Esai 1:8 - Maktub gə́ To gə Kəmee

⁸ Ndá ɓee-boo gə́ Jerusalem ɓa nai Asəna gə kəi-ləw gə́ to mee ndɔ-nduú’g bèe ləm, Asəna gə kəi-kubu gə́ to mee loo-ndɔ-kosoje’g ləma, Asəna gə ɓee-boo gə́ d’aḭ dəa sub gə rɔ bèe ləm tɔ.

Esai 1:8 ပူးပေါင်းရင်းမြစ်များ

Maktub gə́ wɔji dɔ Jɔb 27:18

Kəi ləa to asəna gə kəi ra ndiri bèe ləm, To asəna gə kəi-ləw lə njeŋgəm loo-ndɔ bèe ləm tɔ.

Pakɔsje 9:14

Njesigənea̰, maji kari oo kəm lootondoo’g ya kari, Oo némeeko̰ gə́ njéba̰je ləm d’am m’isi danee’g, Maji kari ɔrm tarəwkɔg’d lə yoo,

Esai 1:7

Ɓee lə sí to nduba ləm, Pər roo ɓee-booje lə sí ləm, Dəw-dɔ-ɓeeje tuji ndɔje lə sí, Kəm sí’g ya pugudu-pugudu ləma, Deḛ d’undá naŋg rə̰dəŋ-rə̰dəŋ Gə tuji pugudu-pugudu To gə́ dəw-mee-kɔrje bèe ləm tɔ.

Esai 1:9

Ɓó lé Ala gə́ njeboo-néje Ya̰ kó ginka sí gə́ nai jəbərə ba el ndá Kàr bèe nḛ jeḛ n’telje J’asəna gə njé gə́ Sɔdɔm ləm, Jeḛ n’telje n’tana gə njé gə́ Gɔmɔr bèe ləm tɔ.

Esai 10:32

Deḛ d’aar naŋg Nob as ndɔ kára Ndá deḛ sɔb ji dee ndaŋg ne mbal gə́ Sio̰ Gə́ to dɔdərloo gə́ Jerusalem lé.

Esai 29:3

M’a kaḭ dɔi sub gə looje lai ləm, M’a kar kudu njérɔje d’aḭ dɔi sub gə rɔ ləma, M’a kuba dɔndalje rɔ ne səi ləm tɔ.

Esai 30:17

Dəwje tɔl-dɔg (1.000) d’a kaḭ no̰ dəw kára ba gə́ ndaŋg dee ləm, Ndu ndaŋg lə dəwje gə́ mi ba lé Seḭ a kaḭje ne ləm tɔ Saar mba kar sí naije Asəna gə nétɔji bèe dɔ sém mbal’g ləm, Asəna gə nétɔji gə́ to dɔdərloo’g bèe ləm tɔ.

Esai 37:22

Aa oo, ta gə́ Njesigənea̰ pa wɔji ne dəa ɓa nee: Ŋgoma̰də gə́ to ŋgon dené gə́ Sio̰ Ǝ̰jii bəḭ-bəḭ ləm, yeḛ kogo dɔi’g ləm tɔ, Ŋgon dené gə́ Jerusalem Tuga dəa jəgm-jəgm gooi’g kən tɔ.

Esai 37:4

Banelə Njesigənea̰, Ala ləi oo taje gə́ Rabsake pa, yeḛ gə́ ɓéeje gə́ to mbai gə́ Asiri ulá aree pa ula ne sul dɔ Ala gə́ Njesikəmba’g lé ya. Banelə Njesigənea̰, Ala ləi a kar bo̰ nérea ɔs təa’g gə goo taje lai gə́ yeḛ oo lé. Bèe ndá maji kari ra tamaji mbata koso-dəwje ləa gə́ nai ya ɓəi.

Esai 4:4

Njesigənea̰ a kar lel néra gə́ gə dɔ najee gə lel gə́ ka̰ tuji lé ula. Loo gə́ yeḛ a kɔr ne néje gə́ mina̰ lə denéje gə́ Sio̰ mba̰ ləm, A kɔr won Jerusalem gə mba məs gə́ to keneŋ mba̰ ləm tɔ.

