Esai 1:7 - Maktub gə́ To gə Kəmee

⁷ Ɓee lə sí to nduba ləm, Pər roo ɓee-booje lə sí ləm, Dəw-dɔ-ɓeeje tuji ndɔje lə sí, Kəm sí’g ya pugudu-pugudu ləma, Deḛ d’undá naŋg rə̰dəŋ-rə̰dəŋ Gə tuji pugudu-pugudu To gə́ dəw-mee-kɔrje bèe ləm tɔ.

Esai 1:7 ပူးပေါင်းရင်းမြစ်များ

2 Sôrta Gḭka Israɛlje 28:5

Njesigənea̰, Ala ləa ubá yá̰ ji mbai gə́ Siri ndá Aramje dum dəa d’wa ne koso-dəwje ləa bula gə́ ɓər d’aw sə dee Damas. Yeḛ ubá yá̰ ji mbai’d gə́ Israɛl to aree dum dəa tɔ.

Pakɔsje 107:34

Dɔ naŋg gə́ maji kó ɓa yeḛ telee gə́ dɔ naŋg puna-kad ləm tɔ Mbata meeyèr lə dəw-mee-ɓeeje gə́ d’isi keneŋ.

Pakɔsje 107:39

Njé gə́ raŋg lé néɓəŋgərəti gə nékəmndoo gə némeeko̰ lé Ɔr kəm dee ho̰d ar dee d’oso ne kul.

Pakɔsje 109:11

Maji kar njeɓaŋ ləa lé saa néje ləa lɔd ləm, Maji kar dəw-dɔ-ɓeeje ree d’odo nékiŋgaje ləa rəw ya ləm tɔ.

Esai 1:8

Ndá ɓee-boo gə́ Jerusalem ɓa nai Asəna gə kəi-ləw gə́ to mee ndɔ-nduú’g bèe ləm, Asəna gə kəi-kubu gə́ to mee loo-ndɔ-kosoje’g ləma, Asəna gə ɓee-boo gə́ d’aḭ dəa sub gə rɔ bèe ləm tɔ.

Esai 3:8

Njé gə́ Jerusalem ləŋg ləm, Njé gə́ Juda kara d’unda naŋg rəb ləm tɔ Mbata tapa dee gə néra dee ɔs ta lə Njesigənea̰ rəw ləm Deḛ d’ɔs boo-ronduba ləa rəw ləm tɔ.

Esai 34:9

Kəm-rəw-manje gə́ Edɔm d’a tel to asəna gə tibi bia̰ ləm, Nduji naŋgee a tel to asəna gə tibi bia̰ gə́ gel naŋg’d ləm tɔ, Tɔɓəi dɔ naŋgee a to asəna gə tibi bia̰ gə́ o̰ pər bèe.

Esai 49:19

Mee looje lə sí gə́ tuji d’wa ŋgɔ njag-njag ləm, Mee ɓee lə sí gə́ tuji pugudu-pugudu ləm tɔ lé Njé’g lə sí gə́ d’isi keneŋ lé Loo a kas dee el ŋga, Deḛ gə́ njétuji sí pugudu-puguduje lé kara D’a kɔr rɔ dee si ŋgərəŋ tɔ.

Esai 5:17

Badje d’a ko̰ mu to gə́ d’aar ne loo-kaar dee’g bèe ləm, Dəw-dɔ-ɓeeje d’a sɔ némajije lə baoje gə́ tuji lé ləm tɔ.

Esai 5:9

Aa ooje né gə́ Njesigənea̰ gə́ njeboo-néje am m’oo lé ɓa nee: Tɔgərɔ ya, kəije gə́ bula neelé D’a to nduba piu-piu ləm, Kəije gə́ boo-boo gə́ kura yaa̰ neelé Dəwje d’a si keneŋ el ləm tɔ.

