Esai 1:28 - Maktub gə́ To gə Kəmee

²⁸ Nɛ tuji a koso dɔ deḛ lai Gə́ to njékɔsta-rəwje gə njékaiyaje ləm, Deḛ gə́ d’uba Njesigənea̰ d’yá̰ lé D’a kudu guduru ləm tɔ.

Esai 1:28 ပူးပေါင်းရင်းမြစ်များ

1 Sôrta Gḭka-Israɛlje 28:9

Nɛ i ŋgonəm Salomo̰, maji kari gər Ala lə bɔbije ləm, ra né aree gə meendakaḭ ləma, ndigee gə məəi gə kankəmrɔi bura ləm tɔ mbata Njesigənea̰ to njenaa meekuru lə dəwje lai ləm, gə njegər gin néje lai gə́ d’wɔji meḛ dee’g ləma, gə takə̰jije lə deḛ lai ləm tɔ. Ɓó lé i saŋgee ndá yeḛ a kya̰ loo kari iŋgá, nɛ ɓó lé i ubá yá̰ ndá yeḛ a kubai kya̰’i saar gə no̰ ya tɔ.

2 Sôrta Gḭka Israɛlje 21:10

Kɔstarəw gə́ Edɔmje d’oma̰ ne gə godndu ɓeeko̰ lə Juda lé to saar teḛ mee ndəa gən tɔ. Njé gə́ mee ɓee-boo gə́ Libna kara d’ḭ mee ndəa gən ya tɔ, d’ɔs godndu ɓeeko̰ ləa rəw to mbata Joram lé uba Njesigənea̰ Ala lə bɔbeeje lé ya̰.

2 Sôrta Gḭka Israɛlje 28:23

Yeḛ inja nékinjanéməsje ar magəje lə Damasje gə́ dumee gə rɔ lé ndá yeḛ pana: Mbata magəje lə mbaije gə́ Siri lé ree la sə dee bèe ɓa m’inja ne nékinjanéməsje m’ar dee gə mba kar dee ree la ne səm-ma bèe tɔ. Nɛ deḛ lé tel to gə́ nétuga gɔlee-yeḛ gə Israɛlje lai ar dee d’oso ne.

2 Sôrta Gḭka Israɛlje 28:6

Pékak, ŋgolə Remalia tɔl Judaje gə́ to bao-rɔje lai mee ndɔ gə́ kára ba ya as tɔl-dɔg-loo-tɔl gə dɔ dee rɔ-joo (120.000) mbata deḛ d’uba Njesigənea̰, Ala lə bɔ deeje-je d’yá̰.

Maktub gə́ wɔji dɔ Jɔb 31:3

See tuji lé wɔji dɔ njemeeyèr el wa. See meeko̰ wɔji dɔ njera né kori-kori el wa.

Maktub gə́ wɔji dɔ Jɔb 34:26

Yeḛ kunda dee to gə́ kunda ne njémeeyèrje bèe Kəm dəwje’g lai.

Maktub gə́ wɔji dɔ Jɔb 34:27

Loo gə́ deḛ d’unda rɔ dee ɓad rəa’g ləm, Deḛ d’uba rəw-kabeeje lai d’ya̰ ləm tɔ ndá

Pakɔsje 1:6

Mbata njémeekarabasurje lé Njesigənea̰ gər rəw-kaw dee ya, Nɛ rəw-kaw njékaiyaje lé Ɔm dee loo gə́ d’a gə tuji keneŋ pugudu.

Pakɔsje 104:35

Maji kar njékaiyaje lé Sané pá dɔ naŋg nee ləm, Maji kar njémeeyèrje lé kara Godo ya ləm tɔ. Ŋgaw məəm, maji kari unda no̰ dɔkaisəgərə lə Njesigənea̰ ya! Pidije Njesigənea̰!

Pakɔsje 125:5

Nɛ deḛ gə́ d’un goo rəwje gə́ nduni koŋ-koŋ lé Maji kar Njesigənea̰ tuji dee na̰’d gə njéra némajelje lé. Maji kar meelɔm lé nai dɔ Israɛlje’g ya.

Pakɔsje 37:38

Nɛ njékɔsta-rəwje lai lé d’udu bo̰ ləm, Ŋgaka njémeeyèrje kara d’udu guduru ya ləm tɔ.

Pakɔsje 5:6

Mbə-dəwje d’askəm kaar tar kəmi’g el. Deḛ lai gə́ néra dee to kori-kori lé kara I ə̰ji dee bəḭ-bəḭ ya.

