Ejekel 8:18 - Maktub gə́ To gə Kəmee

¹⁸ Neḛ kara n’a ra né gə goo boo-oŋg ləm, kəm neḛ a kas ŋgɔgərɔ dɔ dee’g ləma, n’a koo kəmtondoo lə dee nda̰ el ləm tɔ. Loo gə́ d’a no̰ wəl mbi neḛ’g kara n’a kun mbi neḛ rəw dɔ’g ya tɔ.

Ejekel 8:18 ပူးပေါင်းရင်းမြစ်များ

Gosota-Kəmkàrje 1:28

D’a ɓarm nɛ m’a kila dee keneŋ el ləm, D’a saŋgəm pir-pir nɛ d’a kiŋgam el ləm tɔ.

Esai 1:15

Loo gə́ seḭ odoje ji sí gə́ tar ndá Ma m’un kəm dɔ’g rəw, Loo gə́ tamajije lə sí d’ɔs goo na̰ goo na̰ kara Ma m’udu mbim dɔ’g tɔ, Məs wa ji sí mbəgə-mbəgə.

Esai 59:1

Wah! ji Njesigənea̰ na tas Gə mba kaji sí el ləm, Mbia kara wa soo Dɔ koo ta’g lə sí el ləm tɔ.

Esai 59:2

Nɛ to néra majel lə sí ɓa Tḭ sí gə Ala lə sí ləm, To kaiyaje lə sí ɓa Ɔg sí loo koo kəmee ləma, Gə ɔgee koo ta lə sí ləm tɔ.

Jeremi 11:11

Gelee gə́ nee ɓa Njesigənea̰ pa ne pana: Aa ooje, n’a gə kar nékəmndooje ree dɔ dee’d gə́ d’a kaskəm kɔr rɔ dee keneŋ el. D’a no̰ gə́ rɔ neḛ’g ndá n’a koo ta lə dee el.

Jeremi 14:12

Ɓó lé d’ɔg meḛ dee ɓoo kara n’a koo ndu no̰ lə dee el ləm, əsé lé d’un nékinjanéməsje gə́ ka̰ roo əsé nékarje kara n’a taa el ləm tɔ. Mbata neḛ ndigi tuji dəwje neelé gə kiambas ləm, gə ɓoo-boo ləma, gə yoo-koso ləm tɔ.

Jeremi 23:39

Gelee gə́ nee ɓa, aa ooje, n’a kar mee neḛ wəi dɔ sí’g ləm, n’a mbad sí-seḭ gə ɓee-boo gə́ n’ar sí gə n’ar bɔ síje-je ləma, n’a kɔm sí əw no̰ neḛ’g ləm tɔ.

Jeremi 44:3

mbata néra majel lə dee gə́ deḛ ra d’aw roo ne néje gə́ ə̰də sululu d’ar magəje ləm, deḛ pole magəje gə́ deḛ əsé seḭ əsé bɔ síje-je gər deeje el lé ləm tɔ d’ar məəm ḭ ne səm pu dɔ dee’g lé.

Jeremi 44:6

Ma m’ɓugu oŋg gə meekḭ jugugu ləm dɔ dee’g ndá m’roo ɓee-booje gə́ Juda ləm, gə mba̰-rəwje gə́ Jerusalem ləm tɔ ar dee tuji pugudu ləm, ar dee tel to dɔdilaloo ləm tɔ, to gə́ dəwje d’oo ɓogənè lé.

Nɔ̰-ndôo gə́ wɔji dɔ Jerusalem 1:5

Njékula kəmee ndooje dum dəa ləm, Njéba̰je ləa d’isi gə meelɔm ləm tɔ. Mbata Njesigənea̰ ula kəmndoo dəa’g Mbata kaiyaje ləa gə́ bula yaa̰ lé, Ŋganeeje lai lé njaa no̰ njekula kəm loo ndòo’g to gə́ ɓərje bèe ya.

