Esai 10:1 - Maktub gə́ To gə Kəmee

¹ Meeko̰ a koso dɔ deḛ gə́ To njékun ndukunje gə goo rəbee el ləm, Gə deḛ gə́ ndaŋg maktub-gaŋg-rəwta Gə́ gə dɔ najee el ləm tɔ.

Esai 10:1 ပူးပေါင်းရင်းမြစ်များ

1 Mbaije 21:13

Dəwje gə́ njémeeyèrje gə́ joo lé ree d’isi no̰ Nabot’g ndá deḛ d’ɔm ta dəa’g kəm koso-dəwje’g pana: Nabot ila ndɔl dɔ Ala’g lé ləm, gə dɔ mbai’g ləm tɔ. Bèe ɓa deḛ ndɔree d’aw səa gir ɓee-boo’g tilá gə kɔri-ər tɔlee ya tɔ.

Pakɔsje 58:2

Seḭ dəwje lé see ta sí gə́ ndèm kub lé ɓa Seḭ a raje ne néra gə́ gə dɔ najee lé ɓəi wa. Esé see togə́bè ɓa a gaŋgje ne rəwta gə goo rəbee lé ɓəi wa.

Teḛ-Raga 23:3

Njendoo lé seḭ a kɔrje kəm ta ləa maji loo gaŋgta’g mbata to gə́ yeḛ to njendoo lé ɓa el.

Teḛ-Raga 23:6

Né gə́ kəm kar njendoo iŋga loo-gaŋg-rəwta’g lé seḭ a bugureje dɔ’g el.

Esai 29:21

To deḛ gə́ d’ila ta dɔ njé gə́ raŋg’d loo-gaŋg-rəwta’g ləm, D’iya gum no̰ yeḛ gə́ njetaa dəa tarəwkɔg’d ləma, Dəw gə́ ta wa dəa el lé deḛ gaŋgta gə́ ŋgɔm dəa’g ləm tɔ.

Esai 3:11

Nɛ meeko̰ a koso dɔ njémeeyèrje’g. D’a si dan majel’g Mbata d’a kiŋga né gə goo kandə néraje Gə́ ji dee ra lé tɔ.

Esai 3:14

Njesigənea̰ ɔr ta ila dɔ ŋgatɔgje’g lə koso-dəwje ləa ləm, Gə dɔ mbaije’g lə dee ləm tɔ pana: Seḭ lé seḭ rumje loo-ndɔ-nduú! Néje gə́ seḭ tɔrje rɔ njéndooje’g lé To mee kəi’g lə sí to!

Esai 5:11

Meeko̰ a koso dɔ deḛ gə́ teḛ gə ndɔ rad ya Ndoné goo nékai gə́ mḭ’g ləm, Gə deḛ gə́ ɓad ɓa kar loondul ɓəi ndá Man-nduú gə́ mḭ ɓa ula pər meḛ dee’g ləm tɔ.

Esai 5:18

Meeko̰ a koso dɔ deḛ gə́ Ndɔr néra gə́ kori-korije goo dee’g gə kulaje gə́ ŋgɔm ləm, Gə deḛ gə́ ndɔr kaiya goo dee’g To gə́ ndɔr ne pusu-kodo-né gə kúla bèe ləm tɔ.

Esai 5:23

Dɔ deḛ gə́ d’ɔr ta dɔ yeḛ gə́ ta wa dəa’g Gə mbata lə néndogo-gel ləma, Gə deḛ gə́ ta wa dɔ dee el kara D’ɔg dee né gə́ wɔji dɔ dee ləm tɔ.

Esai 5:8

Meeko̰ a koso dɔ deḛ gə́ rɔd kəi ta na̰’d-na̰’d ləm, Gə deḛ gə́ taa loo-ndɔ gə́ kédé-kédé ləm tɔ Saar d’ar mbuna loo gə́ tḛ́ bèe kara nai el Ar dee d’isi ne gə kar dee ba mee ɓee’g.

