Ejekel 7:8 - Maktub gə́ To gə Kəmee

⁸ Ɓasinè nai lam bèe n’a gə kila boo-oŋg lə neḛ dɔ sí’g ləm, n’a kar oŋg lə neḛ aw lée’g béréré dɔ sí’g ləm tɔ, n’a gaŋgta dɔ sí’g gə goo rəw-kawje lə sí ləm, n’a kar ta néra síje lai gə́ mina̰ lé wa dɔ sí ləm tɔ!

Ejekel 7:8 ပူးပေါင်းရင်းမြစ်များ

2 Sôrta Gḭka Israɛlje 34:21

Awje aw dəjije Njesigənea̰ mbata ləm ləm, gə mbata lə ges Israɛlje gə Judaje ləm tɔ, gə goo taje gə́ d’iŋga mee maktub’g neelé, mbata oŋg lə Njesigənea̰ gə́ ḭ səa pu dɔ sí’g lé to oŋg gə́ boo ya mbata bɔ síjeḛ-je d’aa dɔ ta lə Njesigənea̰, ra néeje lai gə́ ndaŋg mee maktub’g neelé el.

Pakɔsje 79:6

Maji kari ɓugu boo-oŋg ləi Dɔ Ginkoji dəwje gə raŋg’d gə́ gəri el ləm, Gə dɔ ɓeeko̰je’d gə́ ɓar rii keneŋ el lé ləm tɔ.

Esai 42:25

Gelee gə́ nee ɓa yeḛ ɓugu ne boo-oŋg ləa dɔ Israɛlje’g ləm, Ar rɔ gə́ to ɓəl kədəm-kədəm lé Ɔm ne dɔ dee’g ləm tɔ. Rɔ neelé aḭ dɔ dee sub-sub gə looje lai Nɛ dee d’oo ginee el ləm, Yee roo dee dula-dula Nɛ d’oo gə́ né el tɔ.

Jeremi 36:31

M’a kar bo̰ nérea ɔs təa’g gə ta ŋgakeaje’g gə ta kuraje’g ləa mbata néra kori-korije lə dee lé ndá m’a kar némeekonje lai gə́ ma m’ndəji dee ne nɛ deḛ d’oo ta ləm el lé teḛ dɔ dee’g ləm, gə dɔ njé gə́ Jerusalem’g ləma, gə dɔ dəwje gə́ Juda’g ləm tɔ.

Jeremi 7:20

Gelee gə́ nee ɓa Mbaidɔmbaije gə́ Njesigənea̰ pa ne togə́bè pana: Aa ooje, m’a kar oŋg ləm gə oŋg-boo ləm taa loo gə́ neelé yal-yal. A kɔm dɔ dəwje’g, gə dɔ daje’g, gə dɔ kagje gə́ mee ndɔje’g, gə dɔ kandə néje gə́ naŋg nee tɔ, oŋg neelé a ko̰ to gə́ pər bèe ndá a kwəi nda̰ el.

Nɔ̰-ndôo gə́ wɔji dɔ Jerusalem 2:17

Njesigənea̰ ra to gə́ yeḛ wɔji mée’g kédé lé ya. Taje gə́ yeḛ pa kédé gə́ ləw lé kara Yeḛ tɔl bém tɔ, Yeḛ tuji loo lal koo ne kəmtondoo ləm, Yeḛ teli gə́ nékalrɔ lə njeba̰ ləi ləma, Yeḛ ar siŋga njékula kəmi ndooje lé Ḭ dɔ maree’d gə́ kédé-kédé ləm tɔ.

Nɔ̰-ndôo gə́ wɔji dɔ Jerusalem 2:4

Yeḛ wa ɓandaŋg ləa to gə́ njeba̰ bèe Ar jikɔlee ɔr léréré wɔji ne dɔ né ɗig To gə́ njeban ləa bèe tɔ, Yeḛ tuji néje lai gə́ mbərḛ mbə̰ kəm dəwje’g ləm, Yeḛ ɓugu oŋg ləa dɔ kəi-kubu’g Le ŋgoma̰də gə́ Sio̰ to gə́ pər bèe ləm tɔ.

Nɔ̰-ndôo gə́ wɔji dɔ Jerusalem 4:11

Njesigənea̰ ɔr suna meekḭ jugugu ləa, Yeḛ ɓugu oŋg ləa gə́ nuŋga kəd-kəd lé tɔ. Yeḛ ula pər mee ɓee gə́ Sio̰’g Aree roo gin ɓee lé dula-dula.

Ejekel 11:21

Nɛ deḛ gə́ meḛ dee lel dee dɔ magəje’g lə dee ləm, gə dɔ néra deeje gə́ mina̰’g ləm tɔ lé n’a kar ta néra deeje neelé tel oso dɔ dee’g, Mbaidɔmbaije gə́ Njesigənea̰ ɓa pa bèe.