Nɔ̰-ndôo gə́ wɔji dɔ Jerusalem 2:17

Njesigənea̰ ra to gə́ yeḛ wɔji mée’g kédé lé ya. Taje gə́ yeḛ pa kédé gə́ ləw lé kara Yeḛ tɔl bém tɔ, Yeḛ tuji loo lal koo ne kəmtondoo ləm, Yeḛ teli gə́ nékalrɔ lə njeba̰ ləi ləma, Yeḛ ar siŋga njékula kəmi ndooje lé Ḭ dɔ maree’d gə́ kédé-kédé ləm tɔ.

Ejekel 16:42

N’a kar oŋg lə neḛ aw as lée’g béréré dɔi’g ndá i a to néra kəmkəḭ lə neḛ el ŋga, n’a kar mee neḛ to lɔm ləm, n’a kar mee neḛ ḭ sə neḛ jugugu el ŋga ləm tɔ.

Ejekel 23:25

N’a kɔm oŋg lə neḛ dɔi’g ndá d’a ra səi gə goo boo-oŋg ləm, d’a tḭja əmi gə mbiije ləma, ges njé’g ləi gə́ nai ndá d’a kwəi yoo-kiambas ləm tɔ, d’a taa ŋganije gə́ diŋgam gə njé gə́ dené ndá ges njé’g ləi gə́ nai lé d’a roo dee tɔ.

Ejekel 24:13

Kaiya ɓa to dan né gə́ mina̰ jɔmri-jɔmri’g ləi mbata neḛ ndiŋga rɔ neḛ mba kɔr né gə́ mina̰ jɔmri-jɔmri lé rɔi’g nɛ i tel àr ne el, i a kàr el ŋga saar n’a kar boo-oŋg lə neḛ aw ne lée’g béréré dɔi’g.

Ejekel 9:10

Neḛ kara n’a kar kəm neḛ kas ŋgɔgərɔ dɔ dee’g ləm, n’a koo kəmtondoo lə dee el ləm tɔ, n’a kar ta néra dee tel wa dɔ dee.

Ejekel 9:5

Yeḛ ula njé gə́ raŋg ta aree oso mbim’g pana: Awje gée’g mee ɓee-boo’g aw tɔlje dəwje ya. Arje kəm sí kas ŋgɔgərɔ dɔ dee’g ɓó ooje kəmtondoo lə dee el.

Misee 3:4

Yen ŋga d’a no̰ wəl gə́ rɔ Njesigənea̰’g, Nɛ yeḛ a kila dee keneŋ el. Mee ndəa’g neelé yeḛ a kiya rəa kəm dee’g Mbata néraje lə dee gə́ to kḛji lé.

Nahum 1:2

Njesigənea̰ to Ala gə́ kəmee əḭ dɔ dəwje’g ləa ləm, Yeḛ to njedalba̰ ləm tɔ, Njesigənea̰ to njedalba̰, Oŋg taa mée pəl-pəl, Njesigənea̰ dal ba̰ gə njékoma̰ səaje ləm, Yeḛ ar mée aw biri-biri dɔ njéba̰je’g ləa ləm tɔ.

Jakari 1:2

Mee Njesigənea̰ ḭ səa pu dɔ bɔ síje-je’g.

Jakari 7:13

Yen ŋga Njesigənea̰ gə́ njeboo-néje pa ne njaŋg pana: Loo gə́ neḛ m’ɓar dee ndá Deḛ mbad koo ta lə neḛ. Togə́bè ɓa loo gə́ deḛ ɓar neḛ ndá Neḛ kara neḛ mbad koo ta lə dee tɔ.

Lugu 13:25

Loo gə́ njekəi lé a kuba naŋg kḭ tar gə mba kudu takəi ɓa seḭ a naije raga ndá a kunje kudu kundaje tabidi rəw-kəi, a pajena: Mbai, mbai, ɔr rəw ar sí. Nɛ yeḛ a kila sí keneŋ pana: Ma m’gər loo gə́ seḭ ḭje keneŋ el.

1 Samel 8:18

Mee ndəa gən lé seḭ a raje né wəl-wəl kɔmje ne ta dɔ mbai gə́ seḭ ya ɓa toje njékɔreje lé nɛ Njesigənea̰ a koo ndu no̰ lə sí el.