Esai 10:16 - Maktub gə́ To gə Kəmee

¹⁶ Gelee gə́ nee ɓa Mbaidɔmbaije, Gə́ to Mbaidɔmbaije gə́ njeboo-néje lé A kula gə né gə́ a kar njérɔje ləa Gə́ rɔ dee to kɔgərɔ-kɔgərɔ lé D’a kəŋg ne kəŋ-kəŋ, Tɔɓəi gin boo-ronduba ləa lé Né a nduba gə́ raga keneŋ To gə́ pər gə́ o̰ bèe.

Esai 10:16 ပူးပေါင်းရင်းမြစ်များ

2 Sôrta Gḭka Israɛlje 32:21

Yen ŋga Njesigənea̰ ula kura ləa gə́ dara aree tuji bao-rɔje lai, gə ɓé-njérɔje, gə ŋgan-mbaije lai gə́ d’isi loo-si mbai gə́ Asiri’g. Togə́bè ɓa mbai lé tel gə rɔkul aw ne mee ɓee’g ləa. Yeḛ aw mee kəi-magə’d ləa ndá lé neelé ŋganeeje gə́ d’ḭ mée’g ya tɔlee gə kiambas tɔ.

Pakɔsje 106:15

Né gə́ deḛ dəjee lé yeḛ ar dee ya Nɛ yeḛ ar darɔ dee wəi ne njururu tɔ.

Pakɔsje 78:31

Ndá oŋg lə Ala ḭ ɔm dɔ dee’g, Yeḛ kunda deḛ gə́ siŋga dee to kɔgərɔ-kɔgərɔ tɔl dee ləm, Basaje gə́ Israɛl lé yeḛ kunda dee ne mbugu-mbugu ya ləm tɔ.

Esai 10:18

Maji lə kag-kɔr ləa gə ndɔje ləa lé Yeḛ a roo dee dula-dula. Karee to asəna gə njerɔko̰ gə́ oso rəb bèe.

Esai 17:4

Mee ndəa’g neelé rɔnduba lə Jakob a tel keḭ el ləm, Dakasrea gə́ ər ndɔl-ndɔl lé a tel kəŋ kəŋ-kəŋ ləm tɔ.

Esai 26:11

Njesigənea̰, ji siŋgamoŋ ləi ɓar mèr-mèr ya Nɛ deḛ d’oo bèe el. D’a koo mal koso-dəwje ləi gə́ rai Ndá rɔ dee a kul ne, Pər a roo njéba̰je ləi dula-dula.

Esai 31:9

Yeḛ gə́ to dɔ mbal lə dee a kaḭ gə kəm ɓəl ləm, Mbaije lə dee d’a kunda bala no̰ nétɔji’g ləm tɔ, Njesigənea̰ gə́ pər ləa to Sio̰’g ləm, Gə bwa-bṵda ləa to Jerusalem’g ləm tɔ lé ɓa pa bèe.

Esai 37:29

Mbata məəi ḭ səi jugugu dɔ neḛ’g ya Ar ta beelé ləi aw njal oso mbi neḛ’g tɔ. Ndá n’a kula niŋga lə neḛ əmi’g ləm, Gə kéŋgəlé lə neḛ tai’g ləm tɔ, Tɔɓəi n’a kari tel gə rəw gə́ i ḭ keneŋ ree lé ya.

Esai 37:36

Yen ŋga kura lə Njesigənea̰ unda loo teḛ kunda dəwje tɔl dee as tɔl-dɔg-loo tɔl dəa rɔ-jinaijoo giree-mi (100.085) loo-si Asirije’g. Loo gə́ d’ḭta gə ndɔ ndá aa oo, nin dəwje to naŋg rib-rib tɔ.

Esai 5:17

Badje d’a ko̰ mu to gə́ d’aar ne loo-kaar dee’g bèe ləm, Dəw-dɔ-ɓeeje d’a sɔ némajije lə baoje gə́ tuji lé ləm tɔ.

Esai 8:7

Gelee gə́ nee ɓa n’a kar mán baa-boo gə́ siŋgá to yaa̰ lé ḭ oma̰ sə dee, Yee ɓa to mbai gə́ Asiri gə rɔnduba ləa lai Ndá baa lé a kḭ rusu koŋgee tub-tub ləm, A kula ruba raga pɔ-pɔ ləm tɔ.

Esai 9:4

Mbata markob-rɔje lai gə́ d’aw ne loo-rɔ’g ləm, Gə kubu-rɔje lai gə́ rogo dan məs’g ləm tɔ lé D’a kɔm dee pər’d Kar dee roo dula-dula ya.

Esai 9:5

Mbata d’oji ŋgon d’ar sí ləm, D’ar sí ŋgon gə́ diŋgam ləm tɔ, Ko̰ɓee lé a to dɔ tamee’g, D’a kunda ria lə Njemaji dum ləm, Gə Njekwɔji ta kəmkàr ləm, Gə Ala gə́ njesiŋgamoŋ ləm, Gə Bɔ gə́ Njesigənea̰ ləma, Gə Mbai gə́ njemeelom ləm tɔ.

Jeremi 21:14

Njesigənea̰ pana: N’a kwɔji sí kəmkàr Gə goo kandə néra síje, N’a kila pər mee kag-kɔr’g lə sí Ndá yee a roo looje lai gə́ gugu dəa.

Jeremi 48:14

See to gə́ ban ɓa seḭ asjekəm pajena: Jeḛ n’toje njésiŋgamoŋje ləm, Gə njérɔje gə́ d’isi pèrèrè Gə mba rɔ ləm tɔ lé wa.

Ejekel 34:16

Yeḛ gə́ igi lé n’a saŋgee ləm, yeḛ gə́ ndəm lé kara n’a ndolee ree səa ləm, yeḛ gə́ iŋga doo lé n’a tɔ ta doo ləa ləma, yeḛ gə́ rəa tée lé n’a kar siŋgá ḭ dɔ maree’g ləm tɔ. Nɛ deḛ gə́ rɔ dee to ndəb-ndəb gə́ to njésiŋgaje lé n’a kar dee godo. Neḛ ndigi kul dee gə goo rəbee sur.

Nahum 1:12

Njesigənea̰ pa togə́bè pana: Ɓó lé siŋga dee to yaa̰ ləm, Bula lə dee as lée’g béréré ləm tɔ kara D’a kwa dee rəw-rəw kar dee sané pá. Ma m’ula kəm sí-seḭ ndòo ya ɓa Nɛ m’a kula kəm sí ndòo gogo el ŋga.

Soponi 2:13

Yeḛ a kula jia par gə́ dɔgel ndá Yeḛ a tuji Asirije ləm, Yeḛ a kar ɓee gə́ Ninibə tel to nduba piu-piu ləma, Naŋg ləa a tudu kurum-kurum asəna gə dɔdilaloo bèe ləm tɔ.

Jakari 7:4

Njesigənea̰ gə́ njeboo-néje ulam ta gə rɔtaje nee togə́bè pana:

Néra Njékaḭkulaje 12:23

Léegəneeya kura lə Mbaidɔmbaije gə́ dara daree bus mbata yeḛ ula rɔnduba dɔ Ala’g el. Ndá kuruje d’o̰ ne mée aree oso ne gə̰gərə wəi.