Esai 6:11

Ma m’dəjee m’pana: See a to bèe saar ndɔ gə́ ra wa. Ndá yeḛ ilam’g pana: Saar kar ɓee-booje neelé tuji pugudu Kar dee tel to nduba piu-piu, Saar kar dəw kára kara nai mee kəi’g el Gə mba kar ɓee neelé tel to nduba.

Esai 60:15

Mee loo gə́ d’ubai keneŋ d’ya̰’i ləm, Gə d’ḛjii bəḭ-bəḭ keneŋ ləm tɔ Ar dəw kára kara teḛ rɔi’g el lé M’a kari to néra-rɔ gə́ ndɔḭ saar gə no̰ ləm, M’a kari to gə́ nérɔlel lə ŋgaka dəwje gə́ kédé-kédé ləm tɔ.

Esai 62:8

Njesigənea̰ man rəa gə goo ji siŋgamoŋ ləa Ndá yeḛ pana: N’a kun kó ləi kar njéba̰je ləi D’ul ne rɔ dee nda̰ el ləm, Ŋgalə dəw-dɔ-ɓeeje d’a kai mán-nduú ləi Gə́ to kandə néndɔje ləi lé nda̰ el ləm tɔ.

Esai 64:10

Kəi lə sí gə́ to gə kəmee gə maji dum Loo gə́ bɔ síje-je d’ula rɔnduba dɔi’g keneŋ lé Pər rée dula-dula ya, Néje lə sí lai gə́ gad dee to yaa̰ lé Tuji pugudu-pugudu tɔ.

Esai 9:18

Gə goo oŋg lə Njesigənea̰ gə́ njeboo-néje lé ɓa Pər taa ne ɓee pəl-pəl Ar koso-dəwje tel to d’as ne na̰ Gə kir gə́ pər o̰ bèe, Dəw kára kara oo kəmtondoo lə ŋgokea̰ yá̰ ne el.

Esai 9:5

Mbata d’oji ŋgon d’ar sí ləm, D’ar sí ŋgon gə́ diŋgam ləm tɔ, Ko̰ɓee lé a to dɔ tamee’g, D’a kunda ria lə Njemaji dum ləm, Gə Njekwɔji ta kəmkàr ləm, Gə Ala gə́ njesiŋgamoŋ ləm, Gə Bɔ gə́ Njesigənea̰ ləma, Gə Mbai gə́ njemeelom ləm tɔ.

Jeremi 2:15

Ŋgan toboḭje d’inja miḭ Ra ne hər-hər dɔ dee’g, Deḛ d’ar ɓee lə dee to dɔ nduba, Ɓee-booje lə dee roo dula-dula Ar dəw kára kara ra ɓee keneŋ el.

Jeremi 4:7

Toboḭ ḭ loo-kum’g unda loo teḛ ləm, Njetuji ginkoji dəwje gə raŋg lé Uba loo-tée ya̰ Si njaa gə mba tuji ɓee lə sí, Ɓee-booje lə sí d’a tuji pugudu-pugudu ləm, Dəw kára kara a nai keneŋ el ləm tɔ.

Jeremi 44:6

Ma m’ɓugu oŋg gə meekḭ jugugu ləm dɔ dee’g ndá m’roo ɓee-booje gə́ Juda ləm, gə mba̰-rəwje gə́ Jerusalem ləm tɔ ar dee tuji pugudu ləm, ar dee tel to dɔdilaloo ləm tɔ, to gə́ dəwje d’oo ɓogənè lé.

Jeremi 6:8

Dəwje gə́ Jerusalem, Taaje tandooje ləm Nà m’a kɔr rɔm rɔ sí’g, Kar ɓee lə sí tel to dɔdilaloo ləm, Gə ɓee gə́ dəw si keneŋ el ləm tɔ!

Jeremi 7:34

Mee ɓee-booje gə́ Juda gə mba̰-rəwje gə́ Jerusalem lé m’a kar ndu rɔlel gə ndu kalrɔ, gə pakɔs lə njedené-sigi gə pakɔs lə njeŋgao-sigi d’a godo keneŋ, mbata ɓee a tel to dɔ nduba ya.

