Ejekel 8:3 - Maktub gə́ To gə Kəmee

³ Yeḛ ula né gə́ tana gə ji dəw bèe naŋg wa ne yiŋga dɔm. Ndil lé unm naŋg aw səm mbuna naŋg gə dara’g ndá yeḛ unm dan némḭdije gə́ ḭ rɔ Ala’g lé aw səm Jerusalem, tarəw gə́ mee kəi gə́ to par gə́ kel dɔgel, loo gə́ magə-kəmkəḭ gə́ ɔs gel kəmkəḭ lə Njesigənea̰ lé to keneŋ.

Ejekel 8:3 ပူးပေါင်းရင်းမြစ်များ

1 Mbaije 18:12

Tɔɓəi loo gə́ m’a kubai kya̰’i ndá Ndil Njesigənea̰ a kuni kaw səi loo gə́ ma m’gər’g el, ndá m’a kaw kula Akab ɓa ɓó yeḛ ḭgai el ndá a tɔlm. Nɛ ma kura ləi m’to njeɓel Njesigənea̰ gə basm ba.

2 Mbaije 16:14

Yeḛ ɔr loo-nékinjaməs gə́ ra gə larkas gə́ to no̰ Njesigənea̰’g mbɔr tarəwkəi’g mba karee to mbuna loo-nékinjaməs’d gə́ sigi gə kəi lə Njesigənea̰ lé el, ndá yeḛ ŋgəs ne par gə́ kel dɔjigel lə loo-nékinjaməs gə́ sigi lé.

2 Mbaije 2:16

Deḛ d’ulá pana: Aa oo, mbuna kuraje’g ləi lé dəwje gə́ njésiŋgamoŋje d’as rɔ-mi d’isi keneŋ nee. See i ndigi kar dee d’aw saŋg ɓéije lé wa. Banelə Ndil Njesigənea̰ unee aw səa ila dɔ mbal’g əsé kəm wəl-loo’g. Nɛ yeḛ tel ila dee keneŋ pana: Ulaje dəw kára kara el.

2 Mbaije 21:7

Yeḛ unda magə-Astarté gə́ yeḛ ra lé mee kəi gə́ Njesigənea̰ ula Dabid gə ŋgonee Salomo̰ pana: To mee kəi gə́ nee gə mee Jerusalem gə́ ma mbəree mbuna ginkoji Israɛlje’g lai gə mba kunda rim dɔ’g saar gə no̰ lé.

Pakɔsje 78:58

D’ar oŋg ḭ ne səa pu Dɔ looje lə dee gə́ ndəw’g lé ləm, D’ɔs ne gel kəmkəḭ ləa Gə Magəpoleje lə dee lé ləm tɔ.

Teḛ-Raga 20:4

I a tɔl né ndaji ne magə el, lé néje gə́ tar mee dara’g əsé néje gə́ dɔ naŋg nee əsé néje gə́ dan mán’d gə́ to gel naŋg kara i a ra né ndaji dee ne kára kara bèe el ya.

Teḛ-Raga 20:5

I a kunda barmba dəb kəmi naŋg no̰ dee’g el ləm, i a kula kəm rɔi ndòo mbata lə dee el ləm tɔ, mbata ma Njesigənea̰, Ala ləi lé ma m’to Ala gə́ kəm əḭ dɔ koso-dəwje’g ləm gə́ m’ar bo̰ néra yèr lə bɔ ŋganje gə́ d’ḛjim bəḭ-bəḭ lé ɔs ta ŋgan deeje’g saar njéboakojije lə dee gə́ kudu munda əsé gə́ kudu sɔ tɔ,

Teḛ-Raga 34:14

Seḭ a kundaje barmba no̰ magə’d el, mbata Njesigənea̰ lé ria lə kəmkəḭ ləm, yeḛ to Ala gə́ kəmee əḭ dɔ koso-dəwje’g ləa ləm tɔ.

Jeremi 32:34

Deḛ d’unda magəje lə dee gə́ to kḛji mee kəi gə́ rim ɓar dɔ’g gə mba kar kəi neelé mina̰ ne.

Jeremi 7:30

Mbata Judaje ra né gə́ majel kəm’g, Njesigənea̰ ɓa pa bèe, deḛ d’unda magəje lə dee gə́ mina̰ mee kəi gə́ d’unda gə kəmee d’am lé gə mba karee mina̰ ne.