Esai 59:13

Ta wa dɔ sí ar sí n’toje njékaltaje no̰ Njesigənea̰’g ləm, Jeḛ j’ubaje Ala lə sí j’ya̰ ləm tɔ, Ta néra gə́ kərm-kərm gə ta kɔs ta rəw ɓa gə́ tapa sí ləm, Jeḛ n’taaje kèm taŋgɔmje n’la̰jije toree meḛ sí’g ləm tɔ,

Esai 59:4

Dəw kára kara səg maree Gə goo rəbee bèe el ləm, Dəw kára kara ɔr kəm ta Gə goo néra gə́ danasur el ləm tɔ. Deḛ d’ɔm meḛ dee dɔ né gə́ gə mḭdé ba’g Pa ne taŋgɔmje ləm, Deḛ d’əskèm né gə́ majel ləm Néra gə́ majel ɓa d’ojee ləm tɔ.

Jeremi 22:13

Meeko̰ a koso dɔ yeḛ Gə́ tum gin kəi ləa Gə goo néra gə́ gə dɔ najee el ləm, Gə rɔd ŋgan kəije dɔ na̰’d-na̰’d Gə goo néra gə́ gə goo rəbee el ləma, Gə ar maree ra kula aree kari ba Lal kuga dɔ jia ləm tɔ.

Amɔs 2:7

Deḛ ndiŋga rɔ dee mba njaa dɔ njéndooje’g asəna gə babur bèe ləm, Njénékəmndooje lé kara d’ɔg dee né gə́ kəm kar dee d’iŋga ləm tɔ. Ŋgon gə́ diŋgam deḛ gə bɔbeeje d’orè na̰ dɔ ŋgoma̰də gə́ kára ba ya D’ula ne sul dɔ ri neḛ-neḛ gə́ to gə kəmee doi lé.

Misee 6:16

Seḭ ndolèje goo néjiɓeje lə Ɔmri ləm, Gə néraje lə njémeekəije lə Akab ləma, Seḭ njaaje goo ta kwɔji kəmkàrje’g lə dee ləm tɔ. Gelee gə́ nee ɓa m’a kya̰ sí ne dan tuji’g ləm, M’a kar dəw-mee-ɓeeje lə sí Tel to ne nékogo lə dəwje ləm tɔ.

Habakuk 2:12

Meeko̰ a koso dɔ yeḛ gə́ unda gin ɓee gə məs ləm, Gə tum gin ɓee-boo gə néra gə́ kori-kori ləm tɔ!

Habakuk 2:15

Meeko̰ a koso dɔ sí-seḭ’d Gə́ arje mar síje nékai gə́ mḭ d’ai lé Seḭ gə́ mbélje né gə́ mee ku’g lə sí dɔ maree’g Ar deeje d’ai aree oso kəm dee’g Gə mba kar sí ooje ne meembaa dee lé.

Habakuk 2:19

Meeko̰ a koso dɔ sí-seḭ’d gə́ ulaje kag pana: Ḭta! Gə ulaje kɔr mbal gə́ ta mundu pana: si kəmba! See d’askəm kar kəm sí inja dɔ né’g wa. Aa ooje, d’ɔr giree gə larnda gə larlɔr Nɛ kəmə gə́ téḛ bèe godo mée’g.

Habakuk 2:6

Débee neelé see a kar dəwje lai d’oo ta ləa gə́ suta ləm, Gə nékogo ləma, gə né kɔr su ləm tɔ el wa. D’a pa pana: Meeko̰ a koso dɔ sí-seḭ gə́ mbo̰je néje Gə́ to né ka̰ sí el dɔ na̰’d! See saar ndɔ gə́ ra wa ... Meeko̰ a koso dɔ sí-seḭ gə́ Undaje ɓaŋg dɔ sí’g gə́ kédé-kédé!

Habakuk 2:9

Meeko̰ a koso dɔ sí-seḭ’d Gə́ mbo̰je nékiŋgaje gə́ gə goo rəbee el Oreeje mee kəije’g lə sí Gə mba kar kəi-si sí to ne tar sab ləm, Gə mba kɔg ne némeeko̰ loo teḛ dɔ sí’g ləm tɔ!

