Esai 1:24 - Maktub gə́ To gə Kəmee

²⁴ Gelee gə́ nee ɓa, aa ooje, Ta gə́ Mbaidɔmbaije Ala gə́ njeboo-néje Gə́ to Njesiŋgamoŋ lə Israɛl pa lé ɓa nee: N’a tel tɔl ta oŋg lə neḛ dɔ njékoma̰ sə neḛje’g Ndá n’a dal ba̰ lə neḛ dɔ njéba̰je’g lə neḛ tɔ.

Esai 1:24 ပူးပေါင်းရင်းမြစ်များ

Gḭ-Néje 49:24

Nɛ siŋgamoŋ kag ɓandaŋg ləa to kɔgərɔ ləm, Ji njesiŋgamoŋ gə́ ka̰ Jakob lé Ar siŋga jia-yeḛ lé to ne kɔgərɔ ləm tɔ. Yeḛ tel to ne njekulbadje ləm, Gə kɔr mbal lə Israɛl ləm tɔ.

Pakɔsje 132:2

Yeḛ ubu rəa ar Njesigənea̰ ləm, Yeḛ man rəa ar Njesiŋgamoŋ lə Jakob ləm tɔ pana:

Esai 12:6

Seḭ dəwje gə́ Sio̰, Raje né wəl gə rɔlel gə boo-rɔkal! Mbata Njerɔkunda lə Israɛlje Gə́ to gə́ boo lé aar mbuna sí’g ya.

Esai 30:29

Seḭ a kɔsje pa to gə́ d’ɔs ne pa loo-ra-naḭ’g loondul’g bèe ləm, seḭ a raje rɔlel gə meḛ sí to gə́ dəw gə́ njaa gə ndu buula gə́ ɓar ləm tɔ gə mba kaw ne dɔ mbal’g lə Njesigənea̰, yeḛ gə́ to biri mbal lə Israɛlje tɔ.

Esai 35:4

Ulaje deḛ gə́ meḛ dee to kəgəgə lé pajena: Waje diŋgam meḛ sí’g ɓó ɓəlje el, Aa ooje, Ala lə sí lé yeḛ a ree dal ba̰ lə sí Kuga ne dɔ ji deḛ gə́ ra sə sí majel, Yeḛ a ree gə rəa-yeḛ nja mba kaji sí.

Esai 49:26

Njékula kəm sí ndooje lé M’a kar dee d’usɔ dakasrɔ dee-deḛ ya ləm, M’a kar dee d’ai məs dee karee oso kəm dee’g To gə́ mán-nduú gə́ sigi bèe ləm tɔ. Dəwje lai d’a koo to gə́ ma m’to Njesigənea̰ Gə́ njekaji sí ləm, M’to njekoga dɔ sí Gə́ to njesiŋgamoŋ lə Jakob ləm tɔ.

Esai 59:18

Yeḛ a kuga dɔ ji nana kara Gə goo kula rəa-rəa ləm, Yeḛ a kuga njékoma̰ səaje lé Gə oŋg-boo ləm, Gə njéba̰je ləa togə́bè ləm tɔ. Deḛ gə́ d’isi dɔgoré-looje’g kara A ra sə dee bèe tɔ.

Esai 60:16

I a taa némajije lə ginkoji dəwje gə raŋg To gə́ ŋgon il ne mbà kea̰je bèe ləm, I a taa ka̰ mbaije kara togə́bè ləm tɔ. Bèe ɓa i a gər ne to gə́ ma m’to Njesigənea̰ Gə́ to njekajii ləm, gə njekoga dɔi Gə́ to njesiŋgamoŋ lə Jakob ləm tɔ.

Esai 61:2

Gə mba kam m’ila mber ləb noji lə Njesigənea̰ ləm, Gə kàr dal ba̰ lə Ala lə sí ləma, Gə mba gɔl ne meḛ dee gə́ d’wa ndòo yoo lé ləm tɔ,

Esai 63:4

Mbata ndɔ dalba̰ lé wa məəm ləm, Ləb kuga dɔ dəwje ləm teḛ mba̰ ləm tɔ.

Jeremi 50:34

Nɛ njekoga dɔ dee gə́ ria lə Njesigənea̰ gə́ njeboo-néje lé To njesiŋgamoŋ, Yeḛ a kaḭ rɔ mbata lə dee Gə mba kar ɓee to ne lɔm ləm, Gə mba kɔm ne ɓəl Dɔ deḛ gə́ d’isi Babilɔn ləm tɔ.

