Esai 10:2 - Maktub gə́ To gə Kəmee

² Yee ɓa deḛ mbad gaŋg ne rəwta Le njéndooje gə goo rəbee ləm, Né gə́ kəm kar deḛ gə́ kəm dee to ndòo Mbuna dəwje’g ləm d’iŋga lé Deḛ nar sə dee ləm, Deḛ taa nékiŋgaje lə njékəisiŋgaje ləma, D’unda ŋganalje gə́ néɓogo lə dee ləm tɔ.

Esai 10:2 ပူးပေါင်းရင်းမြစ်များ

Maktub gə́ wɔji dɔ Jɔb 31:16

Ɓó lé m’ɔg njéndooje né gə́ deḛ dəji ləm Ɓó lé m’ar kəm njekəisiŋga to ndòo ləma,

Pakɔsje 94:6

Njekəisḭga gə dəw-dɔ-ɓee lé Deḛ goré gwɔb dee ləm, Ŋganalje lé kara Deḛ kunda dee vaga-vaga tɔl dee ya ləm tɔ.

Teḛ-Raga 23:6

Né gə́ kəm kar njendoo iŋga loo-gaŋg-rəwta’g lé seḭ a bugureje dɔ’g el.

Gosota-Kəmkàrje 22:22

Wa njendoo né ləa təa mbata to gə́ yeḛ to njendoo el ləm, Buguru njekəmndoo tarəwkɔg’d el ləm tɔ.

Gosota-Kəmkàrje 30:14

Ginkoji dəwje gə́ na̰je d’isi gən Gə́ ŋgaŋ dee to gə́ kiambas ləm, mbiri dee to gə́ kiaje ləm tɔ Gə mba gaŋg ne njénékəmndooje gə́ dɔ naŋg nee sɔ dee ləm, Gə njéndooje gə́ mbuna dəwje’g ləm tɔ.

Esai 1:17

Ndooje loo ra né gə́ maji ləm, Ndolèje goo néra gə́ gə dɔ najee ləm, Aaje dɔ yeḛ gə́ d’ula kəmee ndòo ləm, Ɔrje kəmta lə ŋgonal gə goo rəbee ləma, Aḭje bada dɔ njekəisiŋga’g ləm tɔ.

Esai 1:23

Mbaije lə sí to njékɔsta-rəwje ləm, Gə njékɔm na̰’d gə njéɓogoje ləm tɔ. Deḛ lai ndigi néndogo-gel ləm, D’aiŋgwɔd goo nédɔji dee’g ləm, Deḛ d’ɔr kəmta lə ŋgonal Gə goo rəbee el ləma, Deḛ d’ya̰ loo d’ar njekəisiŋga Ree gə ta ləa rɔ dee’g el ləm tɔ.

Esai 29:21

To deḛ gə́ d’ila ta dɔ njé gə́ raŋg’d loo-gaŋg-rəwta’g ləm, D’iya gum no̰ yeḛ gə́ njetaa dəa tarəwkɔg’d ləma, Dəw gə́ ta wa dəa el lé deḛ gaŋgta gə́ ŋgɔm dəa’g ləm tɔ.

Esai 3:14

Njesigənea̰ ɔr ta ila dɔ ŋgatɔgje’g lə koso-dəwje ləa ləm, Gə dɔ mbaije’g lə dee ləm tɔ pana: Seḭ lé seḭ rumje loo-ndɔ-nduú! Néje gə́ seḭ tɔrje rɔ njéndooje’g lé To mee kəi’g lə sí to!

Esai 3:15

See na̰ ɓa un ndia ar sí talje ne dəwje ləm naŋg ras-ras ləm, Gə oreeje ne dɔ njéndooje naŋg ləm tɔ bèe wa. Mbaidɔmbaije gə́ Njesigənea̰ gə́ njeboo-néje ɓa dəji ta togə́bè.

Esai 32:6

Mbata mbə-dəw lé ta mbə ɓa teḛ təa’g ləm, Takə̰ji né gə́ majel ɓa wa mée ləm tɔ Gə mba karee ila ndɔl dɔ loo’g ləm, Gə mba karee pa ne taŋgɔmje dɔ Njesigənea̰’g ləm, Mba kar mee dəw gə́ ɓó rəa lé to wəl ləma, Mba kɔg dəw gə́ kṵdaman tɔlee loo-kai-ma̰ ləm tɔ.

Esai 5:23

Dɔ deḛ gə́ d’ɔr ta dɔ yeḛ gə́ ta wa dəa’g Gə mbata lə néndogo-gel ləma, Gə deḛ gə́ ta wa dɔ dee el kara D’ɔg dee né gə́ wɔji dɔ dee ləm tɔ.