Matiyo 11:21

Ndɔl a koso dɔi’g, i ɓee gə́ Korajḭ! ndɔl a koso dɔi’g, i ɓee gə́ Besayida. Némɔrije gə́ deḛ ra mbuna sí’g lé ɓó lé deḛ ra mee ɓeeje gə́ Tir gə Sido̰ togə́bè ndá d’a kwa ne ndòo rɔ dee si gə kubu-kwa-ndòo ɓa rɔ dee’g ləw ba ŋga ləm, kəm dee a kwa ne kor kor-kor ləm tɔ.

Matiyo 23:23

Seḭ njéndaji-maktubje gə Parisiḛje gə́ toje njéhulaije lé meeko̰ a koso dɔ sí’g mbata kamnaḭje lə sí gə́ ri dee lə mantə gə anet gə kumin lé seḭ kaije loo-dɔg ɓa seḭ unje təa kára arje Ala lé nɛ kankəm ta godndu gə́ wɔji dɔ meekarabasur gə meekɔrjol gə meenda londoŋ gə́ d’ur dɔ taje lai lé seḭ ubaje ya̰je. Néje neelé to néje gə́ kəm ra ya nɛ a kubaje néje gə́ raŋg neelé kya̰je el tɔ.

Matiyo 23:27

Seḭ njéndaji-maktubje gə Parisiḛje gə́ toje njéhulaije lé meeko̰ a koso dɔ sí’g mbata seḭ toje asəna gə dɔɓarje gə́ ra né keneŋ d’ar dee nda kələw-kələw d’ar dee to ne né gə́ maji bèlm’g raga, nɛ meḛ dee gə́ kəi ndá siŋgaje gə néje gə́ ram ɓa rusu njḭ-njḭ.

Matiyo 23:29

Seḭ njéndaji-maktubje gə Parisiḛje gə́ toje njéhulaije lé meeko̰ a koso dɔ sí’g mbata seḭ raje dɔɓar njéteggintaje bur-bur ləm, dɔɓar njémeekarabasurje kara seḭ ndaŋgje né keneŋ mèr-mèr ləm tɔ.

Matiyo 26:24

Ŋgon-dəw lé a kɔd kuru kaw to gə́ deḛ ndaŋg ne taree mee maktub’g d’wɔji ne dəa lé ya. Nɛ meeko̰ a nai dɔ dəw gə́ njekun dɔ Ŋgon-dəw’g lé. Dəw neelé d’ojee el kara maji ya.

Lugu 11:52

Seḭ njéteggin godnduje lé meeko̰ a koso dɔ sí’g. Mbata seḭ unje nékɔr takəi gosonégər ji sí’g, seḭ nja seḭ a̰dje keneŋ el ləm, dəwje gə́ ndigi kandə keneŋ kara seḭ ɔg deeje loo kandə’g ləm tɔ.

Tagə́maji gə́ Ja̰ ndang 19:6

Loo gə́ mbai dɔ njékinjanéməsje-je gə njékaa dɔ looje d’aa loo ɓèd d’ée ndá deḛ ra né u-u-u pana: Ɗaree kaar kag’d gə́ ɗar ya. Ɗaree kaar kag’d gə́ ɗar ya. Pilatə tel ula dee pana: Seḭ nja teaaje aw ɗareeje, mbata ma lé m’oo ta kára kara gə́ wa dəa lé el.

Tagə́maji gə́ Ja̰ ndang 9:22

Njékojeje lé pa togə́bè mbata deḛ ɓəl Jibje. Mbata Jibje d’ɔm ta lə dee na̰’d gə mba kar ɓó lé dəw gə́ rara ɓa gə́ təa a teḛ ja̰ pana: Jeju to Kristi lé ndá d’a kɔr njea neelé mee kəi-kwa-dɔ-na̰’g ya.

Jude 1:11

Maji kar meeko̰ ra dee! Mbata deḛ tuga rəw goo Kaḭ’g ləm, deḛ d’al d’uru loo-kwəi-yoo-lar’g ndəm ne ndəm lə Balaam ləma, d’al ta kal lə Koré ləm tɔ.