Jeremi 9:9

Ma m’ndigi no̰ ndòo Tuma̰ ŋgururu-ŋgururu dɔ mbalje gə́ tar ləm, M’a kun pa no̰ ndòo ndag-loo gə́ to dɔdilaloo’g lé ləm tɔ, Mbata pər roo loo ləm, Dəw kára kara dəs keneŋ el ləma, D’oo ndu no̰ lə nékulje keneŋ el ləm tɔ, Yelje gə́ pə̰ dara’g, gə daje lai d’aḭ sané na̰ kad-kad.

Ejekel 16:42

N’a kar oŋg lə neḛ aw as lée’g béréré dɔi’g ndá i a to néra kəmkəḭ lə neḛ el ŋga, n’a kar mee neḛ to lɔm ləm, n’a kar mee neḛ ḭ sə neḛ jugugu el ŋga ləm tɔ.

Ejekel 21:17

I ŋgon-dəw lé gə́ no̰ tuma̰ ŋgururu-ŋgururu Mbata d’ɔr kiambas neelé Mba rɔ ne gə koso-dəwje lə neḛ ləm, Deḛ rɔ gə mbaije lai Gə́ njéko̰ dəb ɓeeko̰je gə́ Israɛl ləm tɔ, Deḛ d’ɔm dee ta kiambas’g Gə koso-dəwje lə neḛ na̰’d. Bèe ndá, unda dɔ bḭgi ndai-ndai!

Ejekel 5:12

Dəwje lai gə́ kudu munda lé kudu deḛ gə́ kára d’a kwəi yoo-koso ləm, ɓoo-boo a kula kəm dee ndòo mbuna sí’g ləm tɔ, deḛ gə́ kudu kára d’a kwəi yoo-kiambas gugu gir sí sub, tɔɓəi deḛ gə́ kudu kára lé n’a sané dee dan lel’g ndá n’a kɔr kiambas kore ne goo dee tɔ.

Ejekel 5:13

Bèe ɓa n’a kar oŋg lə neḛ aw lée’g béréré ləm, n’a dal ne ba̰ gə boo-oŋg lə neḛ dɔ dee’d gə́ kédé-kédé ləma, n’a kar mee neḛ oso ne naŋg po̰ ləm tɔ. Yee ɓa d’a gər ne to gə́ neḛ Njesigənea̰ m’pata dan oŋg’d lə neḛ loo gə́ neḛ n’ɔm boo-oŋg lə neḛ dɔ dee’g ya.

Tel tura Godndu 28:63

To gə́ kédé lé rɔ Njesigənea̰ lelee gə mba ra sə sí némeemaji ləm, mba kar bula lə sí ḭ dɔ maree’d gə́ kédé-kédé ləm tɔ lé rɔ Njesigənea̰ Ala a tel lelee gə mba tuji sí kar sí uduje guduru tɔ, bèe ɓa yeḛ a kɔr sí ne mee ɓee gə́ seḭ a gə kawje kaw taaje gə́ né ka̰ sí lé.

Tel tura Godndu 32:43

Seḭ ginkoji dəwje gə raŋg ɔsje pa Ulaje ne rɔnduba dɔ koso-dəwje’g ləa! Mbata Njesigənea̰ dal ba̰ məs kuraje ləa ləm, Yeḛ dal ba̰ né gə́ njéba̰je ləa Ra ləm tɔ ndá Yeḛ uga dɔ ɓee ləa ləm Gə dɔ koso-dəwje ləa ləm tɔ.

Ǝbrəje 10:13

Yeḛ si ŋgina ne ndɔ gə́ njéba̰je ləa d’a tel to nétura-gɔl-kɔm ləa.

Loo gə́ killa rea kəm Ja̰’g 18:8

Gelee gə́ nee ɓa tuji-booje d’a koso ne dəa’g mee ndɔ gə́ kára ba’g ya as bèe: yoo ləm, gə kəmndooyoo ləma, gə yoo-ɓoo ləm tɔ ndá pər ɓa d’a rée ne. Mbata Mbaidɔmbaije Ala gə́ njesiŋgamoŋ lé gaŋg rəwta dəa’g ya.