Esai 1:1 - Maktub gə́ To gə Kəmee

¹ Ndərta gə́ inja kəm Esai, ŋgolə Amots’g aree oo wɔji ne dɔ Judaje gə Jerusalemje mee ndəa gə́ Ojias gə Jotam gə Akaj gə Ejekias to ne mbaije gə́ Juda lé.

Esai 1:1 ပူးပေါင်းရင်းမြစ်များ

2 Mbaije 15:1

Ləb ko̰ɓee lə Jeroboam, mbai gə́ Israɛl gə́ njekɔm’g rɔ-joo-giree-siri ɓa Ajaria, ŋgolə Amasia, mbai gə́ Juda un kudu ko̰ ne ɓee.

2 Mbaije 15:13

Salum, ŋgolə Jabes un kudu ko̰ɓee mee ləb ko̰ɓee’g lə Ojias, mbai gə́ Juda gə́ njekɔm’g rɔ-munda-giree-jinaikara. Yeḛ si Samari o̰ ne ɓee as naḭ kára.

2 Mbaije 15:32

Ləb ko̰ɓee lə Péka, ŋgolə Remalia, mbai gə́ Israɛl gə́ njekɔm’g joo lé Jotam, ŋgolə Ojias, mbai gə́ Juda ɓa un kudu ko̰ɓee.

2 Mbaije 15:7

Ajaria wəi ndá deḛ dubee dɔɓar bɔbeeje-je’g mee ɓee-boo’g lə Dabid. Bèe ɓa ŋgonee Jotam o̰ ne ɓee toree’g.

2 Mbaije 18:1

Mee ləb ko̰ɓee’g lə Ojee, ŋgolə Ela, mbai gə́ Israɛl gə́ njekɔm’g munda lé ɓa Ejekias, ŋgolə Akas, mbai gə́ Juda un kudu ko̰ɓee keneŋ.

2 Mbaije 19:2

Yeḛ ula Eliakim, mbai dɔ njémeekəije lə mbai ləm, gə Sebna, njendaji-maktub ləma, gə njékinjanéməsje gə́ tɔg d’unda mar deeje ləm tɔ ar dee d’ula kubu-kwa-ndòo ndá d’aw ne rɔ Esai, njetegginta gə́ to ŋgolə Amots lé ɓəi.

2 Sôrta Gḭka Israɛlje 26:1

Koso-dəwje gə́ Juda lai d’ɔr Ojias gə́ ra ləbee dɔg-giree-misa̰ d’undá gə́ mbai tor bɔbeeje gə́ Amasia’g.

2 Sôrta Gḭka Israɛlje 26:22

Ges sorta néraje lə Ojias gə́ dɔtar ləm, gə njé gə́ rudu ləm tɔ lé njetegginta Esai, ŋgolə Amots ɓa ndaŋg taree mee maktub’g.

2 Sôrta Gḭka Israɛlje 27:1

Jotam lé ləbee as rɔ-joo-giree-mi ɓa yeḛ tel to mbai ndá yeḛ si Jerusalem o̰ ne ɓee as ləb dɔg-giree-misa̰. Kea̰je ria lə Jerusa, ŋgolə Sadɔk.

2 Sôrta Gḭka Israɛlje 28:1

Ahas lé ləbee as rɔ-joo ɓa yeḛ tel to mbai ɓəi ndá yeḛ si Jerusalem o̰ ne ɓee as ləb dɔg-giree-misa̰. Yeḛ ra né gə́ danasur kəm Njesigənea̰’g to gə́ keaje Dabid bèe el.

2 Sôrta Gḭka Israɛlje 29:33

Tɔɓəi bɔ maŋgje tɔl-misa̰ (600) ləm, gə bàl badje tɔl-dɔg-loo-munda (3.000) ləm tɔ lé d’unda dee gə kəmee.

Pakɔsje 89:19

Mbata Njesigənea̰ lé to dər-rɔ lə sí ya, Njerɔkunda lə Israɛlje lé to mbai lə sí ya tɔ.

Esai 13:1

Ndərta gə́ inja kəm Esai, ŋgolə Amots’g aree oo gə́ wɔji ne dɔ Babilɔnje e.

Esai 2:1

Ndərta gə́ inja kəm Esai, ŋgolə Amots’g aree oo wɔji ne dɔ njé gə́ Juda gə dɔ njé gə́ Jerusalem tɔ.