Ejekel 14:19

Esé ɓó lé n’ula gə yoo-koso dɔ ɓee’g neelé ləm, n’ɔm yoo ɓa dɔ dee’g gə goo boo-oŋg lə neḛ mba tuji ne dəwje gə daje pugudu-pugudu keneŋ ləm tɔ

Ejekel 16:43

Mbaidɔmbaije gə́ Njesigənea̰ pa pana: Mbata i ar məəi olé dɔ ndɔje gə́ i nai ne ŋgon lé el ləm, mbata i ndo̰ ta neḛ gə néje neelé lai ləm tɔ ndá aa oo, n’a kar bo̰ panjaai ɔs tai’g, bèe ɓa i a ra kaiya korè ne dɔ néraije gə́ mina̰ lé el ŋga.

Ejekel 16:59

Mbata Mbaidɔmbaije gə́ Njesigənea̰ pa togə́bè pana: N’a ra səi né to gə́ i ra lé, i gə́ ə̰ji ta rɔkubu bəḭ-bəḭ gaŋg ne kúla manrɔ lé.

Ejekel 18:30

Gelee gə́ nee ɓa seḭ gel-bɔje lə Israɛl lé nana kara n’a gaŋgta dəa’g gə goo nérea-rəa ya. Mbaidɔmbaije gə́ Njesigənea̰ ɓa pa bèe. Ɔsje badm tel reeje, ya̰je goo kaltaje lə sí lai gə mba kar néra kori-korije lə sí tel to gel tuji lə sí el.

Ejekel 20:13

Nɛ gel-bɔje lə Israɛl d’ḭ sə neḛ d’ɔs ta lə neḛ rəw dɔdilaloo’g. Deḛ d’un goo godnduje lə neḛ el ləm, d’uba ndukunje lə neḛ gə́ dəw ra née ndá a si ne kəmba lé d’ya̰ ləma, deḛ d’ula sul dɔ ndɔ-kwa-rɔje’g lə neḛ ləm tɔ. Bèe ɓa neḛ n’wɔji mba ɓugu boo-oŋg lə neḛ dɔ dee’g dɔdilaloo’g kar dee d’udu guduru tɔ.

Ejekel 20:21

Nɛ ŋganje neelé d’ḭ sə neḛ d’ɔs ta lə neḛ rəw. Deḛ d’un goo godnduje lə neḛ lad-lad el ləm, deḛ d’aa dɔ ndukunje lə neḛ ra née gə́ dəw ra ndá a si ne kəmba lé el ləma, d’ila ndɔl ɓa dɔ ndɔ-kwa-rɔje’g lə neḛ ləm tɔ. Ndá neḛ n’wɔji mba ɓugu boo-oŋg lə neḛ dɔ dee’g ləm, kar oŋg lə neḛ aw lée’g béréré dɔ dee’g dɔdilaloo’g ləm tɔ.

Ejekel 20:33

Mbaidɔmbaije gə́ Njesigənea̰ pana: Neḛ n’to njesikəmba! Kag ji neḛ gə́ ɓar mèr-mèr gə́ n’ula ndiŋ lé ɓa n’a ko̰ ne ɓee dɔ sí’g ndá n’a ɓugu ne boo-oŋg lə neḛ dɔ sí’g tɔ.

Ejekel 20:8

Nɛ deḛ d’ḭ sə neḛ d’ɔs ta lə neḛ rəw ɓó deḛ ndigi koo ta lə neḛ el. Dəw kára kara ya̰ goo néje gə́ mina̰ gə́ tel kəmee lé el ləm, deḛ d’ya̰ goo magəje gə́ Ejiptə lé el ləm tɔ. Ndá neḛ n’wɔji mba ɓugu boo-oŋg lə neḛ dɔ dee’g ləm, mba kar oŋg lə neḛ aw lée’g béréré dɔ dee’g mee ɓee gə́ Ejiptə ləm tɔ.

Ejekel 22:31

Yen ŋga n’a kɔm boo-oŋg lə neḛ dɔ dee’g ləm, n’a roo dee dula-dula gə pər oŋg lə neḛ ləma, n’a kar ta néra deeje tel wa dɔ dee ləm tɔ. Mbaidɔmbaije gə́ Njesigənea̰ ɓa pa bèe.

Ejekel 24:14

Neḛ Njesigənea̰ m’pata ndá né neelé a teḛ ya, n’a ra née ləm, n’a kya̰ gée el ləma, n’a koo kəmtondoo əsé n’a tel gə ndu neḛ el ləm tɔ. D’a gaŋg rəwta dɔi’g gə goo panjaai ləm, gə nérai ləm tɔ. Mbaidɔmbaije gə́ Njesigənea̰ ɓa pa bèe.

Ejekel 30:15

N’a kɔm boo-oŋg lə neḛ dɔ Sḭ gə́ to gadloo-kaar-kɔgərɔ lə Ejiptəje ləm, n’a kar koso-dəwje gə́ No gə́ bula digi-digi lé d’udu guduru ləm tɔ.

