Esai 1:18 - Maktub gə́ To gə Kəmee

¹⁸ Njesigənea̰ pana: Gə́ reeje ar sí j’ɔrje kəmta lə sí j’arje na̰! Ɓó lé kaiyaje lə sí kas gəḭ ndá D’a tel ndá kələw-kələw Asəna gə bèl kəwje bèe, Ɓó lé deḛ kas njir-njir ndá D’a tel to asəna gə bḭ kubu bèe.

Esai 1:18 ပူးပေါင်းရင်းမြစ်များ

Maktub gə́ wɔji dɔ Jɔb 9:33

Dəw gə́ to njekaar dan sí’g Gə́ ila jia dɔ sí’g joo bɔr lé godo.

Pakɔsje 51:7

Aa oo, d’ojim dan néra gə́ kori-kori’g ləm, Kɔm kara taa kèm ləm dan kaiya’g ləm tɔ.

Pakɔsje 51:9

Maji kari ɔr wonm gə barkəm gərgənd ndá m’a kàr ne ŋgad-ŋgad, Togəm ndá m’a tel ndá dum kwɔji.

Esai 1:23

Mbaije lə sí to njékɔsta-rəwje ləm, Gə njékɔm na̰’d gə njéɓogoje ləm tɔ. Deḛ lai ndigi néndogo-gel ləm, D’aiŋgwɔd goo nédɔji dee’g ləm, Deḛ d’ɔr kəmta lə ŋgonal Gə goo rəbee el ləma, Deḛ d’ya̰ loo d’ar njekəisiŋga Ree gə ta ləa rɔ dee’g el ləm tɔ.

Esai 3:13

Njesigənea̰ ree gə mba kɔr kəm ta lé ləm, Yeḛ aar tar mba gaŋg rəwta dɔ koso-dəwje’g ləm tɔ.

Esai 41:1

Seḭ gə́ síje dɔgoré-looje’g lé Maji kar sí síje mundu ooje ta ləm! Maji kar koso-dəwje d’ar siŋga dee ḭ dɔ maree’g ləm, Maji kar dee rəm pər gə mba pata ləm tɔ! Ar sí n’rəmje pər gə mba kɔr kəm ta lə na̰.

Esai 41:21

Njesigənea̰ pana: Ɔrje kəm ta lə sí, Mbai lə ŋgaka Jakob pana: Teḛje gə ta lə sí gə́ kəm taa ne dɔ rɔ sí.

Esai 44:22

Ma m’bɔr nékaltaje lə sí mbɔji Asəna gə kil-lə-ndi gə́ dəs bèe ləm, M’bɔr kaiyaje lə sí mbɔji Asəna gə mum gə́ sané bèe ləm tɔ, Gə́ telje reeje rɔm’g Mbata ma m’uga dɔ sí mba̰.

Esai 50:8

Yeḛ gə́ njekɔr ta dɔm’g aar mbɔrm’g dəb, See na̰ ɓa a maḭ səm ta wa. Ar sí j’iŋga na̰ no̰ njegaŋ-rəwta’g. See na̰ ɓa to njeba̰ ləm wa. Maji karee ree iŋgam!

Esai 55:7

Maji kar njemeeyèr uba goo rəw ləa ya̰ ləm, Maji kar dəw gə́ njera né kori-kori uba goo takə̰jije ləa ya̰ ləm tɔ, Maji karee tel ree rɔ Njesigənea̰’g Mbata yeḛ a koo kəmtondoo ləa ləm, Maji karee tel ree rɔ Ala’g lə sí Gə́ rəa asee dɔ meekoso lemsé’g el ləm tɔ.

Jeremi 2:5

Njesigənea̰ pa togə́bè pana: See néra gə́ kori-kori ɗi ɓa Bɔ síje-je d’oo rɔm’g ɓa D’unda ne rɔ dee ŋgərəŋ rɔm’g D’aw ne goo néje gə́ gə mḭdé ba Gə́ ar dee-deḛ nja kara Tel to né gə́ gə mḭdé ba lé wa.

Ejekel 18:27

Ɓó lé njemeeyèr ya̰ goo meeyèr ləa ra né gə́ danasur ləm, gə né gə́ gə dɔ najee ləm tɔ ndá yeḛ a si ne kəmba ya.

Ejekel 33:16

Kaiyaje lai gə́ yeḛ ra lé n’a kar mee neḛ wəi dɔ’g, yeḛ ra né gə́ danasur ləm, gə né gə́ gə dɔ najee ləm tɔ ndá yeḛ a si kəmba.

Misee 6:2

Seḭ mbalje ləm gə gin naŋgje gə́ ŋgəŋgje ŋgəŋ-ŋgəŋ lé Maji kar sí ooje ta gə́ Njesigənea̰ pa. Mbata Njesigənea̰ aw gə koso-dəwje ləa gə ta ləm, Yeḛ ndigi dəji Israɛlje gel néra dee ləm tɔ.

Néra Njékaḭkulaje 17:2

Pool andə aw keneŋ mbata to nérea. Yeḛ wɔji sə dee ta as ndɔ-kwa-rɔ munda, ɔr ne goo ta gə́ to mee maktub’g gə́ to gə kəmee.

Néra Njékaḭkulaje 18:4

Gə ndɔ-kwa-rɔ kára-kára lai lé Pool ɔr ginta kəi-kwa-dɔ-na̰’g lə dee oma̰ ne gə Jibje gə Grekje.

Néra Njékaḭkulaje 24:25

Nɛ loo gə́ Pool pata wɔji ne dɔ meekarabasur ləm, gə kunda kəmkàr dɔ rɔ’g ləma, gə rəwta-gaŋg gə́ a gə ree ləm tɔ ndá Pelis ɓəl ulá pana: Sa rɔi ɓasinè aw. Loo gə́ m’a kiŋga loo ɓa m’a kula-kula ɓari ɓəi.

Njé gə́ Rɔmə 5:20

Godndu Moyis lé ree gə mba kila kalta gə́ raga kɔd, nɛ loo gə́ kaiya kila rəa keneŋ ndá noji ɓa turu dəa pubug

Loo gə́ killa rea kəm Ja̰’g 7:14

Ma m’ula m’pana: Mbai ləm, i gər gao ya. Yeḛ ilam keneŋ pana: Deḛ lé d’ḭ dan némeeko̰ gə́ boo ya, deḛ togo kubuje lə dee ndá məs Ŋgonbad ɓa d’ar kubuje lə dee àr ne raŋg-raŋg.

1 Samel 12:7

Ɓasinè, aarje gèŋ mba kam m’ɔr kəm ta lə sí no̰ Njesigənea̰’g dɔ némajije lai gə́ Njesigənea̰ ra ar sí ləm, gə ra ar bɔ síje-je ləm tɔ.