Esai 20:2

mee ndəa’g neelé ɓa Njesigənea̰ pata ar Esai, ŋgolə Amots pana: Aw ɔr kubu-kwa-ndòo reŋgi’g ləm, gə ɔr négɔl gɔli’g ləm tɔ. Ndá yeḛ aw ra togə́bè ya tɔ ndá njaa ne kudee dum ləm, gə gɔlee kari ba ləm tɔ.

Esai 21:2

Némḭdi gə́ to ɓəl kədm-kədm inja kəm’g. Njekula kəm loo ndòo ula kəm loo ndòo ləm, Njetujiloo tuji loo ləm tɔ. Seḭje gə́ Elam, ɔrje rɔ rɔje! Seḭje gə́ Médi, aḭje dɔ ɓee-boo sub gə rɔ! M’a kar tuma̰ rɔ ŋgururu-ŋgururu lə dəwje godo lai.

Esai 37:2

Yeḛ ula Eliakim, njekaa dɔ kəi lə mbai ləm, gə Sebna, njendaji-maktub ləma, gə njékinjanéməsje gə́ tɔg d’unda mar deeje ləm tɔ ar dee d’ula kubu-kwa-ndòo ɓa rɔ dee’g d’aw ne rɔ Esai, njetegginta gə́ to ŋgolə Amots lé.

Esai 38:1

Mee ndəa’g neelé Ejekias oso gə rɔko̰ gə́ as yoo. Njetegginta Esai, ŋgolə Amots aw rəa’g ulá pana: Njesigənea̰ pa togə́bè pana: Un ndui ar njémeekəije ləi mbata i a gə kwəi ɓó a gə si kəmba el ŋga.

Esai 40:9

Seḭ gə́ síje Sio̰ lé Ubaje dɔ mbal gə́ ŋgal léŋgé-léŋgé Gə mba kila mber ta gə́ maji, Seḭ gə́ síje Jerusalem lé Ɔrje ndu sí gə́ tar wəl Gə mba kila mber ta gə́ maji, Ɔrje ndu gə́ tar ɓó ɓəlje el, Ulaje ɓee-booje gə́ Juda pajena: Aa ooje Ala lə sí lé,

Esai 6:1

Mee ləb kwəi’g lə mbai Ojias lé, ma m’oo Mbaidɔmbaije gə́ si dɔ kalimbai gə́ to tar sab, ar ta kubu ləa gə́ ŋgal yududu taa loo mee kəi-Ala’g pəl-pəl.

Esai 7:1

Mee ndɔ’g lə Akaj, ŋgolə Jotam, gə́ to ŋgolə Ojias, mbai gə́ Juda lé, Resin, mbai gə́ Siri aw gə Péka, ŋgolə Remalia, mbai gə́ Israɛl na̰’d gə mba kaḭ dɔ Jerusalem sub gə rɔ. Nɛ d’askəm dumee el.

Jeremi 23:16

Njesigənea̰ gə́ njeboo-néje pa togə́bè pana: Tugaje mbi sí dɔ taje’g lə njéteggintaje Gə́ d’aw teg d’ar sí lé el. Deḛ ndɔr sí dɔ néje gə́ kari ba ləm, D’ɔr goo némḭdije Gə́ d’ḭ ne meḛ dee-deḛ’g ya d’ar sí ləm tɔ Ɓó to ta gə́ ḭ ta Njesigənea̰’g el.

Ejekel 1:1

Mee ləb gə́ njekɔm’g rɔ-munda lé gə ndɔ mi lə naḭ gə́ njekɔm’g sɔ lé ndá, loo gə́ m’isi mbuna ɓərje’g mbɔr baa’d gə́ ria lə Kebar lé ndá, kəm dara teḛ am m’oo némḭdije gə́ d’ḭ rɔ Ala’g lé.

Ojee 1:1

Ta gə́ Njesigənea̰ ula Ojee, ŋgolə Beeri, mee ləb ko̰ɓee’g lə Ojias, gə Jotam, gə Ahas, gə Ejekias, mbaije gə́ Juda ləm, gə Jeroboam, ŋgolə Joas, mbai gə́ Israɛl lé ləm tɔ.