Ejekel 1:1

Mee ləb gə́ njekɔm’g rɔ-munda lé gə ndɔ mi lə naḭ gə́ njekɔm’g sɔ lé ndá, loo gə́ m’isi mbuna ɓərje’g mbɔr baa’d gə́ ria lə Kebar lé ndá, kəm dara teḛ am m’oo némḭdije gə́ d’ḭ rɔ Ala’g lé.

Ejekel 10:3

Nékundaje gə́ dara lé to par gə́ dɔkɔl lə kəi loo gə́ dəw lé andə keneŋ ndá mum taa mee gadloo gə́ mee kəi’g lé pəl-pəl.

Ejekel 11:1

Ndil lé unm aw səm tarəwkəi’g lə Njesigənea̰ gə́ to bər gə́ tel təa par gə́ bər. Ndá aa oo, dəwje rɔ-joo-gir-dee-mi d’isi tarəw gə́ loo-kandə-kəi’g, tɔɓəi ma m’oo Jaasania, ŋgolə Ajur gə Pelatia, ŋgolə Benaja deḛ gə́ to mbaije lə koso-dəwje lé mbuna dee’g lé.

Ejekel 11:24

Ndil lé unm aw səm Kalde rɔ deḛ gə́ d’isi ɓee-ɓər’g lé, ndil Ala ɓa unm asəna gə némḭdi bèe aw səm ndá némḭdi gə́ m’oo lé sané kad dɔm’g.

Ejekel 2:9

Ma m’aa loo ndá aa oo dəw wa maktub gə́ kə́ na̰’d jia’g ula ndiŋ gə́ dɔm’g.

Ejekel 3:12

Yen ŋga ndil unm am m’oo kaa né gə́ ɓar ɗigi-ɗigi goom’g pana: Maji kar dɔ rɔnduba lə Njesigənea̰ ai səgərə loo-siée’g!

Ejekel 3:14

Ndil unm sèn aw səm. M’aw gə meeko̰ gə meekḭ jugugu ndá Njesigənea̰ wam gə ji siŋgamoŋ ləa.

Ejekel 37:1

Ji Njesigənea̰ to dɔm’g ndá Njesigənea̰ ar ndilee unm aw səm ilam mee wəl-loo’g loo gə́ siŋga dəwje to keneŋ njɔg-njɔg.

Ejekel 40:2

Yeḛ unm aw səm keneŋ dan némḭdije’g ka̰ Ala ndá yeḛ undam dɔ mbal gə́ ŋgal léŋgé-léŋgé’g loo gə́ néje to keneŋ par gə́ dɔkɔl asəna gə kəije gə́ to mee ɓee-boo’g bèe.

Ejekel 43:5

Yen ŋga ndil unm aw səm mee gadloo gə́ mee kəi’g kɔrɔg. Ndá aa oo, nérɔnduba lə Njesigənea̰ taa mee kəi pəl-pəl.

Ejekel 43:8

Deḛ d’ar loo gə́ tarəw’g lə dee to mbɔr ka̰ neḛ’g ləm, d’ar kag-tarəwje lə dee to mbɔr ka̰ neḛ’g ləm tɔ ndá ndògo-bɔrɔ ba gaŋg mbuna neḛ sə deeje, bèe ɓa deḛ d’ula ne sul dɔ ri neḛ gə́ to gə kəmee’g gə néraje gə́ mina̰ gə́ deḛ ra, gelee gə́ nee ɓa neḛ n’roo dee ne dula-dula dan oŋg’d lə neḛ gə mbəa.

Ejekel 5:11

Gelee gə́ nee ɓa Mbaidɔmbaije gə́ Njesigənea̰ un ne ndia njaŋg pana: Neḛ lé n’to Njesikəmba! To gə́ seḭ arje magəje lə sí lai gə néje lə sí lai gə́ mina̰ d’ar loo lə neḛ gə́ to gə kəmee lé mina̰ ndá neḛ kara n’a kun kəm neḛ dɔ sí’g ləm, kəm neḛ a kas ŋgɔgərɔ dɔ sí’g ləm tɔ ɓó n’a koo kəmtondoo lə sí nda̰ el.

Ejekel 7:20

Deḛ d’əsta dɔ nérab rɔje’g lə dee Gə́ mbərḛ mbə̰-mbə̰ ləm, Deḛ ndaji néje lə dee gə́ mina̰ jɔmri-jɔmri gə magə-poleje lə dee ləm tɔ. Gelee gə́ nee ɓa n’a karee tel to né gə́ to kḛji kəm dee’g,

Ejekel 8:5

Yeḛ ulam pana: Ma ŋgon-dəw lé maji kam m’un kəm par gə́ dɔgel! Ma m’un kəm par gə́ dɔgel lé ya tɔ ndá aa oo, magə-kəmkəḭ neelé to par gə́ dɔgel mbɔr tarəwkəi’d gə́ aw par gə́ loo-nékinjaməs gə́ to loo-kandə-kəi’g.

