Ejekel 9:10 - Maktub gə́ To gə Kəmee

¹⁰ Neḛ kara n’a kar kəm neḛ kas ŋgɔgərɔ dɔ dee’g ləm, n’a koo kəmtondoo lə dee el ləm tɔ, n’a kar ta néra dee tel wa dɔ dee.

Ejekel 9:10 ပူးပေါင်းရင်းမြစ်များ

1 Mbaije 8:32

maji kari oo ta ləa mee dara’g, ra ne né ləm, gaŋg-rəwta lə kuraje ləi ləm tɔ. Dəw gə́ taa wa dəa lé ila ta dəa’g ləm, ar bo̰ nérea ɔs təa’g ya, dəw gə́ ta wa dəa el lé maji kari ra səa gə goo ta gə́ wa dəa lé el ya tɔ.

2 Sôrta Gḭka Israɛlje 6:23

maji kari oo ta ləa mee dara’g ləm, gə ra née ləma, gə gaŋg rəwta dɔ kuraje’g ləi ləm tɔ, maji kari ila ta dɔ yeḛ gə́ ta wa dəa’g ləm, ar ta nérea tel oso dəa-yeḛ’g ya ləm tɔ, dəw gə́ ta wa dəa el lé maji kari ɔr kəm ta ləa ləm, ra səa né gə goo ta gə́ wa dəa el lé ləm tɔ.

Esai 13:18

D’a tɔl basaje gə ɓandaŋgje lə dee ləm, D’a koo kəmtondoo lə ŋganje el ləma, D’a kun kəm dee dɔ ŋganje’g kya̰ dee el ləm tɔ.

Esai 65:6

Aa ooje, né gə́ ndaŋg taree nɔm’g lé ɓa nee: M’a si gə́ tam gə́ mundu el Nɛ m’a kar bo̰ néra dee ɔs ta dee’g, Tɔgərɔ, m’a kar bo̰ néra dee ɔs ta dee’g ya.

Nɔ̰-ndôo gə́ wɔji dɔ Jerusalem 1:5

Njékula kəmee ndooje dum dəa ləm, Njéba̰je ləa d’isi gə meelɔm ləm tɔ. Mbata Njesigənea̰ ula kəmndoo dəa’g Mbata kaiyaje ləa gə́ bula yaa̰ lé, Ŋganeeje lai lé njaa no̰ njekula kəm loo ndòo’g to gə́ ɓərje bèe ya.

Ejekel 11:21

Nɛ deḛ gə́ meḛ dee lel dee dɔ magəje’g lə dee ləm, gə dɔ néra deeje gə́ mina̰’g ləm tɔ lé n’a kar ta néra deeje neelé tel oso dɔ dee’g, Mbaidɔmbaije gə́ Njesigənea̰ ɓa pa bèe.

Ejekel 16:43

Mbaidɔmbaije gə́ Njesigənea̰ pa pana: Mbata i ar məəi olé dɔ ndɔje gə́ i nai ne ŋgon lé el ləm, mbata i ndo̰ ta neḛ gə néje neelé lai ləm tɔ ndá aa oo, n’a kar bo̰ panjaai ɔs tai’g, bèe ɓa i a ra kaiya korè ne dɔ néraije gə́ mina̰ lé el ŋga.

Ejekel 17:19

Gelee gə́ nee ɓa Mbaidɔmbaije gə́ Njesigənea̰ pa ne njaŋg togə́bè pana: Neḛ n’to njesikəmba! To rɔkubu gə́ gə ri neḛ lé ɓa yeḛ ə̰ji bəḭ-bəḭ ləm, to manrɔ lə neḛ ɓa yeḛ gaŋg kulá ləm tɔ. N’a kar taree wa dəa ya.

Ejekel 22:31

Yen ŋga n’a kɔm boo-oŋg lə neḛ dɔ dee’g ləm, n’a roo dee dula-dula gə pər oŋg lə neḛ ləma, n’a kar ta néra deeje tel wa dɔ dee ləm tɔ. Mbaidɔmbaije gə́ Njesigənea̰ ɓa pa bèe.

Ejekel 23:49

D’a kar ta néra kaiya lə sí tel wa dɔ sí ləm, néra kaiya lə magə-poleje lə sí lé seḭ a kubaje pəree ləm tɔ. Bèe ɓa seḭ a gərje ne to gə́ neḛ n’to Mbaidɔmbaije gə́ Njesigənea̰ lé.

Ejekel 24:14

Neḛ Njesigənea̰ m’pata ndá né neelé a teḛ ya, n’a ra née ləm, n’a kya̰ gée el ləma, n’a koo kəmtondoo əsé n’a tel gə ndu neḛ el ləm tɔ. D’a gaŋg rəwta dɔi’g gə goo panjaai ləm, gə nérai ləm tɔ. Mbaidɔmbaije gə́ Njesigənea̰ ɓa pa bèe.