Ejekel 33:20

Seḭ pajena: Rəw lə Mbaidɔmbaije to gə goo rəbee el. Seḭ gel-bɔje lə Israɛl lé nana kara n’a gaŋg rəwta dəa’g gə goo panjaa ləa ya.

Ejekel 6:12

Yeḛ gə́ si əw ndá a kwəi yoo-koso ləm, yeḛ gə́ si dəb ndá a kwəi yoo-kiambas ləma, yeḛ gə́ nai ɓa d’a kaḭ dəa sub gə rɔ ndá yeḛ a kwəi yoo-ɓoo-boo ləm tɔ. N’a kɔm boo-oŋg lə neḛ dɔ dee’g karee as lée’g béréré ya.

Ejekel 7:27

Mbai wa ndòo yoo ləm, Ɓəl unda mbai gə́ njekaa dɔ dəb ɓeeko̰ badə gaŋgee ləma, Ji koso-dəw-mee-ɓeeje unda bala tigi-tigi ləm tɔ. N’a ra sə dee gə goo rəw-kaw deeje ləm, N’a gaŋgta dɔ dee’g gə goo néra deeje ləm tɔ, Yee ɓa d’a gər ne to gə́ neḛ n’to Njesigənea̰ ya.

Ejekel 7:9

Kəm neḛ a kas ŋgɔgərɔ dɔ sí’g ləm, n’a koo kəmtondoo lə sí nda̰ el ləm, n’a kar ta gə́ wɔji dɔ rəw-kaw síje wa dɔ sí ləma, néra síje gə́ mina̰ a to mbuna sí’g ləm tɔ. Yee ɓa seḭ a gərje ne to gə́ neḛ n’to Njesigənea̰, yeḛ gə́ njekunda sí lé.

Ejekel 9:10

Neḛ kara n’a kar kəm neḛ kas ŋgɔgərɔ dɔ dee’g ləm, n’a koo kəmtondoo lə dee el ləm tɔ, n’a kar ta néra dee tel wa dɔ dee.

Ejekel 9:8

Ma m’nai gə karm ba loo gə́ d’aw tɔl dee lé ndá m’oso m’dəb kəm naŋg m’ra ne wəl m’pana: Wai Mbaidɔmbaije gə́ Njesigənea̰, see i a tuji ges Israɛlje lai gə́ nai kɔm ne boo-oŋg ləi dɔ Jerusalem’g wa.

Loo gə́ killa rea kəm Daniel’g 9:11

Israɛlje lai d’al ta ta godnduije’g ləm, deḛ d’uba rəw ləi d’ya̰ d’oo ne ndui el ləm tɔ. Togə́bè ɓa ta ndɔlje gə ndu manje gə́ ndaŋg taree mee maktub godndu Moyis’g, kura lə Ala wa ne dɔ sí gə mbəa, mbata jeḛ n’raje kaiya, j’ɔsje ne ta lə Ala rəw.

Loo gə́ killa rea kəm Daniel’g 9:27

Yeḛ a man rəa njaŋg mba kɔm na̰’d gə njé gə́ na̰je mee ndəaje gə́ siri as gɔl kára. Nɛ mee ges ndəaje gə́ siri lé yeḛ a kɔg dee loo kinja néməs ləm, gə kun né kar Ala ləm tɔ. Njetujiloo lé a ra néje gə́ mina̰ gə́ d’al dɔ loo sula saar gə mba kar tuji gə néje gə́ d’wɔji gə mba ra lé ɓugu dɔ njetujiloo’g lé.

Ojee 12:3

Njesigənea̰ aw gə Judaje gə ta Ndá yeḛ a kar bo̰ néra njé gə́ lə Jakob ɔs ta dee’g Mbata lə panjaa dee ləm, Yeḛ a kuga dee gə goo néra dee ləm tɔ.

Ojee 5:10

Mbaije gə́ Juda lé to d’asəna Gə dəwje gə́ ŋgəs kag-rəw-nim gə́ kédé bèe. M’a kɔm oŋg ləm dɔ dee’g Karee to asəna gə mán gə́ no̰ tar mbiao̰-mbiao̰ bèe.

Nahum 1:6

See na̰ ɓa a kaar gəs no̰ oŋg’d ləa wa. See na̰ ɓa a kaar tar no̰ oŋg’d ləa gə́ nuŋga kəd-kəd’g lé wa. Oŋg ləa ɔm dɔ loo’g to gə́ pər bèe. Yee ɓa ar biri mbalje d’yiri njigi-njigi nea̰’g.

Loo gə́ killa rea kəm Ja̰’g 14:10

ndá yeḛ kara boo-oŋg lə Ala a rəa to gə́ dəw gə́ ai kido bèe, a to kido gə́ mḭ yaa̰ gə́ d’a ndusu mee bai’g gə goo kára ba ya. Yeḛ neelé a si dan néurti dan pər’g ləm, gə dan kṵji pər gə́ teḛ sa gi-gi’g ləm tɔ kəm kuraje gə́ dara gə́ to gə kəmee ləm, gə kəm Ŋgonbad’g lé ləm tɔ.