Esai 1:16 - Maktub gə́ To gə Kəmee

¹⁶ Togoje rɔ sí, Gə mba kàr ne ŋgad-ŋgad, Néra sí gə́ majel lé Ɔrje kəm’d gə́ gogo, Ǝwje rɔ sí raje né gə́ majel.

Esai 1:16 ပူးပေါင်းရင်းမြစ်များ

2 Mbaije 17:13

Njesigənea̰ ar njéteggintaje ləa gə njékaḭkulaje ləa lai ndəji Israɛlje gə Judaje d’ula dee ne pana: Maji kar dee d’ya̰ goo rəw néraje gə́ majel lə dee ləm, d’aa dɔ ndukunje lə neḛ gə godnduje lə neḛ ləma, d’un ne goo godndu gə́ neḛ n’ar bɔ deeje-je lé lad-lad ləma, gə n’ula ne kuraje lə neḛ gə njéteggintaje lə neḛ rɔ dee’g gə mbəa ləm tɔ.

Pakɔsje 26:6

M’togo jim m’riba ne dɔ ta gə́ wa dɔm el lé, Ndá əi Njesigənea̰, yee ɓa m’njaa m’gugu ne dɔ loo-nékinjaməs ləi lé!

Pakɔsje 34:14

Maji kari ɔg ndɔḭ dɔ ta gə́ majel’g ləm. Maji kari ɔg tai dɔ taje gə́ ka̰ su kəm loo’g lé ləm tɔ.

Pakɔsje 37:27

Maji kari unda rɔi ɓad dɔ néra gə́ majel’g ndá Ra né gə́ maji, Bèe ɓa i a kiŋga ne loo-sii saar gə no̰.

Pakɔsje 51:2

Loo gə́ Natan njetegginta lé ree rəa’g gə goo kaw gə́ Dabid aw ne rɔ Bat-Seba’g lé.

Gosota-Kəmkàrje 21:3

Ra né gə́ gə dɔ najee ləm gə né gə́ danasur ləm tɔ lé Yee ɓa Njesigənea̰ oo gə́ né gə́ maji unda nékinjanéməsje ya.

Gosota-Kəmkàrje 4:27

Maji kari tel aw gə́ dɔkɔl əsé dɔgel el ləm, Ila gɔli rəw gə́ majel’g el ləm tɔ.

Esai 52:11

Ḭje lée’g neelé undaje loo teḛje, gə́ teḛje ya! Tibije mbɔr né gə́ mina̰ kára kara el! Saaje rɔ sí rɔ dee’g. Ɔrje won kaiya rɔ sí’g, Seḭ gə́ odoje nékulaje lə Njesigənea̰ lé!

Jeremi 18:11

Ɓasinè, maji kam m’pata m’ar dəwje gə́ Juda ləm, gə deḛ gə́ d’isi Jerusalem ləm tɔ pana: Njesigənea̰ pa togə́bè pana: Aa ooje, neḛ n’wa dɔ gɔl némeeko̰ mba ra sə sí ləm, neḛ n’la̰ji ta né mba ra sə sí ləm tɔ. Maji kar sí gɔlje rəw-kaw sí ləm, gə kula ra sí ləm tɔ.

Jeremi 25:5

Deḛ pana: Nana kara maji karee ɔs badm tel ya̰ rəw-kabee gə́ majel ləm, ya̰ goo néra meeyèrje ləa ləm tɔ ndá seḭ a síje mee ɓee gə́ n’ar sí-seḭ gə bɔ síje-je lé saar-saar gə no̰.

Jeremi 26:3

Banelə d’a koo ta ləm kar nana kara ɔs badm tel ya̰ goo rəw-kabee gə́ majel. Bèe ɓa m’a kya̰ goo némajel gə́ m’wɔji gə mba ra sə dee mbata néra majelje lə dee lé.

Jeremi 35:15

Ma m’ula kuraje ləm lai gə́ to njéteggintaje rɔ sí’g, un kudee gə ndɔ rad ya m’ula dee m’ar dee d’aw d’ula sí pana: Ɔsje badm telje dɔ panjaa sí gə́ majel’g ləm, tel gɔlje néra síje ləma, awje goo magəje gə mba pole dee el ləm tɔ ndá seḭ a síje mee ɓee gə́ m’ar sí ləm, gə m’ar bɔ síje-je ləm tɔ. Nɛ seḭ tugaje mbi sí ooje ne ta ləm el ləm, seḭ unje mbi sí rəw dɔ’g ləm tɔ.

