Ejekel 8:9 - Maktub gə́ To gə Kəmee

⁹ Yeḛ ulam pana: Maji kam m’andə kəi m’oo némajelje lə dee gə́ to néje gə́ mina̰ gə́ deḛ ra loo gə́ nee’g lé.

Ejekel 8:9 ပူးပေါင်းရင်းမြစ်များ

Ejekel 20:8

Nɛ deḛ d’ḭ sə neḛ d’ɔs ta lə neḛ rəw ɓó deḛ ndigi koo ta lə neḛ el. Dəw kára kara ya̰ goo néje gə́ mina̰ gə́ tel kəmee lé el ləm, deḛ d’ya̰ goo magəje gə́ Ejiptə lé el ləm tɔ. Ndá neḛ n’wɔji mba ɓugu boo-oŋg lə neḛ dɔ dee’g ləm, mba kar oŋg lə neḛ aw lée’g béréré dɔ dee’g mee ɓee gə́ Ejiptə ləm tɔ.

Ejekel 8:10

Ma m’andə keneŋ m’aa loo gərərə ndá aa oo, m’oo néje lai gə́ ra ndaji ne ndil néje gə́ d’ag naŋg ləm, gə daje gə́ mina̰ ləma, gə magəje lə gel-bɔje lə Israɛlje lai gə́ ndaji dee kaar ndògo-bɔrɔ’g gugu dəa sub.

Ejekel 8:6

Ndá yeḛ ulam pana: Ma ŋgon-dəw lé see m’oo né gə́ deḛ ra gə́ to boo-néje gə́ mina̰ gə́ gel-bɔje lə Israɛl d’isi ra loo gə́ nee’g gə mba kar neḛ n’ya̰ ne loo lə neḛ gə́ to gə kəmee neelé wa. Nɛ m’a koo boo-néraje gə́ mina̰ gə́ raŋg ya tɔɓəi.

Ejekel 8:8

Ndá yeḛ ulam pana: Ma ŋgon-dəw lé maji kam m’ɔs kəm ndògo-bɔrɔ mbudu. Ma m’ɔs kəm ndògo-bɔrɔ lé mbudu ya tɔ ndá aa oo, tarəwkəi to keneŋ.