Esai 10:29 - Maktub gə́ To gə Kəmee

²⁹ Deḛ dəs mbuna looje’g Ndá to Geba tɔ, Njé gə́ Rama ndəb pəd-pəd ləm, Njé gə́ Gibea gə́ wɔji dɔ Sawul lé buŋga na̰ d’aḭ ləm tɔ.

Esai 10:29 ပူးပေါင်းရင်းမြစ်များ

1 Mbaije 15:23

Ges sor-néraje lai gə́ Asa ra ləm, gə siŋgamoŋje gə néje lai gə́ yeḛ ra ləma, gə ɓee-booje lai gə́ yeḛ unda dee ləm tɔ lé see deḛ ndaŋg taree mee Maktub-sorta néraje’g lə mbaije gə́ Juda el wa. Lée togə́bè kara ləb ɓuga’g ləa lé rɔko̰ ra gɔleeje tɔ.

Jeremi 31:15

Njesigənea̰ pa togə́bè pana: Ndu no̰ gə kii ɓar gèr-gèr Mee ɓee gə́ Rama, Deḛ no̰ gə mán-no̰ kəm dee’g Sii ne mbigi-mbigi, Rasel no̰ no̰ ŋganeeje. Yeḛ ndigi kar dee gɔlee el, Mbata ŋganeeje gə́ godo mbad-mbad lé.

Ojee 10:9

Ǝi Israɛlje, un kudee mee ndəa gə́ Gibea’g saar ɓasinè lé Seḭ raje kaiya. Lée neelé deḛ d’aar dɔ gɔl dee’g njaŋg Ŋga see ra rɔ tuji ne njémeeyèrje gə́ Gibea lé See a to nékəmra el wa.

Ojee 5:8

Imje to̰to̰ mee ɓee gə́ Gibea ləm, Imje to̰to̰ mee ɓee gə́ Rama ləm tɔ! Urje kò-rɔ mee ɓee gə́ Bet-Aben’g! Seḭ Bḛjamije, tenje goo sí ooje!

Ojee 9:9

Deḛ d’ur dan néra gə́ majel’g mbidi To gə́ deḛ ra ne mee ndəa gə́ mee ɓee gə́ Gibea’g bèe. Njesigənea̰ a kar mée olé dɔ néra kori-korije’g lə dee ləm, Yeḛ a kar bo̰ néra kaiyaje lə dee ɔs ta dee’g ləm tɔ.

Jujé 21:17

mbuna ginkoji Bḛjamije’g lé d’ar dee Gabao̰ gə looje gə́ gugu dəa sub ləm, gə Geba gə looje gə́ gugu dəa sub ləm tɔ,

1 Samel 10:26

Sawul kara tel aw kəi ləa gə́ Gibea’g tɔ. Kankəm dəwje gə́ Ala ra kula meḛ dee’g ɓa danee d’aw səa na̰’d.

1 Samel 11:4

Njékaḭkulaje d’aw teḛ Gibea gə́ ka̰ Sawul’g ndá deḛ pata néje neelé d’ar dəwje. Yen ŋga koso-dəwje lai d’ɔr ndu dee gə́ tar wəl gə no̰.

1 Samel 13:16

Sawul gə ŋgonee gə́ Jonatan, gə njérɔje gə́ nai rɔ dee’g lé d’isi ɓee gə́ Gibea lə Bḛjamije ləm, Pilistije kara d’isi loo-si dee gə́ Mikmas’g ləm tɔ.

1 Samel 13:2

Tɔɓəi Sawul mbər njérɔje gə́ Israɛl as tɔl-dɔg-loo-munda (3.000) ndá ar deḛ gə́ tɔl-dɔg-loo-joo (2.000) d’isi səa Mikmas ləm gə dɔ mbal gə́ Betel ləm, ar deḛ gə́ tɔl-dɔg (1.000) d’isi gə Jonatan mee ɓee gə́ Gibea gə́ ka̰ Bḛjamije ləm tɔ. Ndá yeḛ ya̰ ges koso-dəwje gə́ nai lé ar nana kara aw kəi-kubu’g ləa-ləa.

1 Samel 13:23

Kudu-njérɔje lə Pilistije kára ree d’isi béréré gaŋg loo dəs kaw gə́ Mikmas tɔ.

1 Samel 14:2

Sawul si ŋgaŋ ɓee gə́ Gibea gel kag gə́ to tana gə dḭ gə́ aar Migro̰ ndá njérɔje gə́ d’aw səa na̰’d lé d’as tɔl-misa̰ (600) jén bèe.

1 Samel 14:4

Mbuna looje gə́ kəm dəs keneŋ gə́ Jonatan saŋg mba teḛ ne kaw loo-si Pilistije’g lé to yee gə́ mbal gə́ ɔr suna gə́ ria lə Boses to debee gə́ kára’g ləm, mbal gə́ ɔr suna gə́ ɓaree Sene to debee gə́ raŋg’d ləm tɔ.

1 Samel 14:5

Yeḛ gə́ kára to gə́ kel dɔgel par gə́ Mikmas ləm, yee gə́ kára to par gə́ dɔkɔl, no̰ Gibea’g njoroŋ ləm tɔ.

1 Samel 15:34

Samel ɔd aw par gə́ Rama ləm, Sawul kara ɔd aw gə́ kəi ləa gə́ to Gibea gə́ ka̰ Sawul ləm tɔ.

1 Samel 7:17

Tɔɓəi yeḛ tel ree Rama loo gə́ kəi ləa to keneŋ. Lée neelé yeḛ gaŋg rəwta lə Israɛlje keneŋ ləm, yeḛ ra loo-nékinjaməs keneŋ ar Njesigənea̰ ləm tɔ.