Esai 5:7

Ndɔ-nduú lə Njesigənea̰ gə́ njeboo-néje lé Yee ɓa to gel-bɔje lə Israɛl. Dəwje gə́ Juda lé To gə́ loo ndɔ gə́ yeḛ unda dan kəmee’g. Yeḛ unda mée yel gə mba koo ne néra gə́ danasur rɔ dee’g Nɛ aa ooje, məs ɓa d’ila! Yeḛ unda mée yel gə mba koo ne néra gə́ gə dɔ najee Nɛ aa ooje, ndu kii no̰ ndòo ɓa oo keneŋ!

Esai 59:15

Kankəmta sané pá ləm, Dəw gə́ unda rəa ɓad dɔ néra gə́ majel’g ndá Deḛ taa néje ləa lai gə́ taa ləm tɔ. Njesigənea̰ aa loo gə kəm dɔbee Oo to gə́ néra gə́ danasur godo.

Jeremi 7:6

ɓó lé seḭ ulaje kəm dəw-dɔ-ɓee gə ŋgonal gə njekəisiŋga ndòo el ləm, ɓó lé seḭ ilaje məs yeḛ gə́ ta wa dəa el lé naŋg loo gə́ nee’g el ləma, ɓó lé seḭ ndolèje goo magəje gə mba kiŋgaje ne némeeko̰ el ləm tɔ ndá

Nɔ̰-ndôo gə́ wɔji dɔ Jerusalem 3:35

Loo gə́ deḛ gaŋgta dɔ dəw’d gə goo rəbee el kəm Njekurdɔloo’g ləma,

Ejekel 22:7

Loo gə́ mee ɓee-boo’g ləi lé dəwje d’ə̰ji bɔ deeje gə ko̰ deeje bəḭ-bəḭ ləm, d’ula kəm dəw-dɔ-ɓee ndòo ləma, deḛ buguru ŋgonal gə njekəisiŋga ləm tɔ.

Amɔs 2:6

Njesigənea̰ ɓa pa togə́bè pana: Gə mbata kaiya ra Israɛl gə́ aw gə́ kédé-kédé lé Ndá n’a tel gə ndu neḛ nda̰ el, Mbata deḛ ndogo njemeekarabasur gə lar ləm, Deḛ ndogo njendoo gə négɔl ləm tɔ.

Amɔs 2:7

Deḛ ndiŋga rɔ dee mba njaa dɔ njéndooje’g asəna gə babur bèe ləm, Njénékəmndooje lé kara d’ɔg dee né gə́ kəm kar dee d’iŋga ləm tɔ. Ŋgon gə́ diŋgam deḛ gə bɔbeeje d’orè na̰ dɔ ŋgoma̰də gə́ kára ba ya D’ula ne sul dɔ ri neḛ-neḛ gə́ to gə kəmee doi lé.

Amɔs 5:19

Seḭ a toje asəna gə dəw gə́ aḭ no̰ toboḭ’g bèe Ndá da-urs ɓa iŋgá, Esé yeḛ andə mee kəi’g ləa Ndá ila jia kaar bɔrɔ’g ar li tea̰ lé tɔ.

Misee 3:1

Ma m’pana: Ooje ta nee, seḭ mbai dɔ ŋgaka Jakobje lé Seḭ njéko̰ɓeeje gə́ Israɛl! See to ta lə sí-seḭ ya Gə mba kar sí gərje né gə́ gə dɔ najee lé el wa.

Malasi 3:5

M’a rəm pər gə́ rɔ sí’g gə mba gaŋg rəwta ləm, m’a kɔs rɔm ɓad gə mba kɔr ta kila dɔ njésukəmlooje’g ləm, gə dɔ njémɔdkaiyaje’g ləm, gə dɔ deḛ gə́ d’ubu rɔ dee gə taŋgɔm ləm, gə dɔ deḛ gə́ d’uga dɔ ji njékulaje lə dee gə goo rəbee el ləm, gə dɔ deḛ gə́ buguru njékəisiŋgaje gə ŋganalje ləma, gə dɔ deḛ gə́ ra majel gə dəw-dɔ-ɓeeje ɓəlm ne el ləm tɔ. Njesigənea̰ gə́ njeboo-néje lé pa bèe.

Matiyo 23:13

Seḭ njéndaji-maktubje gə Parisiḛje gə́ toje njéhulaije lé meeko̰ a koso dɔ sí’g mbata seḭ uduje rəw ɓeeko̰ gə́ dara dɔ dəwje’g jigi. Seḭje nja seḭ a̰dje keneŋ el ləm, dəwje gə́ ndigi kandə keneŋ kara seḭ ɔg deeje loo kandə keneŋ ləm tɔ.