Nɔ̰-ndôo gə́ wɔji dɔ Jerusalem 5:2

Némajije lə sí lé tel to ka̰ dəw-dɔ-ɓeeje ləm, Kəije lə sí kara tel to ka̰ dəwje gə́ jeḛ n’gər deeje el ləm tɔ.

Ejekel 25:4

ndá gelee gə́ nee ɓa n’a gə kuba sí kya̰ sí meḛ ji njé gə́ Bər’d gə́ né ka̰ dee-deḛ. D’a la ndògoje lə dee mbuna sí’g ləm, d’a ra kəije lə dee keneŋ ləm, d’a sɔ kandə kagje lə sí ləma, d’a kai mbàje lə sí ləm tɔ.

Ejekel 30:12

N’a kar kəm-rəw-manje tudu kurum-kurum ləm, n’a kila ɓee meḛ ji njémeeyèrje’g ləm tɔ, n’a kar ji dəw-dɔ-ɓeeje tuji ɓee gə néje gə́ to keneŋ pugudu-pugudu. Neḛ Njesigənea̰ ɓa m’pa bèe.

Ojee 7:9

Dəw-dɔ-ɓeeje d’ɔr siŋga dee ho̰d, Nɛ deḛ gər el ləm, Ɓuga si taa dee loo Nɛ deḛ gər el ləm tɔ.

Ojee 8:7

Mbata deḛ dubu lel Ndá lel-boo ɓa d’a kinja. D’a kinja dɔ kó nda̰ el, Ko gə́ uba aar jəm lé D’a kiŋga ndujee el tɔ, Esé ɓó lé to keneŋ ndá kara Dəw-dɔ-ɓeeje ɓa d’a sɔ ya.

Ləbije 26:33

M’a sané sí mbuna ginkoji dəwje gə raŋg’g, tɔɓəi m’a kar dee d’orè goo sí ndəŋ gə kiambas tɔ. Ɓee lə sí a to nduba ləm, ɓee-booje lə sí kara d’a tel to dɔdilalooje ləm tɔ.

Ləbije 26:34

Togə́bè ɓa dɔ naŋg lé a kal rəa mee ləb-kwa-rɔje’g ləa lai gə́ yee a to ne dɔ nduba loo gə́ seḭ a síje ne mee ɓee’g lə njéba̰je lə sí, bèe ɓa dɔ naŋg lé a kwa ne rəa ləm, a kal ne rəa mee ləb-kwa-rɔje’g ləa ləm tɔ.

Misee 5:11

N’a kar nésukəmlooje gə́ to ji sí’g tuji ləm, Njétən kéréméje kara d’a godo ləm tɔ.

Misee 6:13

Gelee gə́ nee ɓa n’a kunda sí ne gə nékəmndoo ləm, N’a tuji sí ne mbata lə kaiyaje lə sí ləm tɔ.

Tel tura Godndu 28:33

Koso-dəwje gə́ seḭ a gər deeje el ya d’a sɔ néndɔ lə sí ləm, gə néje lai gə́ seḭ iŋgaje loo-kula’g lə sí ləm tɔ ndá ndɔje lai d’a kula kəm sí ndòo ləm, d’a ra sə sí né gə́ kədərə ləm tɔ.

Tel tura Godndu 28:43

Dəw-dɔ-ɓeeje gə́ d’a si mbuna sí’g lé d’a kḭ kur dɔ sí’d gə́ kédé-kédé ndá seḭ lé seḭ a rəmje gogo gə́ kédé-kédé tɔ.

Tel tura Godndu 29:23

ginkoji dəwje gə raŋg lai d’a pana: See gelee ban ɓa Njesigənea̰ ra ne né gə́ togə́bè gə ɓee nee wa. See gelee ban ɓa boo-oŋg gə́ taa pər togə́bè nee teḛ ne wa.