Jeremi 4:14

Seḭ gə́ Jerusalem, maji kar sí togoje Némajel gə́ to dɔɓəŋgərə sí’g Ɓó gə ajije ne! See saar ndɔ gə́ ra ɓa seḭ a kundaje ŋgaŋ Ŋgəm takə̰jije gə́ majel meḛ sí’g wa.

Amɔs 5:15

Maji kar sí ə̰jije néra gə́ majel bəḭ-bəḭ, Nɛ undaje néra gə́ maji ɓa dan kəm sí’g, Maji kar sí gaŋgje rəwta gə́ gə dɔ najee tarəwkɔg’d lé ɓa, Banelə Njesigənea̰, Ala gə́ njeboo-néje lé A koo kəmtondoo lə ges ŋgaka Jisəb gə́ nai lé ɓəi.

Junas 3:8

Nɛ maji kar dee d’ula kubu-kwa-ndòo rɔ dee’g, dəwje ləm, gə daje ləm tɔ kar dee d’ɔr ndu dee gə́ tar wəl no̰ ne gə kaar gəd rɔ Ala’g lé. Maji kar dəwje kára-kára lai lé d’uba goo néra deeje gə́ majel ləm, gə goo néra gə́ kərm-kərm gə́ ji dee ɓa ra lé ləm tɔ d’ya̰.

Jakari 13:1

Mee ndəa’g neelé kəm-rəw-mán a to tag mba togo ne kaiya gə né gə́ mina̰ lə gel-bɔje lə Dabid ləm, gə ka̰ njé gə́ Jerusalem ləm tɔ.

Jakari 7:7

See seḭ gərje ta néje gə́ Njesigənea̰ pa gə ndu njéteggintaje gə́ dɔtar loo gə́ dəwje d’isi gə meekulɔm mee ɓee gə́ Jerusalem ləm, gə mee ɓeeje gə́ gugu dəa sub ləm, gə loo gə́ par gə́ dɔkɔl ləma, gə ndag-loo’g ləm tɔ lé el wa.

Matiyo 3:8

Maji kar sí arje néra sí wa bua tapa sí loo gə́ seḭ waje ndòo rɔ sí dɔ kaiya’g lə sí

Néra Njékaḭkulaje 22:16

Bèe ndá ɓasinè see i si ŋgina ɗi ɓəi wa. Uba naŋg ḭta ɓar ri Mbaidɔmbaije ɓa ar dee rai ne batɛm togo ne kaiya məəi’g.

Njé gə́ Rɔmə 12:9

Maji kar meenoji lə sí to meenoji gə́ gəd ya. Undaje né gə́ majel ɓad gə́ raŋg nɛ rḛ́je dɔ néra gə́ maji’g rḛ́-rḛ́.

2 Njé gə́ Kɔrḭtə 7:1

Seḭ gə́ m’unda sí dan kəm’g lé to gə́ ndukunje nee gə́ yeḛ un ar sí to togə́bè ndá ar sí n’togoje néje gə́ mina̰ gə́ gə ria-ria gə́ tia̰ darɔ sí’g gə ndil sí’g ləm, ar sí m’ɓəlje Ala mba kar meenda lə sí maji ɔr njoroŋ ləm tɔ.

Maktub gə́ Jak ula ne ar ngan-Allaje 4:8

Rəmje pər gə́ rɔ Ala’g ndá yeḛ a rəm pər gə́ rɔ sí’g tɔ. Seḭ kaiya-dəwje, togoje ji sí, seḭ gə́ meḛ sí bəŋgərə sí lé ɔrje won kaiya meḛ sí’g tɔ.

1 Piɛrə 2:1

Bèe ndá meeyèrje gə́ ɓəd-ɓəd ləm, gə gosɔyèr gə́ ɓəd-ɓəd ləm, gə meekas gə́ ria-ria ləm, gə kəmkəḭ ləma, gə ta gə́ tədje ləm tɔ lé uba deeje ya̰ deeje.

1 Piɛrə 3:11

Maji karee unda rəa ɓad dɔ néra gə́ majel’g Ndá ra né gə́ maji ləm, Maji karee saŋg meelɔm ɓa ai ne mée keneŋ sam-sam ləm tɔ.

Loo gə́ killa rea kəm Ja̰’g 7:14

Ma m’ula m’pana: Mbai ləm, i gər gao ya. Yeḛ ilam keneŋ pana: Deḛ lé d’ḭ dan némeeko̰ gə́ boo ya, deḛ togo kubuje lə dee ndá məs Ŋgonbad ɓa d’ar kubuje lə dee àr ne raŋg-raŋg.