Amɔs 1:1

Taje lə Amɔs gə́ to yeḛ gə́ kára mbuna njékulbadje’d gə́ Tekoa lé. Némḭdije gə́ yeḛ oo wɔji dɔ Israɛl mee ndəa gə́ Ojias to ne mbai gə́ Juda ləm, Jeroboam, ŋgolə Joas to ne mbai gə́ Israɛl ləm tɔ lé ləb joo ɓad ɓa kar naŋg yə ɓəi lé.

Amɔs 4:5

Ḭjaje nékinjanéməsje lə sí gə́ ka̰ ra oiyo Gə́ əm-tiné to keneŋ ləm, Ilaje mbər nékinjanéməsje gə́ seḭ ḭje ne gə meḛ sí Raje arje ndiil ɓar dɔ’g lé ləm tɔ Mbata yee ɓa gə́ né gə́ seḭ ndigije ya, Seḭ gə́ Israɛlje lé, Mbaidɔmbaije gə́ Njesigənea̰ ɓa pa bèe.

Misee 1:1

Njesigənea̰ ula Mise, dəw gə́ Moreset ta mee ndəaje gə́ Jotam gə Ahas gə Ejekias, to ne mbaije gə́ Juda lé. To ta gə́ wɔji dɔ Samari gə Jerusalem gə́ yeḛ oo gə némḭdi lé.

Nahum 1:1

Maktub némḭdi gə́ to ndərta gə́ wɔji dɔ ɓee gə́ Ninibə gə́ Nahum, dəw gə́ Elkos oo lé.

Habakuk 2:2

Njesigənea̰ ulam ta pana: Maji kam m’ndaŋg gin ndərta gə́ m’oo lé, Maji kam m’tḭja dɔ bəgərə ndaŋg maktub’g Mba kar dee tura d’oo njai-njai.

Bula lə Israɛlje 12:6

Yeḛ pana: Ooje ta ləm maji, loo gə́ njetegginta a si mbuna sí’g ndá némḭdi ɓa ma Njesigənea̰ m’a riba ne səa dɔ rɔm ləm, ni ɓa m’a kwɔji ne səa ta ləm tɔ.

Bula lə Israɛlje 24:16

Ta lə yeḛ gə́ ndu Ala oso mbia’g ləm, Yeḛ gə́ gər né gə́ Njekurdɔloo wɔji mée’g mba ra ləm, Yeḛ gə́ né rəa gə́ mḭdi aree oo Bao-siŋgamoŋ ləma, Yeḛ gə́ unda barmba ndá yeḛ teḛ kəmee’g ləm tɔ.

Bula lə Israɛlje 24:4

Ta lə yeḛ gə́ ndu Ala oso mbia’g ləm, Yeḛ gə́ né rəa gə́ mḭdi aree oo Bao-siŋgamoŋ ləma, Yeḛ gə́ unda barmba ndá yeḛ teḛ kəmee’g ləm tɔ.

Matiyo 17:9

Loo gə́ deḛ d’ḭ dɔ mbal’g risi d’uru naŋg ndá Jeju un ndia ar dee pana: Né gə́ seḭ ooje lé areeje teḛ ta sí’g ja̰ ar dəw oo el saar kar ndɔ gə́ Ŋgon-dəw a kunda loo yoo teḛ.

Néra Njékaḭkulaje 10:17

Loo gə́ Piɛrə si yəŋ gə mba koo gin né gə́ rəa gə́ mḭdi neelé ɓəi ndá aa ooje, dəwje gə́ Kɔrnəi ula dee lé d’aar takəi’g lə Simo̰ lé yéŋgé-yéŋgé.

Néra Njékaḭkulaje 26:19

Mbai Agripa, yee gə́ bèe ɓa né gə́ ḭ dara gə́ ram gə́ mḭdi lé m’ɔs rəw el.

2 Njé gə́ Kɔrḭtə 12:1

To kəm kam m’ti rɔm yaa̰ ya. Yee ɓa to né gə́ to sur el. Nɛ lé bèe kara m’a teḛ ne dɔ némḭdije gə néje gə́ to loo-kiya’g gə́ Mbaidɔmbaije riba dɔ dee am m’oo lé.

2 Piɛrə 1:21

mbata ta gə́ pa lé ḭ mee dəw’g tel el. Ndilmeenda ɓa uru meḛ dəwje’g ar dee pa ne tapa Ala lé ya.