ. Ndɔ gə́ bo̰ néra sí a kɔs ta sí’g Gə́ njéteggintaje lə sí d’ila mberee lé nai dəb ba ŋga. Yee gə́ bèe ɓa seḭ lai meḛ sí to ne kəgəgə mba̰.

Soponi 1:18

Larnda lə dee əsé larlɔr lə dee kara D’a kaskəm taa ne dɔ rɔ dee mee ndɔ oŋg-boo’g lə Njesigənea̰ lé el, Pər boo-oŋg ləa a roo ɓeeje lai dula-dula, Mbata yeḛ a tuji dəwje lai Gə́ d’isi mee ɓee’g neelé pugudu-pugudu gə́ léegəneeya.

Lugu 19:44

D’a kya̰ mbal kára dɔ maree’g gə mba kari el mbata ree gə́ deḛ ree d’ooi ndəa gən lé i gər dee keneŋ el lé.

Tel tura Godndu 28:49

Njesigənea̰ a kar ginkoji dəwje gə́ d’isi gwɔi naŋg’d əw ya d’ḭ ree rɔ sə sí, to ginkoji dəwje gə́ d’a ree kalaŋ to gə́ niŋgatə̰də gə́ nar bèe, to ginkoji dəwje gə́ seḭ a gərje ta lə dee el ləm,

1 Piɛrə 2:12

Njaaje gə́ majee dan njépole-magəje’g mba kar deḛ gə́ d’oo sí gə́ njéra majelje d’im sí ne lé ndá d’a koo néra maji lə sí ɓa d’a kula ne rɔnduba dɔ Ala’g mee ndəa gə́ yeḛ a teḛ dɔ sí’g ɓəi.