Esai 1:13 - Maktub gə́ To gə Kəmee

¹³ Nékarje gə́ gə mḭdé-mḭdé lé Ǝwje rɔ sí reeje ne, Né gə́ ə̰də sululu ləm, Gə ndɔ ra naḭje gə́ teḛ sigi ləm, Gə ndɔ-kwa-rɔ ləma, Gə loo-mbo̰-dɔ-na̰je ləm tɔ lé To kḛji kəm’g, Gə mba kar néra gə́ kori-kori ɔm na̰’d Gə loo-kwa-dɔ-na̰ gə́ to gə kəmee lé Ma m’ndigi koo el.

Esai 1:13 ပူးပေါင်းရင်းမြစ်များ

2 Mbaije 4:23

Yeḛ dəjee pana: See gelee gə́ ban ɓa i ndigi kaw ɓee ləa ɓogənè wa. To naḭ gə́ teḛ sigi el ləm, to ndɔ-kwa-rɔ el ləm tɔ. Yeḛ ilá keneŋ pana: M’a kaw kari ya.

1 Sôrta Gḭka-Israɛlje 23:31

gə mba kinja ne nékinjanéməsje lai gə́ ka̰ roo kar Njesigənea̰ gə ndɔ-kwa-rɔje ləm, gə naḭje gə́ teḛ sigi ləma, gə naḭje gə́ raŋg ləm tɔ, gə goo bula lə néje lai gə́ godndu wɔji lé ta-ta no̰ Njesigənea̰’g.

Pakɔsje 78:40

Gɔl bula ndá deḛ d’ḭ d’oma̰ səa dɔdilaloo’g ləm, Gɔl bula ndá d’ar oŋg ḭ səa dɔ dee’g Mee looje gə́ tudu kurum-kurum’g ləm tɔ.

Teḛ-Raga 12:16

Ndɔ gə́ dɔtar lé a to ndɔ mbo̰ dɔ na̰ lə sí gə́ to gə kəmee ləm tɔ. Mee ndəaje’g neelé seḭ a raje kula kára kara keneŋ el, nɛ seḭ a raje nésɔ lə sí lə sí ɓa.

Gosota-Kəmkàrje 21:27

Nékinjaməs lə njémeeyèrje to né gə́ mina̰, Nɛ ɓəd ɓəi ɓa see loo gə́ deḛ d’un d’ar Gə takə̰ji lə deḛ gə́ yèr lé ɓəi wa.

Gosota-Kəmkàrje 7:14

Nékinjaməs gə́ ka̰ meekulɔm to rɔm’g nee, Ɓogənè m’tɔl ta ndukun ləm bém ŋga.

Esai 66:23

Gə naḭ gə́ teḛ sigi-sigi-je lai lé ləm, Gə ndɔ-kwa-rɔje kára-kára lai ləm tɔ lé Dəwje lai d’a ree kunda barmba naŋg nɔm’g, Njesigənea̰ ɓa pa bèe.

Esai 66:3

Dəw gə́ tɔl bɔ maŋg gə́ nékinjaməs lé Yeḛ tɔl dəw bèe ya ləm, Dəw gə́ inja ŋgon badə gə́ nékinjaməs lé Yeḛ təd gwɔb bisi bèe ya ləm, Dəw gə́ un nékar gə́ to nduji lé Yeḛ saga məs da-bər bèe ya ləma, Dəw gə́ tuu né gə́ ə̰də sululu lé Yeḛ wa magəje mée’g bèe ya ləm tɔ. Deḛ lai neelé d’ɔr kəm rəwje lə dee Mba njaa keneŋ ləm, Meḛ dee lel dee dɔ néje’g lə deḛ gə́ mina̰ ləm tɔ.

Nɔ̰-ndôo gə́ wɔji dɔ Jerusalem 2:6

Yeḛ wa ndògo-bɔrɔ gə́ gugu dɔ ɓee-boo ləa Gə́ to gə kəmee unda naŋg rab-rab ləm, Loo-kwa-dɔ-na̰ ləa kara yeḛ tuji pugudu-pugudu ya ləm tɔ. Njesigənea̰ ar meḛ njé gə́ Sio̰ wəi Dɔ ndɔ ra naḭje’g ləm, Gə dɔ ndɔ-kwa-rɔje’g ləm tɔ. Dan oŋg-boo’g ləa lé Yeḛ un kəmee rəw dɔ mbai’g ləm, Gə dɔ njekinjanéməs’g ləm tɔ.

