Esai 1:21 - Maktub gə́ To gə Kəmee

²¹ See ban ɓa ɓee-boo gə́ njekila koji lé ya Tel to asəna gə kaiya-dené bèe wa! Kédé lé néra gə́ gə goo rəbee taa loo keneŋ pəl-pəl ləm, Néra gə́ gə dɔ najee ɓa ra ɓee keneŋ ləm tɔ, Nɛ ɓasinè ndá njétɔl dəwje ɓa d’isi keneŋ.

Esai 1:21 ပူးပေါင်းရင်းမြစ်များ

2 Samel 8:15

Dabid o̰ ɓee dɔ Israɛlje’g lai ndá yeḛ ra né danasur ləm, ɔr ne kəmta lə dəwje ləa lai gə goo rəbee ləm tɔ.

2 Sôrta Gḭka Israɛlje 19:9

Yeḛ un ndu togə́bè ar dee pana: Seḭ a raje né gə goo ɓəl gə́ seḭ ɓəlje ne Njesigənea̰ ləm, gə goo ŋgonkoji ləma, gə goo meekarabasur ləm tɔ.

Nehemi 11:1

Mbai dɔ koso-dəwje-je ree d’isi Jerusalem. Ges koso-dəwje ra né asəna gə téḛ bèe mba kiŋga ne dəw kára mbuna deḛ gə́ dɔg’d karee ree si Jerusalem gə́ to ɓee gə́ to gə kəmee gə mba kar deḛ gə́ jinaikara lé d’a nai mee ɓee-booje’g tɔ.

Pakɔsje 46:4

Loo gə́ paŋgəm manje tuga puguju-puguju ar əmə dee uba ŋgug-ŋgug ləma, Ar manje nee d’ḭ d’ar mbalje yə ɓugu-ɓugu ləm tɔ kara Jeḛ m’ɓəl el.

Pakɔsje 48:1

Pakɔs lə Koréje

Pakɔsje 48:8

Deḛ tuba dee d’ɔm dee əw to gə́ lel gə́ ḭ bər lé Təd ne batoje gə́ Tarsis’g kərm-kərm bèe.

Esai 1:22

Larnda lə sí tel to gə́ siḭ-larje ləm, Man-nduú lə sí lé mán ɓa unda badə gaŋgee ləm tɔ.

Esai 26:10

Njémeeyèrje lé ɓó lé dəw oo kəmtondoo lə dee ndá Deḛ ndoo rəw néra gə́ danasur el, Deḛ d’ya̰ rɔ dee yag dan néra gə́ majel’g Mee ɓee gə́ néra gə́ danasur to keneŋ tɔ ndá, Deḛ d’oo boo-ronduba lə Njesigənea̰ gə́ né el.

Esai 48:2

Mbata deḛ d’unda ri ɓee-boo gə́ to gə kəmee dɔ dee’g ləm, Deḛ nduna rɔ dee rɔ Ala lə Israɛlje’d Gə́ ria lə Njesigənea̰ gə́ njeboo-néje ləm tɔ.

Esai 5:7

Ndɔ-nduú lə Njesigənea̰ gə́ njeboo-néje lé Yee ɓa to gel-bɔje lə Israɛl. Dəwje gə́ Juda lé To gə́ loo ndɔ gə́ yeḛ unda dan kəmee’g. Yeḛ unda mée yel gə mba koo ne néra gə́ danasur rɔ dee’g Nɛ aa ooje, məs ɓa d’ila! Yeḛ unda mée yel gə mba koo ne néra gə́ gə dɔ najee Nɛ aa ooje, ndu kii no̰ ndòo ɓa oo keneŋ!

Esai 59:14

Bèe ɓa néra gə́ gə dɔ najee rəm gə́ gée-gée ləm, Kaji kara nai ne sə sí əw ləm tɔ, Mbata d’orè dɔ kankəmta naŋg ndaa-loo’g ləm, Néra gə́ danasur iŋga loo tibi mbɔr sí el ləm tɔ.

Esai 59:15

Kankəmta sané pá ləm, Dəw gə́ unda rəa ɓad dɔ néra gə́ majel’g ndá Deḛ taa néje ləa lai gə́ taa ləm tɔ. Njesigənea̰ aa loo gə kəm dɔbee Oo to gə́ néra gə́ danasur godo.