Ejekel 9:2

Yen ŋga aa oo, dəwje misa̰ ree gə tarəwkəi gə́ dɔ maree’g par gə́ dɔgel lé, nana kara nétujiloo ləa to jia’g-jia’g. Dəw kára mbuna dee’g ula kubu gə́ d’ṵji gə kúla palégal rəa’g ləm, ula néndaŋ-maktub ndar’d gə́ tɔ ne ɓəree ləm tɔ. Deḛ ree d’aar mbɔr loo-nékinjaməs’d gə́ ra gə larkas lé.

Loo gə́ killa rea kəm Daniel’g 10:10

Aa oo, ji dəw ɔrɔ rɔm am m’ḭ m’tɔs kəjim gə m’orè dabla jim naŋg ləm, m’unda bala tigi-tigi ləm tɔ.

Loo gə́ killa rea kəm Daniel’g 10:18

Yen ŋga nékunda gə́ to tana gə dəw lé tel ɔrɔ rɔm gɔl kára tɔɓəi ɓa am siŋgam ɓəi.

Loo gə́ killa rea kəm Daniel’g 5:5

Mee kàree’g neelé ŋgan ji dəw teḛ kəm dee’g ndaŋg ta dɔ pɔrɔ gə́ ra kaar kəi-mbai’g no̰ kag pərndɔ’g. Mbai lé oo dɔ tel ji dəw gə́ aw ndaŋg ne ta lé.

Néra Njékaḭkulaje 8:39

Loo gə́ d’unda loo mán teḛ mba̰ ndá Ndil Mbaidɔmbaije un Pilibə sèn, igi səa kág ar njekuji ée gogo el nja saar. Nɛ njekuji lé un rəw ləa gə rɔlel mée’g.

Tel tura Godndu 32:16

Deḛ d’ar kəmkəḭ lə Njesigənea̰ ḭ dɔ maree’d gə́ kédé-kédé mbata lə magəje gə́ dɔɓee’g, Deḛ d’ar mée ḭ səa pu gə néje gə́ mina̰ tɔ.

Tel tura Godndu 32:21

Deḛ d’ar kəm əḭ dɔ dee’g Mbata lə né gə́ to gə́ Ala el ləm Deḛ d’ar məəm ḭ səm jugugu Mbata lə magə-poleje lə deḛ gə́ kari ba ləm tɔ Ndá m’a kara m’a kar kəm dee əḭ Mbata lə ginkoji dəwje gə́ kari ba ləm M’a kar meḛ dee o̰ dee Mbata lə ginkoji dəwje gə́ to mbə-dəwje ləm tɔ.

Tel tura Godndu 4:24

Mbata Ala lə sí gə́ Njesigənea̰ lé to pər gə́ roo loo ləm, to Ala gə́ kəmee əḭ mba njé’g ləa ləm tɔ.

Tel tura Godndu 5:9

I a kunda barmba dəb kəmi naŋg no̰ dee’g el ləm, i a kula rɔi ndòo mbata lə dee el ləm tɔ, mbata ma Ala ləi gə́ Njesigənea̰ lé m’to Ala gə́ kəm əḭ gə mba njé’g ləm, nɛ deḛ gə́ d’ḛjim bəḭ-bəḭ lé ma m’to njekar bo̰ néraje lə bɔ ŋganje ɔs ta ŋgan deeje’g saar teḛ ne dɔ ŋgaka deeje gə́ njekɔm’g munda əsé sɔ’g tɔ,

Tel tura Godndu 6:15

mbata Ala lə sí gə́ Njesigənea̰ gə́ si mbuna sí’g lé to Ala gə́ kəmee əḭ mbata njé’g ləa. Oŋg lə Ala lə sí gə́ Njesigənea̰ a kḭ səa to gə́ pər bèe dɔ sí’g ndá yeḛ a kar sí uduje ne guduru dɔ naŋg nee tɔ.

Jujé 24:19

Juje ula koso-dəwje lé pana: Seḭ lé siŋga sí a kaskəm kwa Njesigənea̰ meḛ sí’g el mbata yeḛ to Ala gə́ njerɔkunda ləm, gə Ala gə́ ar kəmee əḭ dɔ dəwje’g ləa ləm tɔ. Yeḛ a kar mée oso lemsé dɔ néra kori-korije’g lə sí əsé dɔ kaiyaje’g lə sí el.