Esai 49:21

Bèe ɓa seḭ a paje meḛ sí’g pana: See na̰ ɓa oji dee ar sí wa. Mbata jeḛ n’lalje ŋganje. Jeḛ n’toje kawkadje. D’wa sí gə́ ɓər ɓa tuba sí. See na̰ ɓa odo dee wa. Jeḛ j’isije gə kar sí ba. See loo gə́ ra ɓa ŋganje neelé d’ḭ keneŋ wa.

Esai 62:11

Aa ooje, ta gə́ Njesigənea̰ ila mberee Aree oso gə loo mbidi-mbidi dɔ naŋg nee pana: Ulaje koso-dəwje gə́ Sio̰ pajena: Aa ooje, njekaji sí si aw gə́ rɔ sí’g nee, Aa ooje, nékoga-dɔ-ji ləa lé to meḛ jia’g ləm, Nékoga-dɔ-jia lé to nea̰’g ləm tɔ.

Esai 8:8

A kula taa ɓee gə́ Juda pəl-pəl Ndá a ruba pɔ-pɔ taa ne loo pəl-pəl ləm, A kaw saar teḛ ta gwɔsee’g liriri ləm tɔ. Bageeje gə́ yee naji dee lé D’a taa dɔ naŋg ləi pəl-pəl ya, əi Emanuɛl!

Jeremi 4:17

Deḛ d’aḭ dɔ Jerusalem sub To gə́ deḛ gə́ njéŋgəmndɔje D’aḭ ne dɔ ndɔ sub bèe, Mbata to ma ɓa d’ḭ d’ɔsm rəw, Njesigənea̰ ɓa pa bèe.

Jeremi 6:2

Ŋgoma̰də gə́ Sio̰ gə́ ma̰də ləm, Gə maji rəa’g péd-péd ləm tɔ lé Ma m’tujee!

Nɔ̰-ndôo gə́ wɔji dɔ Jerusalem 2:1

Ɗi togə́bè wa. Ɓa Njesigənea̰ ar oŋg ḭ səa pu Ɓa dəb ne rigim dɔ ŋgoma̰də gə́ Sio̰’g lé wa. Boo-nérɔnduba lə Israɛl gə́ ndɔḭ wər-wər lé Yeḛ ḭ səa dara ɔsee piriŋ ilá naŋg! Yeḛ ar mée wəi dɔ nétura-gɔl-kɔm’g ləa Mee ndɔ oŋg’d ləa lé tɔ.

Nɔ̰-ndôo gə́ wɔji dɔ Jerusalem 2:6

Yeḛ wa ndògo-bɔrɔ gə́ gugu dɔ ɓee-boo ləa Gə́ to gə kəmee unda naŋg rab-rab ləm, Loo-kwa-dɔ-na̰ ləa kara yeḛ tuji pugudu-pugudu ya ləm tɔ. Njesigənea̰ ar meḛ njé gə́ Sio̰ wəi Dɔ ndɔ ra naḭje’g ləm, Gə dɔ ndɔ-kwa-rɔje’g ləm tɔ. Dan oŋg-boo’g ləa lé Yeḛ un kəmee rəw dɔ mbai’g ləm, Gə dɔ njekinjanéməs’g ləm tɔ.

Jakari 2:10

Njesigənea̰ pana: Seḭ gə́ ma m’sané sí dɔkum looje gə́ sɔ lé Maji kar sí ḭje ɓee gə́ dɔgel aḭje. Njesigənea̰ pa bèe.

Jakari 9:9

Seḭ gə́ Sio̰ lé alje rɔ sí! Seḭ gə́ Jerusalem kara ɔsje pa rɔlel to! Aa ooje, mbai lə sí si aw gə́ dɔ sí’g nee, Yeḛ to njemeekarabasur ləm, Gə njedumdɔloo ləm tɔ, Yeḛ to dəw gə́ kul yururu gə́ uba dɔ mulayḛ̀je gao si’g, To ŋgon mulayḛ̀je gə́ aḭ goo kea̰je’g ɓa yeḛ ubá.

Tagə́maji gə́ Ja̰ ndang 12:15

Seḭ gə́ sije Sio̰ lé ɓəlje el, Aa ooje, mbai lə sí si aw gə́ nee. Yeḛ uba dɔ ŋgon mulayḛ̀je gao si’g.