Ejekel 7:27 - Maktub gə́ To gə Kəmee

²⁷ Mbai wa ndòo yoo ləm, Ɓəl unda mbai gə́ njekaa dɔ dəb ɓeeko̰ badə gaŋgee ləma, Ji koso-dəw-mee-ɓeeje unda bala tigi-tigi ləm tɔ. N’a ra sə dee gə goo rəw-kaw deeje ləm, N’a gaŋgta dɔ dee’g gə goo néra deeje ləm tɔ, Yee ɓa d’a gər ne to gə́ neḛ n’to Njesigənea̰ ya.

Ejekel 7:27 ပူးပေါင်းရင်းမြစ်များ

1 Mbaije 20:28

Dəw lə Ala ree pər gə́ rɔ mbai’d gə́ Israɛl ndá ulá pana: Njesigənea̰ pa togə́bè pana: Mbata Aramje pa togə́bè pana: Njesigənea̰ to Ala gə́ si dɔ mbalje’g ɓó to Ala gə́ si ndag-looje’g el, gelee gə́ nee ɓa m’a gə kya̰ koso-dəwje gə́ bula digi-digi neelé meḛ ji sí’g mba kar sí gərje to gə́ ma m’to Njesigənea̰ ya.

Maktub gə́ wɔji dɔ Jɔb 8:22

Njéba̰je ləi d’a si gə rɔkul ləm, Njémeeyèrje d’a sané kad-kad ləm tɔ.

Pakɔsje 109:18

Maji kar ndɔl wa dəa to gə́ kubu gə́ dəw dolè ne rəa bèe ləm, Maji karee andə mée’g to gə́ mán ləma, To gə́ ubu andə ne mee sḭgareaje’g bèe ləm tɔ.

Pakɔsje 109:19

Maji karee on rəa to gə́ kubu gə́ ŋgal yududu bèe ləm, Asəna gə ndar gə́ tɔ ne ɓəree ta-ta bèe ləm tɔ.

Pakɔsje 109:29

Maji kar kəm sɔḭ wa kəm njékoma̰ səmje Asəna gə kubu bèe ləm, Maji kar dee dolè rɔ dee gə rɔkul Asəna gə kubu gə́ ŋgal yududu bèe ləm tɔ!

Pakɔsje 35:26

Maji kar deḛ lai gə́ d’al rɔ dee dɔ nékəmndoo’g ləm lé Nai gə rɔkul ya! Maji kar deḛ gə́ d’ḭ səm kara Rɔkul-boo dəb dɔ dee’g bigim to!

Pakɔsje 9:16

Ginkoji dəwje gə raŋg d’oso mee bwa Gə́ deḛ nja d’uru’g lé ləm, Gɔl dee kara réḛ gum gə́ deḛ nja d’iya pḛ́ lé ləm tɔ.

Esai 3:11

Nɛ meeko̰ a koso dɔ njémeeyèrje’g. D’a si dan majel’g Mbata d’a kiŋga né gə goo kandə néraje Gə́ ji dee ra lé tɔ.

Ejekel 14:23

Deḛ d’a gɔl meḛ sí loo gə́ seḭ a kooje panjaa deeje ləm, gə kula ra deeje ləm tɔ ndá seḭ a gərje ne to gə́ néje lai gə́ neḛ n’ra lé n’ra gə mḭdé ba el, Mbaidɔmbaije gə́ Njesigənea̰ ɓa pa bèe.

Ejekel 18:30

Gelee gə́ nee ɓa seḭ gel-bɔje lə Israɛl lé nana kara n’a gaŋgta dəa’g gə goo nérea-rəa ya. Mbaidɔmbaije gə́ Njesigənea̰ ɓa pa bèe. Ɔsje badm tel reeje, ya̰je goo kaltaje lə sí lai gə mba kar néra kori-korije lə sí tel to gel tuji lə sí el.

Ejekel 21:25

A ndaji rəw kára gə mba kar kiambas teḛ ne Rabat, ɓee-boo’g lə Amo̰je ləm, yee gə́ raŋg karee teḛ Juda mee ɓee-boo gə́ Jerusalem gə́ d’ila ndògo-bɔrɔ gugu ne dəa sub lé ləm tɔ.

Ejekel 26:16

Ŋgan-mbaije lai gə́ njékaa dɔ dəb ɓeeko̰je gə́ d’isi ta baa-boo-kad’g lé d’ḭ dɔ kalimbaije’g lə dee d’ur naŋg. Deḛ tɔr kubuje lə dee gə́ boi yul-yul rɔ dee’g ləm, deḛ tɔr kubuje lə dee gə́ d’ɔs ndaji ta’g ləm tɔ. Deḛ ɓiri rɔ dee gə ɓəl ndá rəm d’isi naŋg. Ɓəl-boo dəb dɔ dee’g gə mee kàrje lai ləm, ɓəl unda dee badə gaŋg dee mbata né gə́ yeḛ aree teḛ dɔi’g ləm tɔ.

Ejekel 7:3

Ɓasinè rudee teḛ dɔ sí’g ŋga. N’a gə kila oŋg lə neḛ dɔ sí’g ləm, n’a gaŋgta dɔ sí’g gə goo rəw-kaw sí’g ləma, n’a kar ta néra síje lai gə́ mina̰ lé wa dɔ sí ləm tɔ.

Ejekel 8:1

Mee ləb gə́ njekɔm’g misa̰ lé naḭ gə́ njekɔm’g misa̰ ra ndɔ mi loo gə́ ma m’isi mee kəi’g ləm ləm, ŋgatɔgje gə́ Juda d’isi nɔm’g ləm tɔ ndá Mbaidɔmbaije gə́ Njesigənea̰ ila jia dɔm’g.

Matiyo 7:2

Mbata ta gə́ seḭ gaŋgje lé nja tɔ d’a gaŋg ne ta dɔ sí’g ləm, nékwɔji né gə́ seḭ wɔjije ne né lé nja tɔ d’a kwɔji ne né kar sí tɔ.

Maktub gə́ Jak ula ne ar ngan-Allaje 2:13

Yeḛ gə́ meekɔrjol ləa godo ndá loo-gaŋg-rəwta lé meekɔrjol ləa a godo keneŋ tɔ. Nɛ meekɔrjol lé rəwta-gaŋg a kudu ne tɔ.