Ejekel 43:3

Némḭdi neelé to asəna gə yee gə́ m’oo loo gə́ Ala ree gə mba tuji ɓee-boo lé, tɔɓəi némḭdije neelé to d’asəna gə njé gə́ m’oo ta baa gə́ Kebar’g tɔ. Bèe ɓa m’oso rəb m’dəb kəm naŋg.

Ejekel 5:11

Gelee gə́ nee ɓa Mbaidɔmbaije gə́ Njesigənea̰ un ne ndia njaŋg pana: Neḛ lé n’to Njesikəmba! To gə́ seḭ arje magəje lə sí lai gə néje lə sí lai gə́ mina̰ d’ar loo lə neḛ gə́ to gə kəmee lé mina̰ ndá neḛ kara n’a kun kəm neḛ dɔ sí’g ləm, kəm neḛ a kas ŋgɔgərɔ dɔ sí’g ləm tɔ ɓó n’a koo kəmtondoo lə sí nda̰ el.

Ejekel 7:3

Ɓasinè rudee teḛ dɔ sí’g ŋga. N’a gə kila oŋg lə neḛ dɔ sí’g ləm, n’a gaŋgta dɔ sí’g gə goo rəw-kaw sí’g ləma, n’a kar ta néra síje lai gə́ mina̰ lé wa dɔ sí ləm tɔ.

Ejekel 7:4

Kəm neḛ a kas ŋgɔgərɔ dɔ sí’g ləm, n’a koo kəmtondoo lə sí el ləm tɔ. Nɛ n’a kar ta gə́ wɔji dɔ rəw-kaw sí wa dɔ sí ləm, néra sí gə́ mina̰ lé a to mbuna sí’g ləm tɔ. Yee ɓa seḭ a gərje ne to gə́ neḛ n’to Njesigənea̰ ya.

Ejekel 8:18

Neḛ kara n’a ra né gə goo boo-oŋg ləm, kəm neḛ a kas ŋgɔgərɔ dɔ dee’g ləma, n’a koo kəmtondoo lə dee nda̰ el ləm tɔ. Loo gə́ d’a no̰ wəl mbi neḛ’g kara n’a kun mbi neḛ rəw dɔ’g ya tɔ.

Ejekel 9:11

Yee ɓa aa oo, dəw gə́ ula kubu gə́ d’ṵji gə kúla palégal rəa’g ləm, gə ula néndaŋ-maktub ndar’d gə́ tɔ ne ɓəree ləm tɔ lé pata ne néje gə́ yeḛ ra lé pana: Né gə́ yeḛ ula neḛ lé neḛ n’ra ya.

Ejekel 9:5

Yeḛ ula njé gə́ raŋg ta aree oso mbim’g pana: Awje gée’g mee ɓee-boo’g aw tɔlje dəwje ya. Arje kəm sí kas ŋgɔgərɔ dɔ dee’g ɓó ooje kəmtondoo lə dee el.

Ojee 9:7

Ndɔje gə́ ka̰ kar bo̰ néra dee ɔs ta dee’g lé Teḛ mba̰ ləm, Ndɔje gə́ ka̰ kuga dɔ ji dee lé Teḛ mba̰ ləm tɔ. Israɛlje d’a koo kea̰ gao ya! Néra kori-korije lə sí gə kaltaje lə sí gə́ al dɔ loo sula lé ɓa Ar sí ooje ne njetegginta gə́ mbə-dəw ləm, Dəw gə́ ndil Ala dəb dəa’g lé Seḭ éeje ne gə́ dəw gə́ dəa tel wagəsa ləm tɔ.

Joɛl 3:4

Kàr a tel ndul njudu-njudu ləm, Naḭ a tel kas to gə́ məs bèe ləm tɔ Ɓad ɓa kar ndɔ lə Mbaidɔmbaije a teḛ ɓəi, A to ndɔ gə́ boo ləm, gə ndɔ nduba rɔ ləm tɔ.

Jakari 11:6

Mbata n’a koo kəmtondoo lə dəwje gə́ mee ɓee’g neelé el ŋga, Njesigənea̰ ɓa pa bèe. Nɛ aa ooje, n’a kya̰ dee ji na̰’d gə́ yo gə́ nee ləm, n’a kya̰ na̰ na̰ kara ji mbai’g ləa-ləa ləm tɔ. D’a tuji ɓee neelé nɛ n’a taa dəw kára kara ji dee’g el.

Tel tura Godndu 32:41

Ɓó lé m’ɔl ta kiambas ləm gə́ ndɔḭ pèl-pèl ləm, Ɓó lé m’wa rəwta-gaŋg gə́ gə dɔ najee jim’g ləm tɔ ndá, M’a dal ba̰ gə njéba̰je ləm ləm, M’a kar bo̰ néra dee Gə́ njékḛjim bəḭ-bəḭje ɔs ta dee’g ləm tɔ.

Ǝbrəje 10:30

Mbata yeḛ gə́ pana: Dal ba̰ to kama, ma ɓa m’a dal bea̰ lé jeḛ n’gəree gao ya. Tɔɓəi yeḛ pana: Mbaidɔmbaije a gaŋg-rəwta dɔ koso-dəwje’g ləa.