Esai 10:21 - Maktub gə́ To gə Kəmee

²¹ Ges dee gə́ nai gə́ to ges njé gə́ lə Jakob lé d’a tel ree rɔ Ala gə́ njesiŋgamoŋ’d.

Esai 10:21 ပူးပေါင်းရင်းမြစ်များ

Esdras 1:4

Loo gə́ rara ɓa gə́ ges ŋgan Israɛlje nai keneŋ lé maji kar dəwje gə́ lée’g neelé d’ar dee larnda gə larlɔr ləm, gə némajije ɓəd-ɓəd gə nékulje ləma, gə nékarje gə́ d’ḭ gə meḛ dee d’ar ləm tɔ, mba ra ne kəi-Ala gə́ to Jerusalem lé.

Esai 19:22

Togə́bè ɓa Njesigənea̰ a kunda Ejiptəje ya, yeḛ a kunda dee ya nɛ a tel kaji dee ɓəi, ndá deḛ d’a tel ree rɔ Njesigənea̰’g yeḛ gə́ a koo ndu dee ləm, a kaji dee ləm tɔ.

Esai 37:31

Ges gel-bɔje lə Juda gə́ d’a gə nai lé d’a tel kula ŋgira dee gə́ sigi naŋg mag-mag gogo gə d’a kandə gə Kandə dee njim-njim gə́ tar tɔ.

Esai 46:3

Tugaje mbi sí gə́ rɔm’g nee, Seḭ gel-bɔje lə Jakob Gə seḭ ges gel-bɔje lə Israɛl gə́ nai, Seḭ gə́ ma m’ŋgəm sí Un kudee mee ndəa gə́ seḭ naije ne meḛ ko̰ síje’g saar ləm, Ma m’odo sí Un kudee ndɔ koji sí’g ya saar ɓasinè ləm tɔ!

Esai 55:7

Maji kar njemeeyèr uba goo rəw ləa ya̰ ləm, Maji kar dəw gə́ njera né kori-kori uba goo takə̰jije ləa ya̰ ləm tɔ, Maji karee tel ree rɔ Njesigənea̰’g Mbata yeḛ a koo kəmtondoo ləa ləm, Maji karee tel ree rɔ Ala’g lə sí Gə́ rəa asee dɔ meekoso lemsé’g el ləm tɔ.

Esai 59:20

Njetaa dɔ dee a ree mbata njé gə́ Sio̰ gə njé’g lə Jakob D’a kuba goo kaiyaje lə dee kya̰, Njesigənea̰ ɓa pa bèe.

Esai 7:3

Togə́bè Njesigənea̰ ula Esai pana: Aw iŋga Akaj, i seḭ gə ŋgoni Səar-Jasub ta bwa kəm-rəw-mán gə́ ḭ godə loo mán gə́ to tar mbɔr rəw gə́ aw gə́ loo-ndɔ’g lə njetogo kubuje lé.

Esai 9:13

Bèe ɓa, mee ndɔ gə́ kára ba ya Njesigənea̰ a gaŋg dɔ Israɛlje gə ɓoŋ dee ləm, A gaŋg barkəm kag-tumbur gə twatɔg ləm tɔ.

Esai 9:6

Ko̰ɓee ləa a kḭ dɔ maree’d gə́ kédé-kédé ləm, Meelɔm gə́ ka̰ kalimbai lə Dabid Gə ka̰ ɓeeko̰ ləa lé rudee a kun ɗiao el ləm tɔ. Néra gə́ danasur Gə né gə́ to gə dɔ najee lé ɓa D’a karee to ne njaŋg ləm, D’a gədee ne ləm tɔ Un kudee ɓasinè saar-saar gə no̰: Yee ɓa ŋgur né gə́ ra Njesigənea̰ gə́ njeboo-néje lé A karee ra née ya.

Jeremi 50:20

Njesigənea̰ pana: Mee ndəaje gə mee kàree’g neelé D’a saŋg néramajel lə Israɛlje Nɛ d’a kiŋga el ləm, D’a saŋg kaiya ra Judaje Nɛ d’a kiŋga kára kara el ləm tɔ. Mbata m’a kar məəm oso lemsé Dɔ ges deeje gə́ m’a kya̰ dee lé.

Ojee 14:1

Bo̰ néra Samarije a kɔs ta dee’g Mbata deḛ d’ḭ d’ɔs ta lə Ala lə dee rəw. D’a kwəi yoo-kiambas ləm, D’a twa ŋgan deeje kunda dee naŋg vaga-vaga tɔl dee ləma, Denéje lə dee gə́ d’aw gə kèm lé D’a riba meḛ dee ŋgərərə-ŋgərərə ləm tɔ.

Ojee 6:1

Yen ŋga seḭ pajena: Gə́ reeje ar sí n’telje gə́ rɔ Njesigənea̰’g! Mbata yeḛ nja ar sí doo, Nɛ yeḛ nja a karee ər kəmsə ɓəi. Yeḛ nja unda sí, Nɛ yeḛ nja a tɔ ta dooje lə sí ɓəi tɔ.

Ojee 7:10

Beelé lə Israɛlje ɔr ta ila dɔ dee’g ya, Nɛ lé bèe kara Deḛ tel ree rɔ Njesigənea̰, Ala’g lə dee el ləm, Deḛ tel ndolè gée bèe el ləm tɔ.

Ojee 7:16

Deḛ d’ɔs badm tel gə́ rɔ Njekurdɔloo’g el, Deḛ to d’asəna gə kag ɓandaŋg gə́ nduni koŋ-koŋ. Mbaije lə dee d’a toso ta kiambas’g Mbata kəsta gə́ rusu ta dee tub-tub lé. Yee ɓa a kar dee tel to ne nékogo mee ɓee gə́ Ejiptə’g.

Néra Njékaḭkulaje 26:20

M’aw Damas kédé ɓa m’aw Jerusalem ləm, gə ɓeeje lai gə́ to ɓeeko̰ gə́ Jude ləma, gə goo ɓeeje lə njépole-magəje lé ləm tɔ lé m’ula dee ta kwa ndòo rɔ dɔ kaiya’g lə dee ləm, gə kɔs badm tel gə́ rɔ Ala’g ləma, gə néra gə́ a kwa bua kwa ndòo rɔ dɔ kaiya’g ləm tɔ.