Ejekel 9:4 - Maktub gə́ To gə Kəmee

⁴ Njesigənea̰ ulá pana: Aw dan mee ɓee-boo’d gə́ Jerusalem, aw tɔs né ŋgono̰ dəwje gə́ meḛ dee tila ŋgaḭla-ŋgaḭla’g ar deḛ tuma̰ ŋgururu-ŋgururu mbata néje gə́ mina̰ lai gə́ ra mee ɓee-boo’g neelé.

Ejekel 9:4 ပူးပေါင်းရင်းမြစ်များ

Gḭ-Néje 4:15

Njesigənea̰ ulá pana: Ɓó lé dəw a tɔl Kaḭ ndá d’a dal bea̰ gɔl siri. Togə́bè Njesigənea̰ ra nétɔji rɔ Kaḭ’g mba kar nana ɓa gə́ iŋgá ndá a tɔlee el.

2 Mbaije 22:13

Maji kar sí awje, aw dəjije Njesigənea̰ mbata ləm ləm, mbata lə koso-dəwje ləma, gə mbata lə Judaje lai ləm tɔ wɔji ne dɔ gintaje nee gə́ to mee maktub gə́ d’iŋga lé, mbata oŋg lə Njesigənea̰ gə́ ḭ səa pu dɔ sí’g lé to oŋg gə́ boo ya mbata bɔ síje-je d’ila ŋgonkoji dɔ taje gə́ to mee maktub’g neelé el ləm, deḛ ra née gə́ kəm kar sí n’ra lé el ləm tɔ.

Pakɔsje 119:136

Man-no̰ ruba kəm’g asəna gə kəm-rəw-mán gə́ aḭ kuji-kuji bèe Mbata dəwje d’aa dɔ godndui el.

Pakɔsje 119:53

Loo gə́ m’oo njémeeyèrje gə́ d’uba godnduije d’ya̰ lé ndá Boo-oŋg ḭ səm jugugu.

Teḛ-Raga 12:13

Məs lé ɓa a to nétɔji dɔ kəije gə́ seḭ síje keneŋ, n’a koo məs neelé ndá n’a dəs dɔ sí’g tar tɔɓəi loo gə́ n’a kila tuji dɔ ɓee gə́ Ejiptə’g ndá tuji-boo neelé a tuji sí el.

Teḛ-Raga 12:23

Loo gə́ Njesigənea̰ a gə kaw mba tuji Ejiptə lé yeḛ a koo məs gə́ to kag tarəwkəi’g gə́ tar ləm, gə kag tarəwkəije gə́ joo’g ləm tɔ ndá Njesigənea̰ a dəs tarəw kəi’g lé tar ɓó yeḛ a kya̰ loo kar njetuji-néje andə mee kəije’g lə sí gə mba tuji sí el.

Teḛ-Raga 12:7

D’a kun məsee rad kag tarəwkəije gə́ joo’g ləm, gə dəa gə́ tar’g ləm tɔ, mee kəije kára-kára lai gə́ d’a gə sɔ né keneŋ lé.

Esai 57:15

Mbata Njekurdɔloo ləm Njesikəmba gə no̰ ləma, Yeḛ gə́ Ria to gə kəmee ləm tɔ lé Pa togə́bè pana: Ma m’isi sém looje gə́ ndəw’g ləm, Gə loo gə́ to gə kəmee’g ləm tɔ, Nɛ m’isi na̰’d gə dəw gə́ kəmee to ndòo ləm, Gə yeḛ gə́ ula dəa ləm tɔ, Gə mba gɔl meḛ dee gə́ d’ula dɔ dee ləm, Gə deḛ gə́ kəm dee to ndòo ləm tɔ.

Jeremi 13:17

Ɓó lé seḭ ooje ta el ndá N’a no̰ gə goo ŋgəḭ mbata beelé lə sí, Man no̰ a ruba kəm neḛ’g pɔ-pɔ, Mbata koso-dəwje gə́ to nékulje Le Njesigənea̰ lé d’a kaw sə dee ɓee-ɓər’g.

Ejekel 21:6

Ndá Njesigənea̰ ulam ta gə rɔtaje nee pana:

Ejekel 6:11

Mbaidɔmbaije gə́ Njesigənea̰ pa togə́bè pana: Jəŋ jii ləm, tuba gɔli naŋg ləm tɔ ndá pa pana: Ai-i mbata néje gə́ mina̰ lai gə́ to némeeyèrje lə gel-bɔje lə Israɛl gə́ d’a gə kwəi ne yoo-kiambas ləm, gə yoo-ɓoo-boo ləma, gə yoo-koso ləm tɔ.

Ejekel 9:5

Yeḛ ula njé gə́ raŋg ta aree oso mbim’g pana: Awje gée’g mee ɓee-boo’g aw tɔlje dəwje ya. Arje kəm sí kas ŋgɔgərɔ dɔ dee’g ɓó ooje kəmtondoo lə dee el.