Pakɔsje 73:27

Mbata aa oo, deḛ lai gə́ d’unda rɔ dee rɔi’g ŋgərəŋ gə́ raŋg lé D’udu guduru ya ləm, Deḛ lai gə́ d’ubai d’ya̰’i lé kara D’udu bo̰ ya ləm tɔ.

Pakɔsje 9:5

Mbata i gədm dɔ néram gə́ danasur’g ləm, Gə dɔ ta’g ləm ləm tɔ, I si dɔ kalimbai’g ləi gaŋg ne rəwta gə́ gə dɔ najee.

Pakɔsje 92:9

Ǝi Njesigənea̰, i lé to Njekurdɔloo Gə́ si saar-saar gə nɔḭ ya.

Gosota-Kəmkàrje 29:1

Dəw gə́ kəm kar dee ndaŋgee nɛ yeḛ uba gwɔbkelkwɔi lé A təd njigi-njigi gə́ léegəneeya kar loo gɔlee a godo.

Esai 1:4

Meeko̰ a koso dɔ sí-seḭ Ginkoji dəwje gə́ njékaiyaje, Seḭ gə́ toje koso-dəwje Gə́ njéra né kori-korije ləm, Gə́ ŋgaka njémeeyèrje ləma, Gə́ ŋganje gə́ njéra némajelje ləm tɔ! Seḭ ubaje Njesigənea̰ yá̰je ləm, Seḭ ə̰jije Njemeenda lə Israɛlje bəḭ-bəḭ ləma, Seḭ telje gir sí ilaje areeje ləm tɔ.

Esai 24:20

Dɔ naŋg ləŋg təji-təji To gə́ dəw gə́ kido tɔlee bèe ləm, Yee ləŋg to gə́ kəi-ləw bèe ləm tɔ, Kaiya ləa wɔi dəa’g Ndá yee oso nɛ tel ḭ tar gogo el.

Esai 30:13

Néra kori-kori neelé a kwɔji dɔ sí Asəna gə ndògo-bɔrɔ gə́ ŋgal gə́ ta̰ kédé ɓa aree təd ɓəi Aree teḛ gə́ raga təd kalaŋ gə́ léegəneeya:

Esai 33:14

Njékaiyaje lé deḛ ɓəl mee ɓee gə́ Sio̰’g, Njéra né kori-korije lé d’unda bala tigi-tigi. See na̰ ɓa mbuna sí’g askəm si mbɔr pər gə́ roo loo’g wa. Esé na̰ ɓa mbuna sí’g askəm si mbɔr ndo̰ pərje gə́ to saar-saar gə no̰ lé wa.

Esai 50:1

Njesigənea̰ pa togə́bè pana: Ɓó lé m’tuba ko̰ síje ndá See maktub tḭ-na̰ gə́ m’tubá ne lé ɓa to ra wa. Ulamje see na̰ ɓa mbuna njéɓaŋje’g ləm lé M’wa sí m’aree wa. Aa ooje, ɓó lé seḭ awje ɓər ndá Néra kori-korije lə sí ɓa gə́ gelee ləm, Ɓó lé m’tuba ko̰ síje ndá Kaiyaje lə sí ɓa gə́ gelee ləm tɔ.

Esai 50:11

Aa ooje, seḭ lai gə́ ulaje pər, Seḭ gə́ nérɔje lə sí to gə́ ndo̰ niŋga pər lé Aw njaaje gə goo kṵji pərje lə sí Gə ndo̰ niŋga pərje lə sí gə́ o̰ bilim-bilim lé! Gə goo jim-ma ɓa néje lai neelé D’a teḛ ne dɔ sí’g ləm, Seḭ a toje ne dan némeeko̰’g ləm tɔ.

Esai 58:2

Ndɔje kára-kára lai deḛ saŋgəm, Deḛ ndigi gər rəwje ləm, Asəna gə ginkoji dəwje gə́ ra né gə́ gə dɔ najee Gə́ d’uba godndu Ala lə dee d’ya̰ el ləm, Deḛ dəjim gə mba karm m’ar dee ndukun Gə́ ka̰ gaŋgta gə́ gə dɔ najee ləma, Deḛ d’wɔji mba kar Ala rəm pər gə́ rɔ dee’g ləm tɔ.

Esai 64:6

Dəw kára kara gə́ njeɓar rii Yeḛ gə́ ɔs rəa ɓad mba kɔm səi na̰’d lé godo. Gelee gə́ nee ɓa i iya ne sə sí kəmi, I ya̰ sí ne mba kar sí j’uduje Gə goo néra majelje lə sí.

