Esai 1:26 - Maktub gə́ To gə Kəmee

²⁶ N’a tel kunda njégaŋ-rəwtaje lə sí to gə́ kédé ləm, Gə njékwɔjita-kəmkàrje lə sí to gə́ kédé gə́ dɔtar ya ləm tɔ. Gée gə́ gogo ndá d’a kunda ri sí Le ɓee-boo gə́ njéra né gə́ gə dɔ najee-je d’isi keneŋ ləm, Gə ɓee-boo gə́ njékilakojije d’isi keneŋ ləm tɔ.

Esai 1:26 ပူးပေါင်းရင်းမြစ်များ

Esai 1:21

See ban ɓa ɓee-boo gə́ njekila koji lé ya Tel to asəna gə kaiya-dené bèe wa! Kédé lé néra gə́ gə goo rəbee taa loo keneŋ pəl-pəl ləm, Néra gə́ gə dɔ najee ɓa ra ɓee keneŋ ləm tɔ, Nɛ ɓasinè ndá njétɔl dəwje ɓa d’isi keneŋ.

Esai 2:3

Ginkoji dəwje gə raŋg lai d’a ndɔm na̰ keneŋ Ndá d’a pana: Gə́ reeje ar sí j’awje dɔ mbal’g lə Njesigənea̰ ləm, Gə j’awje mee kəi’g lə Ala lə Jakob ləm tɔ Gə mba karee ndoo sí torndiaje Kar sí njaaje ne kila-rəwje’g ləa. Mbata godndu a kḭ Sio̰’g ləm, Ta lə Njesigənea̰ a kḭ Jerusalem ləm tɔ.

Esai 33:5

Njesigənea̰ lé ur dɔ loo’g Mbata yeḛ si dɔ looje gə́ tar, Yeḛ ar néra gə́ danasur gə néra gə́ gə dɔ najee Taa loo pəl-pəl mee ɓee gə́ Sio̰.

Esai 54:14

I a kaar njaŋg gə goo néra gə́ gə dɔ najee, Nékula kəmi ndòo a tibi mbɔri el, Mbata né kára gə́ i a ɓəlee ndəb ne pəd-pəd lé a godo, Mbata a tibi mbɔri nda̰ el.

Esai 60:14

Ŋgalə njékula kəmi ndooje lé D’a ree kula dɔ dee naŋg nɔḭ’g ləm, Deḛ lai gə́ d’ḛjii bəḭ-bəḭ lé D’a ree kunda barmba gin gɔli’g ləm tɔ. D’a ɓari ɓee-boo lə Njesigənea̰, Sio̰ lə Njerɔkunda lə Israɛlje.

Esai 60:21

Koso-dəwje ləi lai D’a to njéra né gə́ gə dɔ najee-je ləm, D’a kiŋga ɓee lé gə́ ka̰ dee gə no̰ ləm tɔ, Yee ɓa to barkəmkag gə́ ma ɓa ma̰a ləm, To kula gə́ jim ɓa ra ləm tɔ Gə mba karee ula rɔnduba dɔm’g.

Jeremi 31:23

Njesigənea̰ gə́ njeboo-néje gə́ to Ala lə Israɛlje pa togə́bè pana: Ta gə́ d’a gə pa mee ɓee gə́ Juda gə mee ɓee-booje’g ləa ɓəi, loo gə́ m’a kar njé’g lə dee gə́ d’aw ɓee-ɓər’g lé tel ree ɓée lé ɓa nee: Maji kar Njesigənea̰ tɔr ndia dɔi’g I gə́ loo-sii to loo-gaŋg-rəwta Gə goo rəbee ləm, I gə́ to dɔ mbal gə́ to gə kəmee ləm tɔ!