Ejekel 9:6

Tɔlje ɓugaje, gə basaje, gə ŋgama̰dje, gə ŋganje, gə denéje ar deeje d’udu guduru. Nɛ maji kar sí tibije mbɔr nana kara gə́ d’ɔs né ŋgonea̰’g el, unje kudee loo’g lə neḛ gə́ to gə kəmee lé. Deḛ d’un kudee dɔ ŋgatɔgje gə́ d’isi takəi’g lé.

Amɔs 6:6

Deḛ d’ai mán-nduú mee baije gə́ boi-boi ləm, Deḛ d’wa rɔ dee gə ubu Gə́ maji ur dɔ mareeje’g ləm tɔ Nɛ meḛ dee o̰ dee Dɔ tuji gə́ oso dɔ ginkoji’g lə Jisəb lé el.

Soponi 1:12

Mee ndəa’g neelé n’a tən loo mee ɓee gə́ Jerusalem soo-soo gə pərndɔje lə neḛ ləm, Dəwje gə́ d’isi lɔm to gə́ ɓi mán-nduú gə́ oso gelee’g bèe Gə́ pa meḛ dee’g pana: Njesigənea̰ lé ra né gə́ maji əsé né gə́ majel bèe el lé N’a kar bo̰ néra dee ɔs ta dee’g ləm tɔ.

Soponi 3:18

N’a mbo̰ dee-deḛ lai gə́ kəmndoo ra dee Gə́ d’isi əw loo-ra-naḭje gə́ to gə kəmee lé Deḛ gə́ d’ḭ mbuna sí-seḭ’g ya, Rɔkul ɓa wɔi dɔ dee’g.

Malasi 3:16

Gelee gə́ ne ɓa deḛ gə́ ɓəl Njesigənea̰ lé d’ula na̰ ta gə́ yo gə́ nee. Njesigənea̰ lé tuga mbia oo ne ta lə dee ndá deḛ ndaŋg maktub gə́ ka̰ kolé mee Njesigənea̰ nea̰’g mbata lə deḛ gə́ ɓəl Njesigənea̰ ləm, d’ila riɓar dɔ ria’g ləm tɔ.

2 Njé gə́ Kɔrḭtə 1:22

Yeḛ ɔr sí unda sí gə dɔ jia ar sí ndilee gə́ nétorjia tɔl ne meḛ sí bém.

2 Njé gə́ Kɔrḭtə 12:21

Meem to kərm nà loo gə́ m’a teḛ dɔ sí’g lé Ala a kila rɔkul dɔm’g gə mbata lə sí ya tɔɓəi ləm, m’a gə no̰-no̰ njé gə́ na̰je gə́ d’oso dan kaiya’g ɓa d’wa ne ndòo rɔ dee dɔ mɔdkaiya’g gə kəmnda gə néraje gə́ kori-kori gə́ d’ula rɔ dee keneŋ lé el ɓəi ləm tɔ.

Njé gə́ Galati 6:17

Un ginee ɓasinè lé maji kar dəw kára kara ula kəm-ma ndòo el ŋga mbata tor nduna doo lə Jeju lé to rɔm’g mba̰.

Njé gə́ Epesə 4:30

Ndilmeenda lə Ala gə́ ɔr sí unda sí gə kəmee gə dɔ jia saar kar ndɔ kuga sí a teḛ lé ulaje kəmee ndòo el.

2 Timote 2:19

Nɛ ta gə́ Ala tum ginee lé kiriŋ naŋg kiriŋ-kiriŋ. Tor jia ɓa to ta nee gə́ deḛ ndaŋg kédé lé pana: Mbaidɔmbaije gər dee gə́ to kea̰je gao. Tɔɓəi pa ya ɓəi pana: Maji kar nana ɓa gə́ ɓar ri Mbaidɔmbaije ndá unda rəa ɓad dɔ néje gə́ ndɔji pɔdɔdɔ’g.

Loo gə́ killa rea kəm Ja̰’g 14:1

Ma m’aa loo gərərə m’oo Ŋgonbad gə́ aar dɔ mbal gə́ Sio̰’g, deḛ gə́ d’aar səa lé d’as tɔl-dɔg-loo-tɔl gə dɔ dee 44, ri Ŋgonbad gə ri Bɔbeeje lé to ŋgo no̰ dee’g.

Loo gə́ killa rea kəm Ja̰’g 20:4

Ma m’oo kalimbaije lé, deḛ gə́ d’isi keneŋ lé d’un ndu dee d’ar dee gə mba gaŋg rəwta. M’oo ndu dəwje gə́ goré gwɔb dee mbata goo ta lə Jeju gə goo ta lə Ala gə́ d’ɔr lé tɔ. D’wa néndaji rɔ da lé meḛ dee’g el ləm, d’iŋga nétorji ŋgo no̰ dee’g əsé ji dee’g el ləm tɔ. Deḛ tel d’isi kəmba gogo ndá d’o̰ ɓee gə Kristi na̰’d ləb dee tɔl-dɔg.

Loo gə́ killa rea kəm Ja̰’g 9:4

D’ula beedéje neelé mba kar dee ra majel gə muje el ləm, əsé gə pudu néje el ləma, əsé gə kagje kara el ləm tɔ nɛ dəwje gə́ tɔs né ŋgono̰ dee’g gə nétorji Ala el lé ɓa d’a ra dee meeyèr ya.