Esai 65:11

Nɛ seḭ gə́ ubaje Njesigənea̰ yá̰je ləm, Seḭ arje meḛ sí wəi dɔ mbal’g ləa gə́ to gə kəmee ləm, Seḭ undaje ka-nésɔ Mbata lə magə Gad ləma, Seḭ arje mán-nduú rusu ŋgo Mbata lə magə Meni ləm tɔ lé

Esai 66:17

Deḛ gə́ d’unda rɔ dee gə kəmee togo ne rɔ dee D’aw ne gə goo na̰ goo na̰ mee loo-kamnaḭje’g ləm, Gə d’usɔ da-bər ləm tɔ lé Deḛ lai neelé d’a kudu bo̰ ya, Njesigənea̰ ɓa pa bèe.

Esai 66:24

Loo gə́ d’a kunda loo teḛ raga ndá D’a koo nin dəwje gə́ to njékalta kɔs ne ta ləm rəwje, Mbata kuruje gə́ njésɔ deeje lé D’a kwəi nda̰ el ləm, Pər gə́ njeko̰ dee lé kara A kwəi nda̰ el ləm tɔ. Dəwje lai d’a koo dee gə́ né gə́ to ɓəl Gə́ to kḛji kəm dee’g ya.

Jeremi 17:13

Ǝi Njesigənea̰ i lé to nékunda-mee-yel dɔ’g lə Israɛlje! Deḛ lai gə́ d’ubai d’ya̰’i lé D’a nai gə rɔkul. Deḛ gə́ d’unda rɔ dee ŋgərəŋ rɔi’g lé D’a ndaŋg ri dee babur’g, Mbata deḛ d’uba Njesigənea̰ Gə́ to kəm-rəw-mán gə́ aḭ kuji-kuji lé d’ya̰.

Jeremi 44:12

M’a kwa ges Judaje gə́ d’wɔji njaŋg mba kaw mee ɓee gə́ Ejiptə mba kaw si keneŋ lé ndá deḛ lai d’a tuji pugudu ləm, d’a kwəi mburug-mburug mee ɓee gə́ Ejiptə’g ləm tɔ. D’a kwəi yoo-kiambas ləm, gə yoo-ɓoo-boo ləm tɔ un kudee dɔ dəwje gə́ gɔ-gɔ’g saar teḛ ne dɔ dəwje gə́ boo-boo’g tɔ. D’a kwəi yoo-kiambas gə yoo-ɓoo-boo ləm tɔ ndá d’a to nékṵ kunda yoo dɔ’g lə dəwje ləm, gə néɓəl ləm, gə nékila ndɔl dɔ’g ləma, gə nékila rɔkul-boo dɔ’g ləm tɔ.

Ojee 14:9

Seḭ Eprayimje, see ɗi ɓa a raje gə magə-poleje tɔɓəi wa. Ma nja m’a koo tamaji lə Eprayimje ləm, M’a kaa dɔ dee ləm tɔ, M’a to kasəna gə kag-siprɛs gə́ kamee ndòlé el mbata lə dee bèe. Seḭ a kiŋgaje kandə sí rɔm ma’g ya.

1 Njé gə́ Tesalonikə 5:3

Loo gə́ dəwje d’a si pana: Kari ba, loo to maji lɔm ɓəi! ... Ndá léegəneeya tuji a kuba dee naŋg bus asəna gə ndóo gə́ ɔs dené ɓɔḭ ɓa loo kaḭ a godo.

2 Piɛrə 3:7

Tɔɓəi ta gə́ teḛ ta Ala’g lé ɓa dara gə naŋg gə́ ɓasinè lé d’wa ne rɔ deḛ ŋgina ne pər gə́ a ko̰ dee ndɔ gaŋg rəwta’g, ndɔ gə́ dəwje gə́ néra dee to gə goo ka̰ Ala el lé d’a tuji ne ya.

Loo gə́ killa rea kəm Ja̰’g 21:8

Nɛ njérəmje ləm, gə njépole-magəje ləm, gə ram-dəwje ləm, gə njetɔl dəwje ləm, gə njémɔdkaiyaje ləm, gə njékərgosoje ləm, gə njépole-magəje ləma, gə njéŋgɔmje lai ləm tɔ lé deḛ nja d’a kiŋga loo lə dee dan pər gə́ tad rəg-rəg gə́ o̰ bilim-bilim gə́ kṵjee teḛ kas njir-njir lé yee ɓa to gə́ yoo gə́ joo lé ya.

1 Samel 12:25

Nɛ ɓó lé seḭ raje né gə́ majel ndá seḭ a kuduje gə mbai lə sí na̰’d ya.