Ejekel 7:24 - Maktub gə́ To gə Kəmee

²⁴ N’a kar koso-dəwje gə́ meeyèr lə dee ur dɔ ka̰ mar deeje’g lé ree Mba taa kəije lə dee gə́ ka̰ dee-deḛ, N’a kar beelé lə njésiŋgamoŋje udu guduru Ndá looje lə dee gə́ to gə kəmee lé D’a kila ndɔl dɔ’g ya.

Ejekel 7:24 ပူးပေါင်းရင်းမြစ်များ

Gḭ-Néje 47:26

Jisəb ar né neelé to gə́ godndu mee ɓee gə́ Ejiptə saar teḛ mee ndɔ gə́ ɓogənè mba kar Parao̰ iŋga kugu kó kára mbuna njé gə́ mi-mi’g. Nɛ dɔ naŋg lə njékinjanéməsje ɓa Parao̰ iŋga kea̰ keneŋ el.

Pakɔsje 106:41

Yeḛ uba dee ya̰ dee ji ginkoji dəwje gə raŋg’g ləm, Deḛ gə́ d’ə̰ji dee bəḭ-bəḭ kara Tel dum dɔ dee ya ləm tɔ.

Pakɔsje 74:7

Deḛ d’ula pər kəi ləi gə́ to gə kəmee doi ləm, Kəi gə́ rii ɓar dɔ’g lé Deḛ kunda təd d’ula ne sul dɔ’g ya ləm tɔ.

Pakɔsje 83:12

Mbaije lə dee lé maji kari ra sə dee To gə́ i ra gə Oreb, gə Jeeb bèe ləm, To gə́ i ra gə Jebak, gə Salmuna bèe ya ləm tɔ,

Esai 5:14

Gelee gə́ nee ɓa ɓee lə yoo lé təa to tag ləm, Ta bwa dɔɓar to tag hagaga ləm tɔ. Bèe ɓa boo-némajije gə nébaoje lə Sio̰ lé ndɔm na̰ keneŋ ləm, Boo-dəwje lə dee gə́ ndu dee ɓar yi-i-i gə rɔlel lé ndɔm na̰ keneŋ ləm tɔ.

Jeremi 12:12

Mee looje lai gə́ ndəw Gə́ to dɔdilaloo’g lé Njétujilooje ree keneŋ, Mbata kiambas lə Njesigənea̰ Tuji ɓee bura ya̰ gesee el, Dəw kára kara iŋga meelɔm el.

Jeremi 17:4

Seḭ a kubaje nédɔji lə sí Gə́ n’ar sí kédé lé kya̰je Mbata néramajelje lə sí Ndá n’a kar sí raje kula ɓər Kar njéba̰je lə sí Mee ɓee gə́ seḭ gərje kédé el, Mbata seḭ arje pər oŋg lə neḛ o̰, To pər gə́ a ko̰ saar gə no̰.

Jeremi 4:7

Toboḭ ḭ loo-kum’g unda loo teḛ ləm, Njetuji ginkoji dəwje gə raŋg lé Uba loo-tée ya̰ Si njaa gə mba tuji ɓee lə sí, Ɓee-booje lə sí d’a tuji pugudu-pugudu ləm, Dəw kára kara a nai keneŋ el ləm tɔ.

Jeremi 6:12

Kəije lə dee d’a tel to ka̰ njé gə́ raŋg ləm, Loo-ndɔje lə dee gə denéje lə dee Kara bèe ləm tɔ, Loo gə́ m’a kula jim ndiŋ Gə́ dɔ dəw-mee-ɓeeje’g, Njesigənea̰ ɓa pa bèe.

Nɔ̰-ndôo gə́ wɔji dɔ Jerusalem 5:2

Némajije lə sí lé tel to ka̰ dəw-dɔ-ɓeeje ləm, Kəije lə sí kara tel to ka̰ dəwje gə́ jeḛ n’gər deeje el ləm tɔ.

Ejekel 21:2

Ma ŋgon-dəw lé maji kam m’tel kəm gə́ dɔkɔl m’pata m’ila dɔ loo gə́ dɔkɔl’g! M’tegginta m’ila dɔ dəwje gə́ d’isi mee kag-kɔr gə́ to par gə́ dɔkɔl!

Ejekel 21:31

Mbaidɔmbaije gə́ Njesigənea̰ pa togə́bè pana: D’a kɔr jɔg ləm, d’a kɔr dɔgugu ləm tɔ! Néje d’a tel to ɓəd. Yeḛ gə́ d’aree ula dəa lé d’a karee unda dəa tar ləm, yeḛ gə́ d’aree unda dəa tar lé d’a karee ula dəa ləm tɔ.

Ejekel 24:21

Maji kam m’ula gel-bɔje lə Israɛl m’pana: Mbaidɔmbaije gə́ Njesigənea̰ pa togə́bè pana: Aa ooje, n’a gə kila ndɔl dɔ loo lə neḛ gə́ to gə kəmee gə́ to néti-rɔ dɔ siŋgamoŋ’d lə sí ləm, gə to ŋgonkəm sí ləma, gə né gə́ seḭ undaje dan kəm sí’g ləm tɔ. Ŋgan síje gə́ diŋgam gə njé gə́ dené gə́ seḭ ya̰ deeje lé d’a kwəi yoo-kiambas tɔ.

Ejekel 28:7

aa oo, n’a kɔm dəw-dɔ-ɓeeje gə́ to ɓəl kədm-kədm unda dəwje gə́ raŋg dɔi’g, deḛ d’a tɔr kiambas lə dee tuji ne maji kəmkàr ləi ləm, d’a tibi yiro dɔ maji péd-péd’g ləi ləm tɔ.

Ejekel 33:28

N’a kar ɓee tel to dɔ nduba gə́ wa ŋgɔ njag-njag ləm, gə dɔdilaloo ləm tɔ, siŋgamoŋgee gə́ yeḛ aw ti ne rəa a godo ləm, dɔ mbalje gə́ Israɛl a to kari péd-péd kar dəw kára kara dəs keneŋ el ləm tɔ.

Soponi 1:13

Némajije lə dee d’a to nékunda banrɔ ləm, Kəije lə dee kara d’a tuji pugudu-pugudu ləm tɔ. Deḛ ra kəije ya Nɛ d’a si keneŋ gogo el ləm, Deḛ ma̰a kag-nduúje ya Nɛ d’a kai manee el ŋga ləm tɔ.