Esai 59:3

Mbata məs wa ji sí mbəgə-mbəgə ləm, Ŋgan ji sí ra néje gə́ majel ləm tɔ, Taŋgɔm rusu ta sí tub-tub ləm, Ndo̰ sí teḛ gə ta néra gə́ kori-kori ləm tɔ.

Jeremi 3:1

Njesigənea̰ pana: Ɓó lé diŋgam tuba dené ləa Ɓa dené neelé ubá yá̰ Tel to dené lə dəw gə́ raŋg lé See diŋgam neelé a tel kaw rəa’g ɓəi wa. See ɓee neelé a tel mina̰ gə mbəa el wa. Nɛ seḭ lé seḭ toje asəna Gə kaiya-denéje kəm njéndigi síje gə́ bula lé Ɓa seḭ a gə tel reeje rɔm’g ɓəi! Njesigənea̰ ɓa pa bèe.

Ojee 2:5

Ɓó lé bèe el ndá n’a tɔr kubu rəa’g, Kyán kudee dum to gə́ ndɔ kojee’g bèe ləm, N’a karee to asəna gə dɔdilaloo gə́ tudu kurum-kurum bèe ləma, N’a karee wəi yoo-kunda-mán ləm tɔ.

Habakuk 1:4

Bèe ɓa godndu lé siŋgá godo ne ləm, Rəwta-gaŋg kara kul ne kwɔji-kwɔji ləm tɔ, Mbata njemeeyèr lé dum dɔ njera nédana ləm, Njégaŋ-rəwtaje gaŋg ne ta gə goo rəbee el ləm tɔ.

Jakari 8:3

Njesigənea̰ pa togə́bè pana: Neḛ n’tel n’ree Sio̰, Neḛ ndigi si dan njé gə́ Jerusalem’g. D’a ɓar Jerusalem lé ɓee-boo gə́ njekila koji ləm, Mbal lə Njesigənea̰ gə́ njeboo-néje lé D’a ɓaree mbal gə́ to gə kəmee ləm tɔ.

Lugu 13:34

Jerusalem, Jerusalem, i gə́ tila njéteggintaje gə́ d’ula dee rɔi’g gə kɔri-ər tɔl dee lé see gɔl ka̰da ɓa ma m’ndiŋga rɔm gə mba mbo̰ ŋgani gelm’g to gə́ ko̰ kṵja mbo̰ ne ŋganee gel bagee’d bèe nɛ seḭ ndigije el nee wa.

Néra Njékaḭkulaje 7:52

See njéteggintaje gə́ ra ɓa bɔ síje lé lal kula kəm dee ndòo wa. Deḛ tɔl deḛ gə́ d’ila mber ta ree lə Njemeekarabasur kédé lé yeḛ gə́ seḭ nja wáje uláje ji dee’g ɓasinè ləm, seḭ nja toje gə́ njétɔleeje ləm tɔ.

Ǝbrəje 12:22

Nɛ seḭ lé seḭ rəmje pər gə́ mbɔr mbal gə́ Sio̰, ɓee-si Ala gə́ Njesikəmba gə́ to Jerusalem gə́ dara ləm, gə́ loo gə́ dəwje gə́ dara d’isi keneŋ tap-tap nduba rɔ dee ləm,

Loo gə́ killa rea kəm Ja̰’g 11:2

Nɛ maji kam m’ya̰ dan mee ndògo gə́ raga ɓó m’wɔjee el, mbata to loo-kaar lə ginkoji dəwje gə raŋg ndá ɓee gə́ to gə kəmee doi lé d’a gə tuba naŋg mbaji-mbaji as naḭ rɔ-sɔ-giree-joo.

Loo gə́ killa rea kəm Ja̰’g 11:8

Yoo dee a to naŋg ŋgaŋ nada mee ɓee-boo’g gə́ d’unda ria gə goso d’wɔji ne dɔ Sɔdɔm gə Ejiptə ləm, gə ɓee gə́ ɗar Mbaidɔmbaije lə dee kaar kag’d keneŋ ləm tɔ.

Loo gə́ killa rea kəm Ja̰’g 17:1

Tɔɓəi kura gə́ dara kára mbuna deḛ gə́ siri gə́ d’aar gə bai gə́ siri ji dee’g lé ulam ta pana: Maji kari gə́ ree, m’a kari oo rəwta-gaŋg gə́ d’a gə gaŋg dɔ kaiya-dené’g yeḛ gə́ nérea to ɓəl kədm-kədm gə́ si dɔ mán baa-boo’g lé.