Ejekel 20:39

Seḭ gel-bɔje lə Israɛl lé Mbaidɔmbaije gə́ Njesigənea̰ pa togə́bè pana: Awje, nana kara aw pole magəje ləa-ləa! Nɛ gée’g gogo ndá seḭ a kooje ta lə neḛ ləm, seḭ a kilaje ndɔl dɔ ri neḛ’d gə́ to gə kəmee gə nékarje lə sí gə magə-poleje lə sí el ŋga ləm tɔ.

Ojee 2:11

Gelee gə́ nee ɓa n’a tel taa kó lə neḛ mee ndɔ kḭjá’g ləm, Gə mán-nduú mee naḭyee’g ləma, N’a kɔr kubu lə neḛ gə́ bḭ-maji Gə kubu gə́ d’ṵji gə kúla palégal Gə́ yeḛ o̰ ne kudee lé rəa’g ləm tɔ.

Joɛl 1:14

Ilaje mbər kɔg-mee-ɓoo ləm, Gə kwa-dɔ-na̰ gə́ to gə kəmee ləm tɔ! Mbo̰je ɓugaje gə dəwje lai gə́ mee ɓee’g Mee kəi’g lə Ala lə sí gə́ Njesigənea̰ Ndá raje né wəl arje Njesigənea̰!

Joɛl 2:15

Imje to̰to̰ mee ɓee gə́ Sio̰’g! Ilaje mbər kɔg-mee-ɓoo ləm, Gə kwa-dɔ-na̰ gə́ to gə kəmee ləm tɔ.

Ləbije 26:31

M’a kar ɓee-booje lə sí tel to dɔ nduba ləm, m’a tuji looje lə sí gə́ to gə kəmee ləma, néje lə sí gə́ d’ə̰də sululu lé kara m’a taa baḭ dee el ləm tɔ.

Malasi 1:10

See na̰ ɓa mbuna sí’g a kudu tarəwje mba kɔg sí kar sí yelje pər loo-nékinjaməs’g ləm wa. Ma m’iŋga rɔlel kára kara rɔ sí’g el, Njesigənea̰ gə́ njeboo-néje lé pa bèe. Nékarje gə́ to ji sí’g kara taa kəm el ŋga.

Bula lə Israɛlje 10:2

Maji kari ar dee ra to̰to̰je joo gə larnda, i a ra dee gə larnda gə́ ra kəi-kɔrɔ. D’a to néɓar koso-dəwje kar dee mbo̰ dɔ na̰ ləm, gə mba kar dee d’ḭ d’aw ne kédé ləm tɔ.

Matiyo 15:9

Deḛ tədkagm gə mḭdé-mḭdé ba Ndoo dee ne ndukunje gə́ to gə́ torndu dəwje ba.

Lugu 11:42

Nɛ seḭ Parisiḛje lé meeko̰ a koso dɔ sí’g. Mbata seḭ kaije ta kamnaḭje lə sí gə́ ri dee lə mantə gə ruə gə kamnaḭje gə́ gə ria-ria lé loo dɔg ndá unje təa kára-kára arje Ala, nɛ meekarabasur gə meenoji gə́ ka̰ Ala lé seḭ ubaje ya̰je. Néje neelé ɓa kəm kar sí oreeje kəm sí keneŋ sḭ raje ɓó a lal kya̰ ne néje gə́ raŋg lé el tɔ.

1 Njé gə́ Kɔrḭtə 11:17

Ta neelé ma m’pa m’ndəji sí ne ɓó ma m’pidi sí ne el, mbata loo gə́ seḭ waje dɔ na̰ lé seḭ tel toje ne majel ur dɔ nje gə́ kédé ɓó seḭ tel toje ne maji dum el.

Njé gə́ Epesə 4:30

Ndilmeenda lə Ala gə́ ɔr sí unda sí gə kəmee gə dɔ jia saar kar ndɔ kuga sí a teḛ lé ulaje kəmee ndòo el.

Njé gə́ Pilibə 1:15

Tɔgərɔ, njé gə́ na̰je lé kəmkəḭ gə maḭta ɓa ar dee d’ila ne mber ta lə Kristi ya nɛ njé gə́ raŋg lé d’orè mber kila lə dee gə meemaji tɔ.