Jeremi 33:11

d’a koo ndu pa rɔlel gə ndu pa kalrɔ ləm, gə ndu paje lə njedené-sigi gə njeŋgao-sigi ləm, gə ndu paje lə dee gə́ d’ɔs pana: Pidije Njesigənea̰ gə́ njeboo-néje Mbata Njesigənea̰ lé to njemajidum ləm, Meekɔrjol ləa to saar gə no̰ ləm tɔ. D’a koo ndu paje lə deḛ gə́ d’inja nékinjanéməsje gə́ ka̰ ra oiyo mee kəi’g lə Njesigənea̰ mbata m’a tel ree sə dee, ree kunda dee lée’g neelé to gə́ kédé ya. Njesigənea̰ ɓa pa bèe.

Jeremi 33:7

M’a tel gə Judaje gə Israɛlje gə́ d’wa dee ɓər lé ree sə dee ɓée, ree kunda dee kar dee d’isi to gə́ kédé lé ya.

Ejekel 45:8

Yee ɓa a to dɔ naŋg ləa, a to kea̰-yeḛ mee ɓee gə́ Israɛl, togə́bè ɓa mbaije lə neḛ gə́ njéɓeeje d’a kula kəm koso-dəwje lə neḛ ndòo el ŋga nɛ d’a kya̰ ɓee kar gel-bɔje lə Israɛl gə goo ginkoji lə dee lə dee.

Misee 4:8

Bèe ɓa i dɔdḭ ŋgəm koso-nékulje ləm, Gə dɔdərloo lə ɓee-boo gə́ Jerusalem ləm tɔ lé Ko̰ɓee ləi gə́ ləw lé a tel gə́ rɔi’g, To ɓeeko̰ lə ɓee-boo gə́ Jerusalem tɔ.

Soponi 3:13

Ges Israɛlje gə́ nai lé D’a ra né gə́ kori-kori el ŋga ləm, D’a pata ŋgɔm el ləma, Dəw a kiŋga ta sukəmloo ta dee’g el ləm tɔ, Nɛ d’a kul rɔ dee ləm, d’a kwa rɔ dee ləm tɔ Ndá dəw kára kara a kɔm ɓəl dɔ dee’g el.

Soponi 3:9

Yen ŋga n’a togo ta koso-dəwje karee àr ŋgad-ŋgad Gə mba kar dee-deḛ lai ɓar ne ri Njesigənea̰ ləm, Gə mba kar dee d’ɔm na̰’d téréré D’wa ne neḛ meḛ dee’g ləm tɔ.

Jakari 8:3

Njesigənea̰ pa togə́bè pana: Neḛ n’tel n’ree Sio̰, Neḛ ndigi si dan njé gə́ Jerusalem’g. D’a ɓar Jerusalem lé ɓee-boo gə́ njekila koji ləm, Mbal lə Njesigənea̰ gə́ njeboo-néje lé D’a ɓaree mbal gə́ to gə kəmee ləm tɔ.

Jakari 8:8

N’a ree sə dee ndá d’a si Jerusalem, D’a to koso-dəwje lə neḛ ləm, N’a to Ala lə dee Gə goo kankəmta gə néra gə́ danasur ləm tɔ.

Bula lə Israɛlje 12:3

Ndá Njesigənea̰ oo ta lə dee ya. Lé bèe kara Moyis to njemeekila gə́ ur dɔ dəwje lai gə́ d’isi dɔ naŋg nee ya.

Bula lə Israɛlje 16:15

Oŋg lə Moyis al dəa sula ndá yeḛ ula Njesigənea̰ pana: Nékarje lə dee lé maji kari oo gə́ né el. Ma lé m’taa mulayḛ̀je lə dee kára kara el ləm, m’ra majel gə dəw kára kara mbuna dee’g el ləm tɔ.

Loo gə́ killa rea kəm Ja̰’g 21:27

Né gə́ rara gə́ to né gə́ mina̰ əsé ram-dəw gə́ ula rəa dan néndɔlje’g əsé dan néŋgɔmje’g lé d’a kandə mee ɓee’g neelé el. Deḛ gə́ ri dee to mee maktub kəmə’g lə Ŋgonbad lé ɓa d’a kandə keneŋ ya.